1
1 សូមយើងឱនក្បាលចុះទាំងអស់គ្នា...ព្រះអង្គអើយ ទូលបង្គំពិតជាដឹងគុណចំពោះទ្រង់ក្នុងរាត្រីនេះ សំរាប់ឱកាសដែលទ្រង់បានប្រទានមកទូលបង្គំសារជាថ្មីក្នុងព្រះនាមព្រះយេស៊ូវគ្រីស្ទ ដើម្បីនឹងជួបសត្រូវរបស់ទូលបង្គំ និងសត្រូវរបស់ទ្រង់ ដែលកំពុងតែនៅក្នុងសមរភូមិនេះ ដោយព្រះបន្ទូលរបស់ទ្រង់សូមបណ្តេញវាចេញពីរាស្រ្តរបស់ទ្រង់ផង ដើម្បីឲ្យទូលបង្គំបានឃើញទ្រង់កាន់តែច្បាស់ក្នុងរាត្រីនេះផងដែរ។ ទូលបង្គំអធិស្ឋានសូមទ្រង់បើកភ្នែកទូលបង្គំឲ្យបានឃើញពីសេចក្តីពិត ហើយពេលដែលទូលបង្គំចាកចេញពីទីនេះឲ្យចិត្តរបស់ទូលបង្គំចងចាំជានិច្ច “ទ្រង់មានបន្ទូលមកយើង ហើយចិត្តរបស់យើងឆេះឆួលជានិច្ច។”សូមទ្រង់ព្យាបាលអស់ទាំងជំងឺនិងភាពក្រៅក្រហាយនៅក្នុងចិត្តទាំងអស់ពីទូលបង្គំគ្រប់គ្នា។ សូមទ្រង់លើកទឹកចិត្តចំពោះអ្នកដែលបាក់ទឹកចិត្ត ហើយលើកអ្នកដែលខ្សោយផងដែរ។ ទូលបង្គំរងចាំការត្រលប់មកវិញរបស់ទ្រង់ ដែលទូលបង្គំមានជំនឿចំពោះសេចក្តីនេះ។ ទូលបង្គំទូលសូមក្នុងព្រះនាមព្រះយេស៊ូវគ្រីស្ទ។ អាម៉ែន។ សូមបងប្អូនទាំងអស់គ្នាអង្គុយចុះ។
2
រាត្រីនេះខ្ញុំនឹងមិននិយាយវែងទេ ពីព្រោះខ្ញុំដឹងថាបងប្អូនភាគច្រើនមកពីកន្លែងផ្សេងៗ ដើម្បីចូលរួមក្នុងទីនេះ ហើយក៏មានបងប្អូនមួយចំនួនត្រូវត្រលប់នៅវិញដែរ។ព្រឹកមិញនេះខ្ញុំបានលឺលោកNeville និយាយនិងចែកចាយការងាររបស់គាត់ ខ្ញុំពិតជាកោតសរសើរចំពោះគាត់។ ពិតជាល្អមែន។ ហើយខ្ញុំអាចដឹងបានថា ហេតុអ្វីបានមនុស្សភាពច្រើនចូលចិត្តមកទីនេះដើម្បីនឹងស្តាប់គាត់។ ខ្ញុំដឹងថាគាត់តែងតែប្រាប់ពីការល្អជានិច្ច។
3
ខ្ញុំខំប្រឹងដើម្បីនឹងចាប់ឲ្យបាននូវការសំភាសក្នុងថ្ងៃនេះ។ ហើយខ្ញុំទទួលបានច្រើនមែនទែន។
ខ្ញុំជឿថាJethro បានប្រាប់Mosesកាលពីពេលមួយថា “ខ្ញុំសុចរិតណាស់សំរាប់អ្នក”។ ដូច្នេះយើងមានបងប្អូនជាច្រើនដែលបានជួបប្រទះនូវបញ្ហា ហើយម្នាក់សុទ្ឋតែបានឆ្លងកាត់វាយ៉ាងល្អ។ ហើយពេលនេះខ្ញុំសូមណែនាំលោកគ្រូគង្វាលរបស់យើង ឬលោកMann ហើយនឹងអ្នកបំរើព្រះដោយក្តីជំនឿផ្សេងទៀតនៅទីនេះ អ្នករាល់គ្នាអាចស្គាល់ពួកគេបាន។ ពួកគេនឹងប្រាប់អ្នករាល់គ្នាពីការពិតដែលត្រូវធ្វើ។ មានមនុស្សមួយចំនួនកូនៗរបស់គេរៀបការជាមួយអ្នកដែលមិនជឿព្រះ រឿងនោះមិនត្រឹមត្រូវទេ។ ប៉ុន្តែបុរសទាំងនេះគេជួយអ្នកពីព្រោះគេជាអ្នកបំរើរបស់ព្រះគ្រីស្ទ។ ចូរទៅឯពួកគេ ហើយខ្ញុំប្រាកដថាពួកគេនឹងផ្តល់ឲ្យនូវអ្វីដែលអ្នកចង់បាន។ អ្នករាល់គ្នាឃើញទេ ពួកគេត្រៀមខ្លួនជាស្រេចដើម្បីនឹងជួយអ្នករាល់គ្នា ដូច្នេះអ្នករាល់គ្នាអាចចូលទៅកាន់ពួកគេរាល់គ្នាបានគ្រប់ពេល។ ហើយខ្ញុំអធិស្ឋានសូមព្រះធ្វើការក្នុងជីវិតអ្នករាល់គ្នា។
4
ក្នុងរាត្រីនេះ យើងចង់មើលទៅកាន់ព្រះគម្ពីរហើយយើងនឹងអានទាំងអស់គ្នានៅក្នុងព្រះគម្ពីរលោកុប្បត្តិ ជំពូក៣ ហើយខ្ញុំសូមរំលឹងបន្តិចទាក់ទងនឹងអ្វីដែលខ្ញុំបាននិយាយជាមួយអ្នករាល់គ្នាកាលពីមុន ហើយមើលព្រះទ្រង់នឹងប្រទានឲ្យយើងបន្ថែមនូវអ្វីដែលយើងត្រូវដឹងនៅពេលដែលយើងចេញពីទីនេះទៅ។ ខ្ញុំអធិស្ឋានថាទ្រង់នឹងធ្វើ។
ឯពស់ជាសត្វចេះឩបាយកលលើសជាងអស់ទាំងសត្វព្រៃ ដែលព្រះយេហូវ៉ាដ៏ជាព្រះទ្រង់បានបង្កើត វានិយាយទៅកាន់ស្រ្តីថា តើព្រះមានបន្ទូលហាមមិនឲ្យអ្នកបរិភោគផ្លែឈើណានៅក្នុងសួនច្បារមែនឬ
ស្ត្រីឆ្លើយតបថា យើងបរិភោគអស់ទាំងផ្លែឈើនៅក្នុងសួនច្បារនោះបាន
តែត្រង់ដើមឈើមួយដែលនៅកណ្តាលសួនច្បារនោះ ព្រះទ្រង់មានបន្ទូលថា កុំឲ្យបរិភោគឡើយ ថែមទាំងកុំឲ្យប៉ះផង ក្រែងលោស្លាប់
រួចពស់ក៏និយាយទៅកាន់ស្រ្តីនោះថា អ្នកមិនស្លាប់ជាពិតមែន
ដ្បិតព្រះទ្រង់ជ្រាបថា នៅថ្ងៃណាដែលអ្នកបរិភោគ នោះភ្នែកអ្នកនឹងបានភ្លឺឡើង ហើយអ្នកនឹងបានដូចជាព្រះដែរ ព្រះទាំងដឹងខុសត្រូវផង
កាលស្ត្រីឃើញថា ផ្លែឈើនោះបរិភោគបាន ក៏ជាទីគាប់ដល់ភ្នែក ហើយជាដើមដែលល្មមគួរនឹងចង់បាន ដើម្បីឲ្យបានប្រាជ្ងា នោះនាងក៏យកផ្លែមកបរិភោគ ព្រមទាំងចែកឲ្យដល់ប្តីដែរ គាត់ក៏បរិភោគតាម
នោះស្រាប់តែភ្នែករបស់អ្នកទាំង២ បានភ្លឺឡើង ហើយគេដឹងថាខ្លួននៅជាអាក្រាត ក៏យកស្លឹកល្វាមកក្លាស់ធ្វើជាប្រដាប់ប៉ឹង។
5
ឥឡូវនេះ ខ្ញុំសូមយកអត្ថបទសំរាប់រាត្រីនេះចេញ ហើយឲ្យចំនងជើងថា អេដែនរបស់សាតាំង បើនិយាយជាពាក្យអាក្រក់ថា សួនច្បារអេដែនរបស់អារក្សសាតាំង។ វាជាដូចអ្វីដែលខ្ញុំបាននិយាយកាលពីថ្ងៃសៅរ៍កន្លងមកដែរ ហើយខ្ញុំជឿថា ខ្ញុំបាននិយាយទៅកាន់អ្នករាល់គ្នាអំពីThinking Man's Filter ហើយនិង Holy Man's Taste។ ហើយពេលខ្លះរាល់ទាំងពាក្យអាក្រក់ទាំងនេះនាំយើងទៅកាន់អ្វីមួយផ្សេងទៀត វាអាចធ្វើឲ្យមានចិត្តដើម្បីរៀន ហើយអានព្រះបន្ទូលព្រះ។ នេះជាអ្វីដែលខ្ញុំចង់ឲ្យអ្នកជឿព្រះធ្វើ។ “មនុស្សមិនមែនរស់ដោយសារតែនំបុ័ងទេ ប៉ុន្តែរស់ដោយសារព្រះបន្ទូលដែលចេញពីព្រះឱសព្រះវិញ”។ ដូច្នេះយើងត្រូវអានព្រះគម្ពីរ ហើយរៀនវាជានិច្ច។ ហើយការសិក្សាព្រះគម្ពីរ អ្នកត្រូវមានភ្នែកដែលមកពីព្រះដើម្បីឲ្យអ្នកអាចយល់បានពីអ្វីដែលអ្នកត្រូវធ្វើដើម្បីរស់ក្នុងពេលបច្ចុប្បនេះ។
6
ឥឡូវនេះមានអ្នកដែលមកនិយាយជាមួយនឹងអ្នក “បាទ!! ខ្ញុំអាចធ្វើការនេះ និងការនោះបាន”។ ខ្ញុំចង់និយាយទៅកាន់មនុស្សជាច្រើន ហើយខ្ញុំចង់ធ្វើដំណើរទៅផ្ទះវិញជាមួយអ្នករាល់គា្ន។ ព្រះទ្រង់ជ្រាបពីសេចក្តីពិត។ ខ្ញុំចង់ធ្វើដំណើរទៅវិញជាមួយអ្នករាល់គ្នា ញុំាអាហារពេលព្រឹកជាមួយគ្នា ហើយចេញទៅបាញ់សត្វជាមួយអ្នករាល់នៅថ្ងៃស្អែកពេលល្ងាច។ អ្នករាល់គ្នាឃើញទេ ខ្ញុំចង់ធ្វើដូច្នេះ តែខ្ញុំមិនអាចធ្វើវាបានឡើយ។ ហើយខ្ញុំចង់ទៅធ្វើផ្ទះ ហើយអង្គុយជាមួយអ្នករាល់គ្នា អង្គុយនៅឯវាលបន្ទាប់ពីកម្មវិធីនេះចប់ និយាយជាមួយអ្នករាល់អំពីព្រះ។ ខ្ញុំចង់ធ្វើការនេះណាស់។ បុរសស្រ្តី ដែលនៅទីនេះ ខ្ញុំសូមប្រាប់ថា ព្រះទ្រង់ជ្រាបថាខ្ញុំចង់ធ្វើការនេះ ប៉ុន្តែខ្ញុំមិនអាចធ្វើបានឡើយ។
7
បច្ចប្បន្ននេះខ្ញុំមានគំនិតមួយ។ ខ្ញុំចង់ធ្វើវា ហើយពេលខ្លះខ្ញុំបានធ្វើតែនៅថ្ងៃស្អែកវានៅរាប់លានmilesពីខ្ញុំ។ អ្នករាល់គ្នាមានពេលក្នុងការរក្សាគោលដៅណាមួយនៅក្នុងជីវិតអ្នក។ តែសំរាប់ខ្ញុំគោលដៅចំបងនោះគឺ អធិប្បាយព្រះបន្ទូលទៅកាន់ក្រុមជំនុំ និងធ្វើកិច្ចការជាច្រើនទៀតសំរាប់ដំកើងព្រះយេស៊ូវគ្រីស្ទ នៅខណៈពេលដែលខ្ញុំនៅផែនដីនេះ។
8
ខ្ញុំនឹងប្រាប់អ្នករាល់គ្នាពីការមួយដែលអាចនឹងជួយអ្នករាល់គ្នាបាន វាជាអ្វីដែលខ្ញុំបានរៀនបន្ទាប់ពីខ្ញុំបានទៅដល់ផ្ទះកាលពីព្រឹកម៉ិញនេះ។ ព្រះអើយអ្វីដែលទូលបង្គំត្រូវនិយាយសូមឲ្យបានជាជំនួយសំរាប់មនុស្សទាំងអស់នេះផង។ សូមអ្នករាល់គ្នាស្តាប់ព្រះបន្ទូលដ៏មានព្រះចេស្តារបស់ទ្រង់ក្នុងវេលាព្រឹកនេះ ដែលលោកNevilleបានបង្រៀនយើង... ខ្ញុំដឹងថានោះពិតជាមានអស្ចារ្យណាស់ ពីអ្វីដែលគាត់បាននិយាយ“វេជ្ជបណ្ឌិតនឹងធ្វើរោគវិភាគ បន្តែអ្នកដែលមានកាន់ម្ជុលនោះនឹងចាក់ថ្នាំដល់អ្នក”។ ដូច្នេះខ្ញុំគិតថានោះពិតជាមេរៀនដែលល្អមែន។ ខ្ញុំបានគិតថា នឹងមានការដាក់ស៊ឺរ៉ូមបន្ទាប់ពីធ្វើរោគវិភាគរួចហើយ។ ដូច្នេះ នោះគឺជាការល្អមែន។
9
ខ្ញុំចង់និយាយការមួយចំពោះអ្នករាល់គ្នា ដើម្បីនឹងបំភ្លឺអ្នករាល់គ្នាពីសេចក្តីសន្យារបស់ព្រះក្នុងពេលបច្ចុប្បន្ននេះ។ ការនោះ... វាមិនមែនជាអ្វីដែលបានកើតឡើងហើយនោះទេ ប៉ុន្តែជាអ្វីដែលនឹងត្រូវកើតមក។ ខ្ញុំនឹងនាំការនោះចូលទៅក្នុងគំនិតរបស់អ្នករាល់តាមរយៈព្រះបន្ទូលដែលខ្ញុំបានកត់ត្រាទុក ដែលនឹងបំភ្លឺអ្នករាល់គ្នាឲ្យបានដឹង ហើយនឹងធ្វើឲ្យអ្នកក្លាយជាទាហានដល់ខ្លាំងពូកកែម្នាក់នៅសមរភូមិដើម្បីនឹងច្បាំងតទល់នឹងខ្មាំងសត្រូវរបស់អ្នកដោយអ្នកនឹងដឹងពីកល្បល្បិចរបស់ខ្មាំងសត្រូវដែលចូលមកវាយលុកអ្នកបាន។ ចំនុចសំខាន់នោះគឺ ការរៀនតទល់។
10
ឥឡូវសូមយើងមើលពីអំពើបាបដែលយើងកំពុងរស់នៅជាមួយក្នុងពេលសព្វថ្ងៃនេះ។ ខ្ញុំមិនជឿថាមានពេលណាមួយនៅក្នុងប្រវត្តិសាស្រ្តដែលកើតមានដូចបច្ចុប្បន្ននេះឡើយ... វានឹងមានពេលដែលត្រូវមកដល់នៃការធ្វើទុក្ខទោស នៅពេលដែលកូនរបស់ព្រះត្រូវបានធ្លាក់ទៅក្នុងសេចក្តីស្លាប់ ប៉ុន្តែបើយើងមើលពីការបោកបញ្ជោតរបស់អារក្ស យើងមិនដែលឃើញមានសម័យណាដូចសម័យដែលយើងកំពុងតែរស់នៅនេះទេ។ ពេលនេះជាពេលដែលពេញដោយល្បិចកលនិងការបោកបញ្ជោត។ ដោយសារតែការនេះ ទើបធ្វើឲ្យគ្រីស្ទានត្រូវមានការប្រុងប្រយ័ត្នក្នុងពេលនេះជាជាងពេលណាទាំងអស់។
11
ឥឡូវបើយើងមើលពីការធ្វើទុក្ខដល់ក្រុមជំនុំនៅក្នុងសម័យចក្រភពរ៉ូម បើគេដឹងថាអ្នកនោះជាគ្រីស្ទាន នោះនឹងត្រូវក្លាយជាចំនីតោជាមិនខាន។ ប៉ុន្តែទោះជាមានការនេះក៏ដោយ ព្រលឹងរបស់គាត់ត្រូវបានសង្គ្រោះ ពីព្រោះគាត់បានបរិសុទ្ឋ និងគ្មានសេចក្តីកំផិតជាមួយនឹងព្រះ ហើយក៏សប្បាយចិត្តជាមួយនឹងទីបន្ទាល់ទោះបីជាគាត់ត្រូវហូរឈាមចេញពីរូបកាយក៏ដោយ ក៏នៅតែរក្សាសេចក្តីជំនឿ ដោយនិយាយថា “ព្រះអង្គម្ចាស់យេស៊ូវអើយសូមទទួលព្រលឹងទូលបង្គំផង”។
12
ប៉ុន្តែបច្ចុប្បន្ននេះ ការបោកបញ្ជោតរបស់ខ្មាំងសត្រូវ បានធ្វើឲ្យមនុស្សមានការភាន់ច្រលំថាគេគឺជាគ្រីស្ទាន ទោះបីជាការពិតមិនមែនក៏ដោយ។ នេះជាការមួយ។ អ្នកមិនចាំបាច់...វាជាពេលនៃសេចក្តីបញ្ជោត នៅពេលដែលអ្នកយកជីវិតរបស់អ្នកចេញឆ្ងាយពីទីបន្ទាល់របស់ព្រះ។ សេចក្តីអាក្រក់បានដាក់អន្ទាក់នៃការបោកបញ្ជោតគ្រប់ទីកន្លែង...វាជាអ្នកបោកបញ្ជោត។
ព្រះយេស៊ូវគ្រីស្ទបានប្រាប់យើងនៅក្នុងព្រះគម្ពីរម៉ាថាយ២៤ ពីថ្ងៃដែលយើងកំពុងតែរស់នៅនេះ គឺជាពេលនៃសេចក្តីបញ្ជោតដ៏ធំដែលយើងត្រូវជួប ហើយវានឹងបន្តបោកបញ្ជោតដល់អ្នកដែលបានរើសទៀត បើសិនជាមានឱកាស។
13
ឥឡូវនេះ សូមយើងធ្វើការប្រៀបធៀបខគម្ពីរមួយចំនួន...ឬពីពាក្យរស់ហោរាដែលបាននិយាយនៅក្នុងព្រះគម្ពីរ ជាមួយនឹងសម័យដែលយើងកំពុងតែរស់នៅសព្វថ្ងៃនេះ។ នៅក្នុង២ធីម៉ូថេ៣ យើងនឹងរៀនបានពីសេចក្តីមួយថា មានសេចក្តីចែងទុកមកថា នឹងមានពេលមកដល់ដែលមនុស្សនឹងរឹងចចេស ឬកខ្ពស់ និងចូលចិត្តលេងល្បែងជាជាងស្រឡាញ់ព្រះ។
សូមធ្វើការប្រៀបធៀបពីសេចក្តីនេះ។ យើងនឹងមិន... យើងនឹងនិយាយសង្ខេបពីវា ពីព្រោះយើងពុំមានពេលច្រើននោះទេ ខ្ញុំចង់ឲ្យអ្នករាល់គូសចំនាំហើយនៅពេលទៅដល់ផ្ទះត្រូវចំនាយពេលដើម្បីនឹងរៀនដោយខ្លួនឯង។ រឹងចចេស ឬកខ្ពស់ ចូលចិត្តលេងល្បែងជាជាងស្រឡាញ់ព្រះ រមិលគុណ ចោតប្រកាន់ មិនស្គាល់អ្វីល្អនិងអាក្រក់។ ព្រះវិញ្ញាណបរិសុទ្ឋបានមានបន្ទូលពីសេចក្តីទាំងនេះក្នុងពេលបច្ចុប្បន្ន។
14
ឥឡូវនេះសូមអានព្រះគម្ពីរវិវរណៈជំពូក៣... វិវរណៈ៣:១៤ (ដែលនិយាយពីពួកជំនុំឡៅឌីសេ)ដែលនឹងបង្ហាញថា តើពួកគេនឹងត្រូវទៅជាយ៉ាងណានៅថ្ងៃចុងក្រោយ។ ពួកគេអួតថាពួកគេមាន បានកាន់តែស្តុកស្តមហើយ ក៏មិនត្រូវការនឹងអ្វីសោះ តែឯងមិនដឹងថា ឯងវេទនា លំបាក ទ័លក្រ ខ្វាក់ភ្នែក ហើយអាក្រាតវិញនោះឡើយ។
ឥឡូវត្រូវចាំថា ព្រះទ្រង់មានបន្ទូលនឹងពួកគេជំនុំនៅក្នុងសម័យនេះ “លំបាក ទាល់ក្រ អាក្រាត តែឯងមិនបានដឹងឡើយ”។ ឃ្លាចុងក្រោយ ពាក្យចុងក្រោយនេះ ដែលធ្វើឲ្យយើងរាល់គ្នាបានដឹង។ ពួកគេគិតថា ពួកគេបានពេញដោយព្រះវិញ្ញាណបរិសុទ្ឋ។ ពួកឡៅឌីសេក៏ដូចជាពួកPentecostal ដែរ។
Luther មានសេចក្តីបង្រៀនរបស់គាត់។ Wesley មានសេចក្តីបង្រៀនរបស់គាត់។
15
និងPentecostal ក៏មានសេចក្តីបង្រៀនផ្ទាល់ខ្លួនដែរ។ ដូច្នេះហើយទ្រង់មានបន្ទូលថា “ដោយព្រោះឯងគ្រាន់តែស្ទើរៗ មិនក្តៅមិនត្រជាក់”។ ឯងប្រើប្រាស់គំនិងនិងអារម្មណ៍របស់ឯងជាមួយនឹងដំណឹងល្អ។ “ពីព្រោះ”ទ្រង់មានបន្ទូលថា “ឯងដូច្នេះហើយ អញនឹងខ្ជាក់ឯងចេញពីមាត់អញទៅ”។ អ្នករាល់គ្នាដឹងទេ ម្យ៉ាងទៀតការនេះធ្វើឲ្យទ្រង់ មិនចង់ទតមើលស្ថានភាពពួកជំនុំ។
16
ហើយចាំថាពួកគេបានខ្ជាក់ទ្រង់ចេញ ហើយទ្រង់ក៏មិនបាននៅជាមួយនឹងគេដែរ។
17
ព្រះរបស់លោកីយនេះ... អ្នកដែលថ្វាយបង្គំលោកីយនេះគឺជាអារក្ស ហើយមិនបានដឹងថា ខ្លួនគេកំពុងតែថ្វាយបង្គំអារក្សនោះឡើយ។ សាតាំងបានបំភាន់ខ្លួនវានៅក្នុងពួកជំនុំ ហើយពួកគេត្រូវថ្វាយបង្គំវា ដោយគេគិតថាពួកគេថ្វាយបង្គំព្រះដ៏ពិត។ នេះជាវិធីមួយដែលអារក្សបានធ្វើ។
អូ!! អ្នកនិយាយថា “ប៉ុន្តែសូមចាំបន្តិច យើងអធិប្បាយព្រះបន្ទូល”។ សូមមើលសេចក្តីបង្រៀនរបស់ខ្ញុំ។ អារក្សជាអ្នកដែលនិយាយពីព្រះបន្ទូលមុនគេទៅកាន់នាងអេវ៉ា។ វាជាការយល់ច្រលំអំពីព្រះបន្ទូលដែលត្រូវយកមកអនុវត្តក្នុងពេលបច្ចុប្បន្ននេះ។ វាប្រាប់អ្នកឲ្យដឹងពីកិច្ចការដ៏ឥតខ្ចោះរបស់ព្រះយេស៊ូវ។ វាក៏ប្រាប់អ្នកពីការងាររបស់លោកម៉ូសេ។ ប៉ុន្តែបើអ្នកយកពាក្យរបស់គេមកអនុវត្តនោះមិនត្រឹមត្រូវឡើយ។ ការងាររបស់វាធ្វើឲ្យមនុស្សវង្វេងតែប៉ុណ្ណោះ។ សំរាប់ព្រះបន្ទូលវិញអ្នកមិនអាចយកចេញឬដាក់ចូលអ្វីមួយទៅក្នុងព្រះបន្ទូលបានឡើយ ប៉ុន្តែអារក្សវាបានធ្វើការនេះ។
18
មនុស្សថ្វាយបង្គំសាតាំងដោយមិនបានដឹងខ្លួន ដោយពួកគេច្រលំថាពួកគេថ្វាយបង្គំព្រះ។ ដូចដែលព្រះបន្ទូលបានប្រាប់យើងនៅក្នុង ២ថេស្សាឡូនីច ដូច្នេះសូមយើងអានទាំងអស់គ្នាៈ ២ថេស្សាឡូនីច២។ ខ្ញុំសូមអាន៖
ឥឡូវនេះ បងប្អូនអើយ ដោយព្រោះព្រះយេស៊ូវគ្រីស្ទ ជាព្រះអម្ចាស់នៃយើង ទ្រង់ត្រូវយាងមក ហើយយើងរាល់គ្នាត្រូវគ្នានៅចំពោះទ្រង់។
សូមមើលការយាងមករបស់ព្រះអម្ចាស់យេស៊ូវគ្រីស្ទហើយយើងរាល់គ្នានឹងត្រូវប្រមូលមកឯទ្រង់ គឺព្រះទ្រង់នឹងប្រមូលរាស្ត្ររបស់ទ្រង់មកឯទ្រង់នៅថ្ងៃចុងក្រោយ ប្រមូលមកឯព្រះអង្គ មិនមែនមកព្រះវិហារនោះទេ គឺមកឯទ្រង់។
កុំឲ្យអ្នករាល់គ្នាឆាប់មានគំនិតរវើរវាយ ឬថប់ព្រួយអ្វី ទោះបីដោយសារវិញ្ញាណណាឬពាក្យសំដីណា ឬសំបុត្រណា ដូចជាមកពីយើងខ្ញុំក្តីដែលថាថ្ងៃនៃព្រះអង្គម្ចាស់ជិតដល់ហើយ
កុំឲ្យអ្នកណាបញ្ឆោតអ្នករាល់គ្នាជាយ៉ាងណាដែរ ដ្បិតថ្ងៃនោះមិនមកឡើយ ទាល់តែមានសេចក្តីក្បត់សាសនាមកមុន ហើយមនុស្សដែលជាតួបាបនោះបានលេចមក គឺជាមនុស្សដែលត្រូវវិនាស
ដែលទាស់ទទឹង ហើយលើកខ្លួនឡើង ខ្ពស់ជាអស់ទាំងអ្វី ដែលហៅថាព្រះ ឬរបស់អ្វីដែលគេគោរពប្រតិបត្តិផង ដល់ម្លេះបានជាវានឹងអង្គុយនៅ ដូចជាព្រះវិហារនៃព្រះ ទាំងសំដែងខ្លួនជាព្រះផង។
19
សូមមើលពីការបោកបញ្ជោតក្នុងពេលបច្ចុប្បន្ននេះ។ មនុស្សដែលត្រូវវិនាស ជាសេចក្តីអាក្រក់។ មនុស្សដែលត្រូវវិនាសជាសេចក្តីអាក្រក់។ បន្ទាប់មកគឺអ្នកដែលថ្វាយបង្គំវា ដែលច្រលំថាថ្វាយបង្គំព្រះ។ ពួកគេថ្វាយបង្គំទ្រង់តាមបែបនិកាយ ជាការបង្កើតឡើងដោយដៃមនុស្ស ដែលនាំមនុស្សដទៃទៀតធ្លាក់ទៅរកផ្លូវនៃសេចក្តីហិនវិនាសរបស់លោកីយនេះ។ ទោះបីជាព្រះទ្រង់សន្យាយ៉ាងណាក៏ដោយក្នុងពេលនេះ ក៏ពួកគេនៅតែមិនជឿដដែល។ ពួកគេមិនជឿឡើយ។
តើមកពីហេតុអ្វី? យើងរាល់នឹងឆ្ងល់ថាមកពីហេតុអ្វី?ហេតុអ្វីបានជាវាមិន...ហេតុអ្វីបានជាគេមិនជឿ? ព្រះទ្រង់មានបន្ទូលថា ទ្រង់នឹងធ្វើការមួយយ៉ាងជាក់លាក់ ហើយទ្រង់ក៏ធ្វើវា តែពួកគេនៅតែបែរត្រលប់ចេញឆ្ងាយដដែល។ គឺដូចដែលនាងអេវ៉ា ដែលបានលឺអ្វីដែលព្រះទ្រង់មានបន្ទូល តែនាងនៅតែមិនស្តាប់តាមដដែល ហើយបានបែរចេញពីទ្រង់។ រៀងរាល់ពេលសាតាំងព្យាយាមធ្វើឲ្យខូចព្រះបន្ទូលរបស់ព្រះ ហើយធ្វើឲ្យមនុស្សមើលឃើញពីការផ្សេង។
20
សូមមើល នៅពេលដែលព្រះយេស៊ូវយ៉ាងមក សាតាំងមាននៅក្នុងមេដឹកនាំសាសនារបស់យូដារួចទៅហើយ ដោយពួកគេព្យាយាមឲ្យមហាជនរក្សានូវក្រិដ្ឋវិន័យរបស់លោកម៉ូសេ ទោះបីជាព្រះបន្ទូលបាននិយាយពីពេលនោះ ហើយកូនមនុស្សត្រូវបានបើកសំដែង គឺទ្រង់បានបើកសំដែងអង្គទ្រង់។ ពួកគេព្យាយាមកាន់តាមបែបសាសនា ដែលឈរលើច្បាប់របស់លោកម៉ូសេ តើអ្នករាល់មានបានឃើញពីអ្វីដែលពួកគេបានធ្វើទេ? វាបានព្យាយមាប្រាប់មនុស្សទាំងអស់ “ព្រះបន្ទូលគឺត្រឹមត្រូវ ប៉ុន្តែមនុស្សមិនមែនជារបស់នោះឡើយ”។ សូមមើលពីការដែលវាបោកបញ្ជោត?នោះជាការបោកបញ្ឆោតមួយ។
21
យើងឃើញពីការដែលអារក្សវាបង្កើតនគររបស់វានៅផែនដីនេះ។ នេះជាហេតុផលមួយដែលនាំឲ្យវាធ្វើការនេះ ពីព្រោះវាចង់បង្កើតនគររបស់វា ដែលជាអ្នកជំនួញ មិនមែនជាគ្រីស្ទានទេ។ វាព្យាយាមធ្វើការជាច្រើនដើម្បីឲ្យអ្នកទាំងអស់គ្នាឃើញថាផ្លូវរបស់អ្នករាល់គ្នាកំពុងតែខុស។ បើសិនជាមានបំនងនិងមានផលប្រយោជន៍សំរាប់វា នោះវានឹងឲ្យអ្នកធ្វើដូច្នេះ វានឹងប្រាប់អ្នករាល់ពីគ្រប់ការទាំងអស់ ដើម្បីឲ្យអ្នករាល់គ្នាចេញឆ្ងាយពីសេចក្តីពិត។ វាមិនខ្វល់ថា វាកុហក បោកប្រាស់ប៉ុណ្ណានោះ ទេ ឲ្យតែវាបានផលប្រយោជន៍។
22
នេះជាអ្វីដែលសាតាំងបានធ្វើ។
ឥឡូវនេះវាចាប់ផ្តើមដោយបោកបញ្ឆោតបែបសាសនានៅក្នុងសួនច្បារអេដែន ហើយបានបន្តជារៀងរហូតតមក។ នេះជាអ្វីដែលអ្នករាល់គ្នាត្រូវតែដឹង។ វាមិនជាការបោកបញ្ឆោតតាមបែបកុម្មុយនីស ដែលជាការជ្រើសរើសឡើយ។ យើងដឹងថា ពួកគេបដិសេធព្រះ។ ពួកគេជាអ្នកបដិសេធព្រះយេស៊ូវគ្រីស្ទ ដោយឈរលើគោលការរបស់គេ។ ការបដិសេធព្រះយេស៊ូវគ្រីស្ទគឺជាសាសនា គឺជាសាសនាសុទ្ឋសាធ ពួកគេចេះនិយាយសេចក្តីនៅក្នុងព្រះគម្ពីរ ដូចដែលសាតាំងបានធ្វើកាលពីដើមដែរ។ វានិយាយយ៉ាងត្រឹមត្រូវតាមព្រះគម្ពីរ...“តើយើងបរិភោគផ្លែឈើណាខ្លះ”។ នាងនិយាយថា “យើងអាចបរិភោគបានផ្លែឈើទាំងអស់ ប៉ុន្តែឯដើមដែលនៅកណ្តាលសួនច្បារមិនត្រូវឲ្យបរិភោគ ឬប៉ះពាល់ ពីព្រោះយើងនឹងត្រូវស្លាប់បើយើងបរិភោគវា។
23
វាបាននិយាយ “អូ!! អ្នកមិនត្រូវស្លាប់ជាពិតមែន ខ្ញុំសូមប្រាប់អ្នកពីមូលហេតុដែលព្រះមានបន្ទូលដូច្នេះ គឺពីព្រោះ...” ។ អ្នករាល់គ្នាឃើញទេពីវិធីដែលវាប្រើប្រាស់ព្រះបន្ទូល។ វាបាននិយយាយថា “ភ្នែកអ្នកនឹងបានបើកឡើង ហើយអ្នកនឹងដឹងខុសដឹងត្រូវផងដែរ។ អ្នកនឹងបានដូចជាព្រះ បើអ្នកបរិភោគផ្លែឈើនោះ”។ នេះជាអ្នកអ្វីដែលអារក្សបានធ្វើហើយវាក៏កំពុងនឹងធ្វើក្នុងពេលសព្វថ្ងៃនេះដែរ។ វាមានការបោកបញ្ឆោតបែបនេះតាំងពីដើមម្លេះនៅក្នុងសួនច្បារអេដែន។
នៅសម័យអ័ដាម មានការបោកបញ្ឆោត។ នៅសម័យលោកណូអេ នៅសម័យព្រះយេស៊ូវ ហើយក៏មាននៅសម័យព្រះយេស៊ូវដែរ។ គឺវាមានលក្ខណៈដូចគ្នាទាំងអស់ ដោយប្រើវិធីតែមួយ គឺការបោកបញ្ឆោតបែបសាសនា។
24
24ឥឡូវយើងមើលពីផែនដីនេះ នៅពេលដែលព្រះទ្រង់ត្រួតត្រា... នៅពេលដែលព្រះទ្រង់ត្រួតត្រា... បន្ទាប់មកត្រូវធ្លាក់ទៅលើដៃអារក្ស តាមរយៈការបដិសេធព្រះបន្ទូលរបស់ព្រះ...។ ពេលព្រះទ្រង់ត្រួតត្រាផែនដីនេះ ទ្រង់បានដាក់វានៅក្នុងគន្លងរបស់វាយ៉ាងត្រឹមត្រូវ។ ទ្រង់បានដាក់វាក្នុងដែនរបស់វា។ ទ្រង់ធ្វើគ្រប់ការទាំងអស់ នៅពេលដែលទ្រង់ត្រួតត្រាវា។ ឥឡូវយើងប្រៀបធៀបវា នៅពេលសាតាំងត្រួតត្រាវិញម្តង។
25
25វាត្រូវធ្វើឲ្យព្រះចំនាយពេលអស់៦០០០ឆ្នាំ។ វាមិនវែងទេក្នុងរយៈពេលនេះសំរាប់ព្រះអង្គ ប៉ុន្តែទ្រង់បានចំនាយពេល៦០០០ឆ្នាំ ពីព្រោះយើងបានបង្រៀនថា១ថ្ងៃនៅស្ថានសួគ៌មានរយៈពេល១០០០ឆ្នាំនៅផែនដី ហើយវាត្រូវមានរយៈពេល៦០០០ឆ្នាំ ដែលស្មើនឹង៦ថ្ងៃដែលព្រះបានបង្កើតផែនដី។
ព្រះបានចំនាយពេល៦០០០ឆ្នាំដើម្បីនឹងបង្កើតផែនដី ដោយដាំរុក្ខជាតិនិងរបស់គ្រប់យ៉ាងតាមពូជរបស់វា។ របស់ទាំងអស់ត្រូវមានពូជរបស់វា។ គ្រាប់ពូជដែលទ្រង់បានដាំពិតជាល្អទាំងអស់ ហើយវាមានពូជរបស់វា។ ព្រះបានចំនាយពេល៦០០០ឆ្នាំ។
26
ទីបញ្ចប់ទ្រង់បានបង្កើតរបស់ទាំងអស់យ៉ាងល្អប្រសើរ ហើយទ្រង់ឲ្យឈ្មោះថា សួនច្បារអេដែន។ ទ្រង់បានបង្កើតចំនុចកណ្តាលរបស់ផែនដីនៅត្រង់សួនច្បារអេដែន នៃប្រទេសអេស៊ីព។ ហើយទ្រង់បានដាក់កូនរបស់ទ្រង់និងប្រពន្ឋរបស់គាត់នៅក្នុងសួនច្បារនោះផងដែរ។ នេះអ្វីដែលព្រះទ្រង់បានធ្វើ។
27
ទ្រង់បានដាក់ពួកគេនៅក្រោមការគ្រប់គ្រងរបស់ទ្រង់់។ ពួកគេអាចនិយាយទៅកាន់ខ្យល់ដើម្បីកុំឲ្យបក់បាន។ ពួកគេអាចនិយាយទៅកាន់ដើមឈើ ដើម្បីឲ្យរើទៅទីណាមួយបាន។ តោនិងចចកស៊ីចំនីជាមួយគ្នា ហើយកូនចៀមអង្គុយនៅលើវាបាន។ នៅទីនោះគ្មានសេចក្តីអាក្រក់ទេ។ គ្រប់ទាំងអស់សុទ្ឋតែល្អ មានពេញដោយសន្តិភាព និងភាពឥតខ្ចោះ នៅពេលដែលវាស្ថិតនៅក្រោមការគ្រប់គ្រងរបស់ព្រះ។ នៅពេលដែលផែនដីនេះនៅក្រោមការគ្រប់គ្រងរបស់ទ្រង់វាមានដំណើរការយ៉ាងល្អ។ គ្រប់ទាំងអស់សុទ្ឋតែឥតខ្ចោះ គ្មានសេចក្តីស្លាប់ គ្មានការបំផ្លាញ គ្មានអ្វីត្រូវបំពុលឡើយ គឺទាំងអស់សុទ្ឋតែឥតខ្ចោះ។ ហើយដើម្បីនឹងគ្រប់គ្រងរបស់ទាំងនោះ ទ្រង់បានដាក់កូនជាទីស្រឡាញ់របស់ទ្រង់ កូនប្រុសនិងកូនស្រីជាប្តី ប្រពន្ឋ ដើម្បី ត្រួតត្រារបស់ទាំងនោះ។
28
ព្រះទ្រង់បានសំរេចកិច្ចការទាំងអស់ ហើយនៅថ្ងៃទី៧ទ្រង់បានឈប់សំរាក ហើយបានប្រទានពរដល់ថ្ងៃទី៧នោះ ជាថ្ងៃបរិសុទ្ឋរបស់ទ្រង់។ ទ្រង់បានទតទៅកាន់របស់ទាំងនោះ បន្ទាប់ពី៦០០០ឆ្នាំដែលទ្រង់បានបង្កើត ហើយវាពិតជារបស់ដែលល្អឥតខ្ចោះ។ គ្មានអ្វីមួយដូចរបស់នោះឡើយ។
កន្លែងដ៏ល្អនេះគ្មានអ្វីមួយដែលធ្វើទុក្ខទោសគ្នាឡើយ។ ពួកគេពិតជាល្អនិងសុភាព។ នៅទីនោះ ពួកគេគ្មានជំងឺការឈឺចាប់ ឬរោគាណាមួយនៅផែនដីនេះឡើយ។ អូ!! កន្លែងនោះមាន សត្វបក្សីហើយពីដើមឈើមួយទៅដើមឈើមួយទៀត ហើយអ័ដាមបានដាក់ឈ្មោះឲ្យវា ហើយវាហើយប្រលែងលេងជាមួយនឹងគាត់។ អូ!! នោះជាកន្លែងដែលអស្ចារ្យដែលព្រះបានបង្កើត។
30
អ័ដាមត្រូវបានបង្កើតមកក្នុងរូបដូចជាព្រះអង្គ។ ព្រះទ្រង់បានបង្កើតគាត់ដូចជាទ្រង់ ដូចដែលអ្នកដូចជាឪពុករបស់អ្នកដែរ។ ចូរកត់សំគាល់ អ្នកនៅក្នុងជីតារបស់អ្នក។ ដោយយើងអាចនិយាយបានថាអ្នកដូចឪពុករបស់អ្នក។
អ្នកមិនបានដឹងអ្វីសោះឡើយ នៅពេលដែលអ្នកនៅក្នុងឪពុករបស់អ្នក។ កោសិការនៃជីវិតបានកើតមកជាមនុស្សប្រុស។ មនុស្សប្រុសមានកោសិការឈាម ស្ត្រីមានជាសុត។ កោសិការឈាមមានជីវិតនៅក្នុងនោះ។ ហើយនៅពេលដែលអ្នកនៅក្នុងឪពុករបស់អ្នកនោះអ្នកមិនបានដឹងអ្វីសោះឡើយអំពីការនេះ ប៉ុន្តែវិទ្យាសាស្រ្ត និងព្រះបន្ទូលព្រះបានបញ្ជាក់យើងយ៉ាងច្បាស់ថាអ្នកនៅក្នុងឪពុករបស់អ្នក តែអ្នកមិនបានដឹងឡើយ។
ហើយបន្ទាប់មកឪពុកក៏បានស្គាល់អ្នក។ តាមរយៈទំនាក់ទំនងជាមួយនឹងម្តាយរបស់អ្នក ដែលអ្នកស្គាល់ឪពុករបស់ខ្លួន។ ឥឡូវមើល ការបញ្ជូនពីឪពុករបស់អ្នក ធ្វើឲ្យអ្នកមានលក្ខណៈដូចជាគាត់ ហើយអ្នកជាផ្នែកមួយរបស់គាត់។ នោះជាអ្វីដែលព្រះទ្រង់បានធ្វើកាលពីដើមមក។ កូនប្រុសកូនស្រីរបស់ព្រះទាំងអស់នៅជាមួយនឹងទ្រង់តាំងតែពីដើមមក។។ អ្នកមិនបានដឹងនោះឡើយ ប៉ុន្តែអ្នកនៅជាមួយនឹងទ្រង់។ ព្រះទ្រង់ជ្រាប ហើយទ្រង់ចង់ឲ្យអ្នកមានទំនាក់ទំនងជាមួយទ្រង់ ដែលទ្រង់អាចមានបន្ទូលមកកាន់អ្នក បង្ហាញសេចក្តីស្រឡាញ់របស់ទ្រង់ដល់អ្នក និងចាប់ដៃជាមួយអ្នក។
31
តើអ្នកមិនចង់ឲ្យកូនរបស់អ្នក...តើវាមិនប្រសើរទេឬអីនៅពេលដែលកូនរបស់អ្នកត្រលប់មកច្បាំងវិញហើយអង្គុយនៅផ្ទះជាមួយអ្នកនោះ? តើអ្នកនឹងរៀបចំអាហារពេលល្ងាចយ៉ាងណា? តើអ្នកមិនសំលាប់គោធាត់មួយហើយរៀបចំអាហារសំរាប់កូនអ្នកទេឬអី? កូននោះជាសាច់ឈាមរបស់អ្នក ហើយវានៅក្នុងអ្នកតាំងតែពីដើមមក។ អ្នកមិនបានស្គាល់វាពីដើមមក តែពេលនេះវានៅជាមួយអ្នក។
32
ដូច្នេះព្រះទ្រង់ជ្រាបថាយើងត្រូវមកដល់ទីនេះ ហើយទ្រង់បានដាក់យើងជាសាច់ឈាម ដែលយើងអាចមានទំនាក់ទំនងបាន។ ដើម្បីឲ្យទ្រង់មានទំនាក់ទំនងជាមួយ ហើយទ្រង់ក៏បានមកជាមួយឡើយតាមរយៈព្រះយេស៊ូវគ្រីស្ទ ជាព្រះរាជបុត្រារបស់ទ្រង់ គឺជាទ្រង់ ជាការបើកសំដែងយ៉ាងពេញលេញរបស់ទ្រង់។
នោះជាព្រះហឬទ័យរបស់ទ្រង់ដើម្បីនឹងសំដែងពីការប្រកបជាមួយនឹងទ្រង់។ នៅពេលដែលខ្ញុំនៅក្នុងឪពុករបស់ខ្ញុំ ខ្ញុំមិនបានដឹងអ្វីទាំងអស់។ ប៉ុន្តែនៅពេលដែលខ្ញុំកើតមកជាកូនគាត់ ខ្ញុំមានចំនែករបស់ឪពុកខ្ញុំ ខ្ញុំជាផ្នែកនៃឪពុកខ្ញុំ។ ហើយដែលយើងជាកូនរបស់ព្រះ នោះយើងជាផ្នែករបស់ព្រះ ដែលត្រូវសំដែងអំពីទ្រង់ ដែលយើងអាចមានទំនាក់ទំនងជាមួយអ្នកផ្សេងទៀត ជាគ្រួសារមួយរបស់ព្រះនៅលើផែនដីនេះ។ នេះជាព្រះហឬទ័យរបស់ទ្រង់តាំងតែពីដើមមក។ បាទ!! លោក។ នោះជាអ្វីដែលព្រះទ្រង់សព្វព្រះហឬទ័យតាំងតែពីដើមមក។ អ្វីទាំងអស់ស្ថិតនៅក្រោមការគ្រប់គ្រងរបស់ទ្រង់ ហើយទ្រង់បានដាក់មនុស្សនៅក្នុងសួនច្បារអេដែនដើម្បីនឹងមើលថែរក្សារបស់ដែលនៅទីនោះ។ ហើយទ្រង់មានបន្ទូលថា “កូនប្រុសនេះជារបស់ឯង”។
33
ជាកន្លែងដែលអស្ចារ្យសំរាប់ឯង។
ដូច្នេះព្រះទ្រង់បានសំរេចកិច្ចការរបស់ទ្រង់ហើយក៏បានសំរាកពីកិច្ចការនោះ។ រាល់ទាំងដើមឈើគ្មានបន្លាឡើយ។ គ្មានផ្លែឈើណាមួយមានបន្លាឡើយ។ របស់ទាំងអស់សុទ្ឋតែល្អឥតខ្ចោះ គ្រាប់ពូជទាំងអស់សុទ្ឋតែល្អ ទាំងអស់នៅក្នុងស្ថានភាពដែលប្រសើរ។
នៅពេលដែលទ្រង់យាងទៅសំរាកតែបន្តិច សត្រូវក៏ឆ្លៀតឱកាសចូលមកបោកបញ្ឆោត ហើយធ្វើឲ្យកូនរបស់ទ្រង់មានការភាន់ច្រលំពីការរបស់ទ្រង់។ គឺនៅពេលដែលទ្រង់ដាក់ទំនុកចិត្តលើកូនរបស់ទ្រង់ ដូចដែលអ្នកដាក់ទំនុកចិត្តលើកូនស្រីរបស់អ្នក ដែលនាំឲ្យវាដើរជាមួយមនុស្សប្រុសនៅពេលយប់ដែរ ហើយក៏ដូចជាអ្នកដាក់ទំនុកចិត្តលើកូនប្រុសរបស់អ្នកដែលនាំឲ្យវាដើរផឹកស៊ីពេលយប់ដែរ។ ទ្រង់បានទុកចិត្តលើកូនប្រុសរបស់ទ្រង់ថាវានឹងមិនធ្វើអ្វីដែលខុសនោះឡើយ ហើយនឹងធ្វើតាមអ្វីដែលទ្រង់បានប្រាប់ ប៉ុន្តែសត្រូវបានចូលមកឯគាត់។ សត្រូវបានធ្វើឲ្យគាត់មានការភាន់ច្រលំ។
34
វាទទួលបានសួនច្បារអេដែនទាំងមូលជាកម្មសិទ្ឋរបស់វា។ វាបានប្រើវិធីបោកបញ្ឆោតអស់៦០០០ឆ្នាំ ដើម្បីបោកបញ្ឆោតកូនរបស់ព្រះ។ ដោយសារអ្នកទាំងពីរចង់បានដូចអ្វីដែលសាតាំងនិយាយពួកគេក៏ធ្វើតាម។ វាបានប្រើពេល៦០០០ឆ្នាំដើម្បីធ្វើការនៅក្នុងសួនច្បារអេដែននេះ ដូចដែលព្រះបង្កើតវា៦០០០ឆ្នាំដែរ។ វាបានបង្កើតសួនច្បារអេដែនរបស់វានៅផែនដីដែលពេញទៅដោយអំពើបាប។
35
សួនច្បារអេដែនរបស់ព្រះត្រូវបានបង្កើតឡើយក្នុងសេចក្តីសុចរិត។ ឯសួនច្បារអេដែនរបស់សាតាំងមានពេញទៅដោយអំពើបាប ពីព្រោះសាតាំងជាអ្នកមានបាប។ ឯព្រះទ្រង់សុចរិត។ នគររបស់ព្រះត្រូវបានបង្កើតឡើងក្នុងសេចក្តីសុចរិត សន្តិភាព និងជីវិត ឯនគររបស់សាតាំងវិញពេញទៅដោយអំពើបាប និងភាពជាសាសនានិយម។
ឥឡូវសូមមើលពីការបោកបញ្ឆោតរបស់វា។ វាបាននិយាយថាវានឹងធ្វើ។ វាបានសន្យាថានឹងធ្វើការនេះ។ តើអ្នកណាម្នាក់ដែលបានដឹងអំពីរឿងនេះ។ សូមយើងមើលទៅកាន់ព្រះគម្ពីរអេសាយក្នុងពេលនេះ។ សូមមើលនៅក្នុងអេសាយជំពូក១៤ និងមើលពីអ្វីដែលសាតាំងបាននិយាយ។ នៅក្នុងអេសាយ១៤ យើងនឹងអានទាំងអស់គ្នា។ សូមចាប់ផ្តើមពីខទី១២៖
ឱតារាប្រចាំថ្ងៃ ជាផ្កាយព្រឹកអើយ ឯងបានធ្លាក់ចុះមកពីលើមេឃហើយ ឯងដែលបានផ្តេកអស់ទាំងនគរឲ្យរាប ឯងបានត្រូវកាប់រំលំដល់ដីដែរ
ឯងបានគិតក្នុងចិត្តថា អញនឹងឡើងទៅឯស្ថានសួគ៌ អញនឹងដំកើងបល្ល័ង្កអញ ឲ្យខ្ពស់ជាងអស់ទាំងផ្កាយរបស់ព្រះ ហើយអញនឹងអង្គុយលើភ្នំជាទីប្រជុំជំនុំ នៅទីបំផុតនៃទិសខាងជើង
អញនឹងឡើងផុតទីខ្ពស់នៃពពក អញនឹងលើកខ្លួនឲ្យបានដូចជាព្រះដ៏ខ្ពស់បំផុត។
36
ឥឡូវសូមយើងធ្វើការប្រៀបធៀបពីសេចក្តីនេះនៅក្នុងព្រះគម្ពីរថេស្សាឡូនីច ដែលវាបាននិយាយថាវានឹងឡើងទៅអង្គុយលើបល្ល័ង្ករបស់ព្រះ ហើយលើកខ្លួនឲ្យខ្ពស់ដូចជាព្រះដ៏ខ្ពស់ នេះបញ្ជាក់ថាវាចង់ធ្វើជាព្រះដែលឲ្យគេថ្វាយបង្គំ។
វាជាព្រះរបស់លោកីយនេះ ដូចដែលខ្ញុំបានបង្រៀនអ្នករាល់គ្នាកាលពីសប្តាហ៍មុន។ ហើយសព្វថ្ងៃនេះវាជាអ្នកបោកបញ្ឆោត។ ពេលនេះជាពេលនៃសេចក្តីក្បត់!!!ពេលដែលយើងកំពុងតែរស់នៅនេះជាពេលនៃសេចក្តីក្បត់។ វាជាពេលមួយដែលយើងនឹងត្រូវជួបជាមួយនឹងសេចក្តីវេទនាសារជាថ្មី។ យើងនឹងត្រូវជួបជាមួយនឹងអេដែនសារជាថ្មី។ ហើយក្នុងពេលបច្ចុប្បន្ននេះ វាបានប្រមូលមនុស្សជាច្រើនមកឯវា ហើយដាក់នៅកន្លែងដែលហៅថាសាសនា នេះដូចជាអ្វីដែលសាតាំងបានធ្វើចំពោះនាងអេវ៉ានៅក្នុងសួនច្បារអេដែនដែរ។
37
ឥឡូវវានិយាយាថា វានឹងលើកខ្លួនវាឲ្យខ្ពស់ដូចជាព្រះដែលខ្ពស់បំផុត។ វាចង់ឡើងឲ្យខ្ពស់លើសអស់ទាំងពពក និងតារា ហើយអង្គុយនៅកន្លែងរបស់ព្រះ និងលើកខ្លួនស្មើនឹងព្រះ។ បើយើងមើលទៅវាហាក់ដូចជាទទួលបានជោគជ័យជាមួយនឹងការគំរាមនេះ។ ហើយវាទទួលបានជោគជ័យជាមួយនឹងការគំរាមនេះ ដោយមនុស្សជាច្រើនបានដំកើងវា។ នេះជាកិច្ចការដែលវាធ្វើ។ វាព្យាយាមពន្យល់មនុស្សឲ្យឆ្ងាយពីព្រះបន្ទូលរបស់ព្រះ។
38
នៅថ្ងៃរបស់លោកណូអេ វានិយាយពន្យល់ថា វាមិនអាចមានភ្លៀងដែលធ្លាក់ពីលើមកនោះទេ។ លក្ខណៈវិទ្យាសាស្រ្តដែលវាបានប្រើនៅក្នុងសួនច្បារអេដែន វាអាចបាញ់ឧបករណ៍ណាមួយទៅដល់ស្ថានព្រះច័ន្ទ ហើយបង្ហាញថាគ្មានសំនើមទៅទីនោះទេ។ ប៉ុន្តែព្រះទ្រង់បានបន្ទូលថា នឹងមានភ្លៀងធ្លាក់មក តែសាតាំងទទួលបានជោគជ័យក្នុងការបំពុលខួរក្បាលរបស់មនុស្សដោយប្រើប្រាស់វិធីសាស្រ្តនៃការស្រាវជ្រាវរបស់វា ដែលថាវាមិនអាចមានឡើយ តែវាកើតមាន។ ឯព្រះទ្រង់មានបន្ទូលថានឹងកើតមាន ហើយវាក៏កើតមានមែន។ ទ្រង់បានធ្វើការនេះ។
39
ឥឡូវយើងមើលនៅសម័យព្រះយេស៊ូវវិញម្តង គឺសាតាំងធ្វើការនេះដដែល។ វាបានបំពុលខួរក្បាលរបស់មនុស្សសារជាថ្មីដោយការបោកបញ្ឆោត វាបានធ្វើឲ្យព្រះបន្ទូលទៅជាការភាន់ច្រលំ។ “បើឯងជាព្រះរាជបុត្រារបស់ព្រះមែន ចូរឯងធ្វើការអ្វីមួយឲ្យយើងឃើញមក”។ ព្រះយេស៊ូវទ្រង់មិនល្ងង់ធ្វើតាមពាក្យរបស់វាឡើយ។ ទ្រង់មិនដែលធ្វើតាមវាឡើយ។ ព្រះទ្រង់មិនមែនល្ងង់ទេ។ ទ្រង់ថែមទាំងមិនបានឆ្លើយតបនូវសំនួរណាមួយរបស់អារក្សឡើយ។ ទ្រង់គ្រាន់តែ...ព្រះយេស៊ូវមានបន្ទូលថា “មានសេចក្តីចែងទុកមកថា មនុស្សមិនមែនរស់ដោយសារតែនំបុ័ងប៉ុណ្ណោះទេតែរស់ដោយសារព្រះបន្ទូលដែលចេញពីព្រះឱសព្រះវិញ”។ ទ្រង់មិនល្ងង់ជាមួយនឹងវាទេ។ ទ្រង់មិនបានធ្វើថ្មឲ្យទៅជានំបុ័ងនោះឡើយ។ ទ្រង់ធ្វើវាបាន តែបើទ្រង់ធ្វើនោះទ្រង់នឹងស្តាប់តាមសេចក្តីអាក្រក់ជាមិនខាន ដូច្នេះទ្រង់មិនស្តាប់តាមវាទេ។
40
សារជាថ្មី វាជាសាសនានៃអំពើបាប ដូចដែលមានតាំងតែពីដើមមកម្លេះ នោះគឺជាសេចក្តីបោកបញ្ឆោត។ សូមអ្នករាល់ពេលពីការនេះ។ វាមិនមែនជារឿងដែលមានតែពីដើមនោះទេ។ គឺរាល់ថ្ងៃមានពេលដោយអំពើបាប ដូចជាសេចក្តីកំផិត ការផឹកស៊ី ការយកព្រះនាមរបស់ព្រះទៅធ្វើជារឿងឥតប្រយោជន៍។
អ្នករាល់គ្នាមានចាំទេ កាលពីប៉ុន្មានឆ្នាំមុន ដែលអ្នកមួយចំនួនមានវត្តមាននៅទីនេះដែរ មានចាំពីសេចក្តីដែលខ្ញុំបានបង្រៀន ដែលមានចំនងជើងថា The Disappointments AtJudgment ឬទេ? មានស្រ្តីពេស្យាចារម្នាក់ ដែលនាងមិនបានខកចិត្តក្នុងចូលរួមកម្មវិធីរបស់យើងឡើយ។ នាងបានដឹងពីអ្វីដែលនាងបានធ្វើ។ អ្នកប្រមឹកនឹងមិនជាប់ជំនុំជំរះឡើយ។ អ្នកលេងល្បែង អ្នកកុហក ចោរ ពួកគេនឹងមិនជាប់ជំនុំជំរះឡើយ។ ប៉ុន្តែអ្នកណាដែលគិតថាខ្លួនជាមនុស្សសុចរិតត្រឹមត្រូវ នោះនឹងត្រូវជាប់ជំនុំជំរះវិញ។ ដូចដែលនិយាយថា “ព្រះអង្គអើយ មិនមែនទូលបង្គំជាអ្នកអធិប្បាយព្រះបន្ទូលទ្រង់ឡើយ ហើយក៏មិនមែនទូលបង្គំជាអ្នកដេញអារក្សដោយឈ្មោះរបស់ទូលបង្គំដែរ”។
41
ព្រះយេស៊ូវទ្រង់មានបន្ទូលថា “បើដាច់ចេញពីខ្ញុំ អ្នកនឹងមិនអាចធ្វើអ្វីបានឡើយ។ ហើយខ្ញុំក៏មិនទាំងស្គាល់អ្នកផង។”
វាជាការខកចិត្ត នៅពេលដែលយើងត្រូវធ្លាក់ទៅក្នុងសេចក្តីបោកបញ្ឆោត“។ នេះជាអ្វីដែលខ្ញុំ...នេះជាអ្វីដែលធ្វើឲ្យមានការភាន់ច្រលំ។ វាមិនមែនជាការដែលខ្ញុំចង់ឲ្យមានភាពខុសគ្នានោះទេ។ ខ្ញុំមិនចង់ធ្វើឲ្យវាមានភាពខុសគ្នានោះទេ ប៉ុន្តែខ្ញុំសូមរក្សានូវភាពស្មោះត្រង់របស់ខ្ញុំ។
ខ្ញុំមានសារមួយដែលចង់និយាយប្រាប់អ្នករាល់គ្នា។ ដែលអាចនឹងធ្វើឲ្យមនុស្សជាច្រើនមានការភាន់ច្រលំ។ ពួកគេគិតថាខ្ញុំប្រឆាំងនឹងអ្នកទាំងអស់គ្នា បើសិនជាពួកគ្រាន់តែលឺនោះ។ ខ្ញុំសំរាប់អ្នករាល់គ្នា ហើយនឹងព្យាយាមឲ្យអស់ពីសមត្ថភាពរបស់ខ្ញុំដើម្បីនឹងនាំសេចក្តីពិតរបស់ព្រះមកឯអ្នករាល់គ្នា ដែលវាកំពុងតែនៅក្នុងចិត្តរបស់ខ្ញុំ ហើយនឹងអ្វីដែលព្រះទ្រង់មានបន្ទូលនៅក្នុងព្រះគម្ពីរ។ ហើយព្រះទ្រង់នឹងបង្ហាញអ្នករាល់ថាពីសេចក្តីពិតនោះ ដូច្នេះគ្មានការណាមួយដែលត្រូវលាក់បាំងចំពោះសេចក្តីនោះឡើយ។ ទោះបីជាមនុស្សជាច្រើនមើលវាក៏មិនបានឃើញដែរ។
42
សូមមើល ពួកគេមិនចង់ឃើញវាឡើយ ពីព្រោះពួកគេបានលក់វាបាត់ទៅហើយ។ គឺលក់សិទ្ឋិកំនើតរបស់ខ្លួនទៅអង្គការ និងនិកាយសាសនា ហើយពួកគេព្យាយាមដើម្បីឲ្យទៅកាន់ស្ថានសួគ៌តាមរយៈការទាំងអស់នោះ ដែលសាតាំងគឺក្បាលរបស់ពួកគេ។
ព្រះទ្រង់មិនដែលបង្កើតឲ្យមានសាសនានោះទេ ទ្រង់មិនដែលសោះឡើយ។ ប៉ុន្តែមនុស្សជាអ្នកធ្វើឲ្យមាន។ ពួកគេបកស្រាយព្រះបន្ទូល ហើយនិយាយថាវាមិនន័យដូច្នេះ វាមានន័យដូច្នោះ។ ព្រះបន្ទូលព្រះមិនត្រូវការមនុស្សមកបកស្រាយនោះឡើយ។ គឺទ្រង់ជាអ្នកបកស្រាយដោយខ្លួនឯង។ ទ្រង់មិនត្រូវការអ្នកណាមួយមកប្រាប់ទ្រង់ពីអ្វីដែលត្រូវធ្វើនោះឡើយ។ ទ្រង់ជាអ្នកត្រួតត្រាលើការទាំងនោះ។ ទ្រង់មានបន្ទូលពីអ្វីដែលទ្រង់ត្រូវធ្វើ និងការដែលត្រូវរក្សាព្រះបន្ទូលសន្យារបស់ទ្រង់។ នៅពេលដែលទ្រង់មានបន្ទូល“ការទាំងនោះនឹងត្រូវកើតឡើង”។
អ្វីដែលទ្រង់មានបន្ទូលនោះនឹងត្រូវកើតឡើង។ ទ្រង់មិនត្រូវការសួរអ្នកណាមួយថាតើពេលណានោះទេ ព្រោះទ្រង់បានដឹងថាវានឹងត្រូវកើតឡើងពេលណារួចទៅហើយ គឺវានឹងកើតឡើងតាមផែនការរបស់ទ្រង់។
43
សាតាំងដែលជាអ្នកបោកប្រាស់ដូចដែលទ្រង់មានបន្ទូលនៅក្នុងម៉ាថាយ២៤:២៤ ថាវាជាអ្នកបោកបញ្ឆោត...
យើងឃើញពីកម្មវិធីនៃដំនឹងល្អរបស់វា ការអប់រំ ផ្នែកសីលធម៌ អរិយធម៌ និងការផ្សេងជាច្រើនទៀត ដែលនាំឲ្យមនុស្សវង្វេងតាមសេចក្តីកុហករបស់វា។ សំរាប់នាងអេវ៉ា នាងមិនចង់ធ្វើដូច្នេះឡើយ ប៉ុន្តែសាតាំងបានប្រាប់នាងថានាងនឹងមានប្រាជ្ញកាន់តែច្រើនឡើង។
នាងមិនបានដឹងឡើយ។ នាងចង់ដឹង។ នាងមិនយល់ឡើយ ប៉ុន្តែនាងចង់យល់។ ហើយព្រះបានប្រាប់នាងថា មិនចាំបាច់ព្យាយាមយល់ទេ។ យើងខ្ញុំនឹងអាចយល់ការទាំងនេះបានដោយរបៀបណា? ខ្ញុំមិនអាចនឹងយល់វាបានឡើយ។ ខ្ញុំជឿវា។ ខ្ញុំមិនចាំបាច់នឹងយល់ពីវានោះទេ។ ព្រះទ្រង់ជាសេចក្តីជំនឿ មិនជាការយល់ដឹងឡើយ។ យើងគ្រាន់តែជឿនូវអ្វីដែលទ្រង់មានបន្ទូល។
44
ឥឡូវចូរធ្វើការប្រៀបធៀបពីសួនច្បារអេដែនរបស់ព្រះ ជាមួយនឹងសួនច្បារអេដែនរបស់សាតាំងក្នុងពេលបច្ចុប្បន្ននេះ បន្ទាប់ពី៦០០០ឆ្នាំនៃការធ្វើឲ្យខូចនូវសេចក្តីពិតនៃសេចក្តីសន្យារបស់ព្រះ។ សូមធ្វើការប្រៀបធៀបវាឥឡូវនេះ ហើយតើយើងយល់យ៉ាងណា។ គឺវាដូចជាអ្វីដែលវាបានធ្វើទៅនឹងពួកជំនុំនៅសម័យព្រះយេស៊ូវដែរ ដោយវាព្យាយាមបង្វែរកូនរបស់ព្រះចេញពីសេចក្តីពិត។ ព្រះ...គឺព្រះបានដាក់កូនរបស់ទ្រង់នៅទីនេះ ដើម្បីនឹងមានទំនាក់ទំនងជាមួយនឹងទ្រង់ដោយសារការលឺព្រះបន្ទូលរបស់ទ្រង់។
45
តើអ្វីដែលឪពុករបស់អ្នកបានប្រាប់អ្នក តើអ្នកជាកូនដ៏ស្មោះត្រង់របស់ឪពុកអ្នកឬ ហើយគាត់បានប្រាប់អ្នក “កូនប្រុស ចូរឯងកុំទៅហែលទឹកនៅទីនោះអី ពីព្រោះមានសត្វក្រពើនៅទីនោះ”។ ហើយអ្នកនិយាយថា “ការពិតវាជាទឹកដ៏ស្រស់ស្អាតវាគ្មានក្រពើនៅទីនោះឡើយ”។
ឥឡូវតើអ្នកស្តាប់អ្នកណា? បើអ្នកជាកូនដែលឆ្លាតវៃ នោះអ្នកនឹងស្តាប់ឪពុកម្តាយរបស់អ្នក។ បើអ្នកជាកូនដែលឆ្លាតវៃរបស់ព្រះនោះអ្នកយកព្រះបន្ទូលរបស់ព្រះជាអាទិភាព!!ខ្ញុំមិនខ្វល់ថា អ្នកណានិយាយអ្វីនោះទេ គឺខ្ញុំស្តាប់ព្រះបន្ទូលរបស់ព្រះជាអាទិភាព។ ត្រូវមានសេចក្តីជំនឿលើព្រះបន្ទូលព្រះ គ្រាប់ពូជរបស់ទ្រង់ ដែលបានដាក់នៅសួនច្បារអេដែន ដោយភាពបរិសុទ្ឋ សេចក្តីស្រលាញ់ និងជីវិតអស់កល្បជានិច្ច។
នោះគឺជាផលដែលមាននៅក្នុងសួនច្បារអេដែន គឺភាពបរិសុទ្ឋ ដែលធ្វើសួនច្បារអេដែនទាំងមូលមានភាពបរិសុទ្ឋ សេចក្តីស្រឡាញ់ ការយល់ដឹង ភាពល្អឥតខ្ចោះ និងជីវិតអស់កល្បជានិច្ច។ ទាំងនោះជាអ្វីដែលព្រះទ្រង់បានដាំ គឺព្រះបន្ទូលរបស់ទ្រង់ គ្រាប់ពូជរបស់ទ្រង់។
46
ឥឡូវសូមគិតបន្តិច។ សូមកុំភ្លេចពីវា។ ព្រះទ្រង់មានបន្ទូលថា “ចូរឲ្យគ្រាប់ទាំងអស់មានតាមពូជរបស់វា”។ តើនោះមិនមែនជាព្រះរាជបញ្ជារបស់ព្រះទេឬអី? បច្ចុប្បន្នតើមានអ្នកបង្រៀន ឬអ្នកណាម្នាក់ព្យាយាមប្រើព្រះបន្ទូលដើម្បីនិយាយសេចក្តីនេះឬទេ? រាល់ទាំងព្រះបន្ទូលរបស់ទ្រង់ទាំងអស់គឺជាគ្រាប់ពូជ ដូចអ្វីដែលព្រះយេស៊ូវទ្រង់មានបន្ទូលពីគ្រាប់ពូជដែលអ្នកព្រោះយកទៅព្រោះ។ ដូច្នេះបើសិនជានៅក្នុងម៉ាកុស១៦ជាព្រះបន្ទូលនោះវានឹងបង្កើតផ្លែតាមពូជរបស់វាជាមិនខាន។ បើសិនជានៅក្នុងម៉ាឡាគី៤ ជាព្រះបន្ទូលរបស់ព្រះ នោះវានឹងបង្កើតផលតាមពូជរបស់វា។ ហើយរាល់ទាំងសេចក្តីសន្យាទាំងអស់ត្រូវតែកើតមកតាមពូជរបស់វា។
47
អ្នករាល់គ្នាយល់ទេ? មើលសាតាំងវាព្យាយាមបំភាន់សេចក្តីទាំងនោះ។ វានិយាយថា “គឺមិនដូច្នោះឡើយ”។ តើអ្នកយល់ទេ? សាតាំងនិយាយថា “អូ!! វាមិនមែនសំរាប់ពេលនេះឡើយ”។ វានៅពេលផ្សេងទេ។ វាមិនមែនន័យដូច្នេះឡើយ។“ រាល់គ្រាប់ពូជទាំងអស់ត្រូវតែមានតាមពូជ។ នោះជារបៀបដែលព្រះទ្រង់បានបង្កើតសួនច្បារអេដែន។
ហើយនេះជារបៀបដែលព្រះទ្រង់បង្កើតក្រុមជំនុំរបស់ទ្រង់ គឺរាល់ទាំងអស់មានពូជរបស់វា។ “មនុស្សមិនមែនរស់នៅដោយសារតែនំបុ័ងប៉ុណ្ណោះទេ តែរស់នៅដោយគ្រប់ទាំងព្រះបន្ទូលព្រះវិញ”។ តើអ្នករាល់គ្នាយល់ទេ? សាតាំងនិយាយអ្វីផ្សេងពីនេះ តែព្រះទ្រង់មានបន្ទូលថា “គ្រប់ទាំងគ្រាប់មានពូជរបស់វា”។ សេចក្តីសន្យារបស់ទ្រង់បានប្រាប់ថា “ទីសំគាល់នឹងបានបើកសំដែងដល់អ្នកណាដែលមានជំនឿ”។ ឥតឡូវនេះ យើងអាចនិយាយថា “មកព្រះវិហារ សូមកុំនិយាយពីសាសនាឬនិកាយឡើយ”។ ពីព្រោះវាបាននិយាយនៅក្នុងព្រះបន្ទូលឡើយ។ ប៉ុន្តែព្រះយេស៊ូវទ្រង់មានបន្ទូលថា “ទីសំគាល់ជាច្រើននឹងត្រូវបានបើកសំដែងដល់អ្នកណាដែលមានជំនឿ។ ដោយនូវឈ្មោះខ្ញុំនោះគេនឹងដេញអារក្ស។ គេនិយាយភាសាដទៃ។ បើគេបរិភោគអ្វីដែលពុលនោះនឹងមិនត្រូវពុលឡើយ។ បើសិនជាគេដាក់ដៃលើមនុស្សមានជំងឺអ្នកនោះនឹងបានជាឡើង”។ តើមានអ្នកណាដែលបដិសេធការទាំងនេះ? សូមមើល?
48
រាល់ទាំងគ្រាប់នឹងត្រូវបង្កើតផលតាមពូជរបស់វា។ បើអ្នកជាគ្រាប់ពូជរបស់ព្រះ ហើយមានឥរិយាបថជាកូនព្រះនោះព្រះបន្ទូលនឹងសាបព្រោះនៅក្នុងអ្នក។ ហើយនៅពេលដែលអ្នកលឺព្រះបន្ទូលរបស់ព្រះថា “ចៀមខ្ញុំស្គាល់សំលេងខ្ញុំ វានឹងមិនដើរតាមសំលេងមនុស្សចំលែក”។ តើអ្នកយល់ទេ? រាល់ទាំងគ្រាប់នឹងត្រូវបង្កើតផលតាមពូជរបស់វា។
49
ឥឡូវនេះយើងដឹងហើយថា រាល់ទាំងគ្រាប់នឹងត្រូវផ្តល់ផលតាមពូជរបស់វា នោះនឹងត្រូវគ្មានសេចក្តីស្លាប់នៅក្នុងសួនច្បារអេដែនឡើយ។ ហើយក៏គ្មានសេចក្តីស្លាប់នៅក្នុងសួនច្បារអេដែនថ្មីដែរ។ ហើយនៅទីនោះក៏គ្មានសេចក្តីអាក្រក់ដែរ គឺមានតែ សេចក្តីបរិសុទ្ឋ ភាពល្អ និងជីវិតអស់កល្បជានិច្ច។
ប៉ុន្តែដោយសារគ្មានជំនឿលើព្រះបន្ទូលរបស់ព្រះនាំឲ្យគ្រាប់ពូជនោះត្រូវជាមិនបរិសុទ្ឋនៅក្នុងសួនច្បារអេដែន។ ហើយយើងកំពុងតែនៅក្នុងកន្លែងដែលសាតាំងតាំងបល្ល័ង្ករបស់វានៅក្នុងសួនច្បារអេដែននៅផែនដីនេះ គឺជាអេដែនដែលពេញដោយអំពើបាប គឺសាសនា។ វាបានចាប់ផ្តើម ដោយវាមិនបាននិយាយ“អញជាសាតាំង អញជាទេវតាដ៏អស្ចារ្យនោះទេ”។ ទេ វាមិននិយាយដូច្នេះឡើយ ប៉ុន្តែវាចាប់ផ្តើមដោយប្រើព្រះបន្ទូលរបស់ព្រះវិញ។ ហើយនេះហើយជាវិធីដែលវាបន្តនគររបស់វារហូតមកដល់ពេលនេះ។ នៅសម័យនេះដែលពេញទៅដោយសេចក្តីបោកបញ្ឆោតនេះ វារៀបចំខ្លួនរួចជាស្រេចដើម្បីនឹងគ្រងរាជលើរាស្ត្ររបស់វា។ វាបានបង្ហាញខ្លួនវាលើសួនច្បារអេដែនដែលឆ្លាត មានការអប់រំ និងវិទ្យាសាស្ត្រ។ នោះជាការពិត។ ការបង្រៀនពីវិទ្យាសាស្ត្រ ក្រុមជំនុំវិទ្យាសាស្ត្រ ទេវវិទ្យាវិទ្យាសាស្ត្រ ហើយអ្វីទាំងអស់សុទ្ឋតែជាវិទ្យាសាស្ត្រ។ គ្រប់ទាំងអស់ផ្តោតលើចំនេះដឹង។ ក្រុមជំនុំទាំងមូលត្រូវបានបង្កើតឡើយដោយផ្អើកលើចំនេះដឹង។ វាមិនមែនបង្កើតឡើងដោយឈរលើសេចក្តីជំនឿនោះឡើយ។
50
ពេលមួយខ្ញុំបានចូលរួមក្នុងពិធីប្រជុំមួយ វាគឺជាកន្លែងប្រជុំដែលធំមួយនៅភាគខាងលិច។ មានបុរសម្នាក់គាត់បានបដិសេធសេចក្តីដែលយើងបាននិយាយទាំងនេះ។ ប៉ុន្តែសំរាប់ខ្ញុំៗនៅតែចូលចិត្តគាត់។ នៅពេលដែលការប្រជុំបានចប់នៅពេលរសៀល មានមនុស្សជាច្រើនដែលបានទទួលចំនឹងពីការប្រជុំនោះ។ ខ្ញុំអង្គុយនៅទីនោះ ហើយមើលទៅពួកគេ។ ពួកគេបានអធិប្បាយសេចក្តីដែលល្អឥតខ្ចោះ។ ហើយបន្ទាប់មកគេសួរថាតើមានអ្នកចង់ទទួលព្រះយេស៊ូវឬទេ។ ហើយបើអ្នកណាចង់សូមលើកដៃ។ នៅពេលនោះគ្មានអ្នកណាម្នាក់លើកដៃឡើយ។ រហូតដល់ចប់កម្មវិធីមានស្រ្តីម្នាក់គាត់បានលើកដៃ។
គាត់និយាយថា “ពេលនេះអ្នកគឺជាគ្រីស្ទានហើយ” ហើយនឹងធ្វើបុណ្យជ្រមុជទឹក។ ហើយគាត់ក៏បានចេញមក បានបង្ហាញទារកម្នាក់ និងអធិស្ឋានឲ្យវា ដោយគាត់មិនបានគិតពីអ្នកស្តាប់ទាំងអស់ឡើយ។
51
នៅពេលដែលការប្រជុំបានចប់ ខ្ញុំបានឈរនៅម្ខាងហើយបានចាប់ដៃបុរសម្នាក់ ហើយបានថាសូមព្រះប្រទានពរ។ នៅពេលដែលខ្ញុំបានធ្វើដូច្នេះ មានហ្វូងមនុស្សជាច្រើនបានដើរមកខ្ញុំ។ តើអ្នកមានឃើញពីភាពខុសគ្នានោះទេ? នេះជាអ្វីដែលខ្ញុំចង់និយាយពីវា។ នោះជាភាពខុសគ្នា។
52
ដោយសារចំនេះដឹងខាងវិទ្យាសាស្ត្រ តើអ្នកអាចយល់ដំណឹងល្អបានឬ? “អ្នកណាដែលមានជំនឿលើព្រះយេស៊ូវគ្រីស្ទនោះមិនត្រូវមានទោសឡើយ”។ សូមមើល “ប៉ុន្តែទីសំគាល់ទាំងនេះនឹងកើតមកចំពោះអ្នកណាដែលមានជំនឿ”។ អ្នករាល់គ្នាឃើញទេ ពួកគេភ្លេចពីចំនុចនេះ។ នាងមានជំនឿលើព្រះយេស៊ូវគ្រីស្ទ នាងបានសង្រ្គោះ ហើយនឹងមានទីសំគាល់សំរាប់ជីវិតនាង។“ហើយអ្នកណាដែលលឺព្រះបន្ទូល”មិនដោយធ្វើអ្វីនោះឡើយ មិនមែនគ្រាន់តែលឺប៉ុណ្ណោះឡើយ ប៉ុន្តែយល់ផងដែរ។ មនុស្សគ្រប់គ្នាអាចលឺព្រះបន្ទូលបាន។
ស្រ្តីពេស្យាចារលឺព្រះបន្ទូល ហើយនៅតែជាស្រ្តីពេស្យាចារដដែល។ អ្នកប្រមឹកក៏អាចលឺបានដែរ។ មនុស្សកុហកលឺ ហើយនៅតែជាមនុស្សកុហកដដែល ប៉ុន្តែ“អ្នកដែលយល់ពាក្យរបស់ខ្ញុំ ហើយជឿលើព្រះដែលបញ្ជូនខ្ញុំមក នឹងមានជីវិតអស់កល្បជានិច្ច។”នេះជាអ្វីដែលអ្នករាល់គ្នាត្រូវយល់។ គ្មានអ្នកណាម្នាក់អាចធ្វើបានឡើយ លើកលែងតែព្រះទ្រង់បានហៅមក។
ព្រះយេស៊ូវគ្រីស្ទមានបន្ទូលថា “គ្មានអ្នកណាដែលអាចចូលមកឯខ្ញុំបានឡើយ លើកលែងតែព្រះវរបិតាទ្រង់បានប្រទានមក ហើយអ្នកដែលព្រះវរបិតាបានប្រទានមកនោះនឹងចូលមកឯខ្ញុំ”។ អាម៉ែន!! វាជាអធិបតេយ្យភាព ហើយជាផែនការរបស់ព្រះ។ ទ្រង់គង់នៅ ហើយគ្នាអ្នកណាម្នាក់ដែលប្រាប់ឲ្យទ្រង់ធ្វើអ្វីនោះឡើយ។
53
ឥឡូវបើសិនជាមិនជឿ ហើយទទួលព្រះបន្ទូលរបស់ព្រះនោះនឹងបង្កើតគ្រាប់ពូជនៃការមិនជឿ ភាពមិនបរិសុទ្ឋ អំពើបាប សេចក្តីសំអប់ និងសេចក្តីស្លាប់អស់កល្បជានិច្ច ជាមួយនឹងអំពើបាប និងចំនេះដឹងរបស់ខ្លន។ ឥឡូវតើអ្នករាល់គ្នាយល់សេចក្តីនេះទេ? នៅក្នុងពេលសព្វថ្ងៃនេះ នៅពេលដែលផែនដីទាំងមូលមានពេញដោយសាសនា... តើអ្នករាល់គ្នាយល់សេចក្តីនេះទេ? ពិភពលោកទាំងមូលមានសុទ្ឋតែសាសនា។ ហើយនៅក្នុងសម័យសាសនានិយមនេះ មានព្រះវិហារធំៗជាច្រើន។ របស់ទាំងអស់នឹងត្រូវថ្វាយបង្គំសាតាំង។ នេះជាអ្វីដែលទ្រង់មានបន្ទូលនៅក្នុងព្រះគម្ពីរ។ នោះជាសេចក្តីពិត។
ហើយនៅក្នុងសិក្ខាសិលា នោះនឹងមានមនុស្សឆ្លាតៗជាច្រើនដែលត្រូវបានហ្វឹកហ្វឺនដើម្បីនឹងនិយាយ ពីអ្វីដែលត្រូវធ្វើ និយាយយ៉ាងណាឲ្យមនុស្សជាច្រើនចាប់អារម្មណ៍ និងធ្វើការជាច្រើនទៀត ដូចជាចិត្តវិទ្យាជាដើម គឺក្នុងរយៈពេល៣ឬ៤ឆ្នាំហ្វឹកហ្វឺនជាមួយនឹងចំនេះដឹងរបស់លោកីយនេះ។ សូមមើល... ព្រះវិញ្ញាណរបស់ព្រះមិនបានហ្វឹកហ្វឺនអ្នករាល់គ្នាទេ។ វាមានអ្វីម្យ៉ាងដោយព្រះហស្ថដ៏មានព្រះចេស្តារបស់ព្រះក្នុងដៅចំនាំអ្នករាល់គ្នា។ បទពិសោធន៍របស់អ្នកមិនអាចត្រូវបានបង្រៀនដោយសាលា ឬអ្នកណាឡើយ វាជាអ្វីដែលព្រះបានដាក់មកសំរាប់អ្នករាល់គ្នាវិញ។
54
ឥឡូវវាបានបង្កើតផលនៅក្នុងសួនច្បារអេដែន ហើយឥឡូវនេះវាកំពុងតែរស់នៅជាមួយនឹងអេដែនរបស់លោកីយនេះ។ ពួកវានៅជាមួយគ្នា ហើយនឹងមិនក្រុមជំនុំរបស់លោកីយនេះ នោះពួកគេនឹងជួបនូវសេចក្តីស្លាប់ដែលសាតាំងកំពុងគ្រង់រាជ។
ហើយនៅពេលចុងក្រោយកូនក្រមុំក្លែងក្លាយនឹងត្រូវបានយកចេញ។ នាងមិនត្រូវបានទទួលនោះឡើយ។ នោះជាហេតុផលដែលព្រះទ្រង់មានបន្ទូល“រាស្ត្ររបស់ខ្ញុំនឹងត្រូវញែកចេញពីពួកគេ។ ខ្ញុំនឹងញែកគេចេញ”។
55
ឥឡូវ សេចក្តីសំអប់ សេចក្តីស្លាប់ ការដាច់ចេញដ៏អស់កល្បជានិច្ចពីព្រះនៅក្នុងសួនច្បារអេដែន ដែលពេញដោយតណ្ហា ភាពកង្វក់ ការខូចខាតនោះ។ តើយ៉ាងមិចទៅ? គឺដោយការព្រោះគ្រាប់ពូជដែលមិនត្រឹមត្រូវ។
ខ្ញុំនឹងឃើញពីទស្សនៈរបស់ខ្ញុំមុនដែលខ្ញុំបានជួបមនុស្សដែលមកពីនិកាយ Pentecostal ។ អ្នករាល់គ្នាធ្លាប់បានលឺខ្ញុំប្រាបពីរឿងនេះជាច្រើនដងមកហើយ។ មានគំនិតមួយដែលកើតសាតាំងគឺការសាបព្រោះពូជនៃសេចក្តីមិនចុះសំរុងគ្នា ហើយវាបានឈ្នះនៅក្នុងសួនច្បារអេដែន ដោយសារតណ្ហារបស់អេវ៉ាជាមួយនឹងអំពើបាប។
បើសិនជាអេវ៉ាមានសេចក្តីតណ្ហាជាមួយចំនេះដឹង នោះវាជាអំពើបាប។ ហើយនៅពេលយើងមានសេចក្តីតណ្ហាជាមួយនឹងចំនេះដឹង ដូចជា Ph.D ឬ L.L.D. នោះវាជាអំពើបាបដែរ។ មើល សេចក្តីតណ្ហាទាំងនោះ មិនបានធ្វើឲ្យព្រះបន្ទូលរបស់ព្រះស្ថិតនៅក្នុងចិត្តរបស់គេឡើយ។ ពួកគេព្យាយាមបង្កើតខ្លួនឯង!! ព្រះវិហារព្យាយាមបង្កើតគោលលទ្ឋិរបស់ព្រះវិហារនៅក្នុងចិត្តរបស់មនុស្ស។ យើងត្រូវបានបញ្ជាមកដើម្បីនឹងបង្កើតព្រះបន្ទូលរបស់ព្រះ។ សាវកប៉ុលបាននិយាយថា “ខ្ញុំមិនបានមកឯអ្នករាល់ដោយពឹងលើពាក្យរបស់មនុស្ស ដែលនាំឲ្យសេចក្តីជំនឿរបស់អ្នកស្ថិតទៅលើចំនេះដឹងរបស់លោកីយនេះឡើយ ប៉ុន្តែខ្ញុំមកឯអ្នករាល់គ្នាដោយអំណាចព្រះចេស្តា និងការបើកសំដែងរបស់ព្រះវិញ្ញាណបរិសុទ្ឋដែលនាំឲ្យសេចក្តីជំនឿរបស់អ្នករាល់គ្នាស្ថិតទៅលើព្រះវិញ”។
នេះជាអ្វីដែលអ្នករាល់គ្នាត្រូវដឹង។
56
មនុស្សមិនត្រូវបង្កើតអ្វីសំរាប់ខ្លួនឯងនោះឡើយ។ យើងស្វែងរកវាក្នុងចំនោម... ព្រះទ្រង់ធ្វើអ្វីម្យ៉ាងជាមួយនឹងមនុស្សនោះ ហើយបណ្តេញគាត់ចេញ ហើយអ្នកនឹងឃើញមនុស្សនោះនឹងព្យាយាមក្លែងខ្លួន។ មើល គេនឹងបង្កើតគ្រប់ទាំងអស់នៅក្នុងខ្លួនគេ។ ដោយគេនិយាយថា “ខ្ញុំបានធ្វើនេះ គឺជាខ្ញុំ គឺជារបស់ខ្ញុំ វាជានិកាយរបស់ខ្ញុំ នេះគឺជាខ្ញុំ”។ តើយើងកំពុងតែនិយាយពីអ្វី?ខ្លួនយើង ឬក៏នគររបស់ព្រះ? គឺបង្កើតនគររបស់ព្រះ។ ដោយយកចេញនូវសេចក្តីមិនជឿ និងបង្កើតនគររបស់ព្រះនៅក្នុងចិត្តរបស់មនុស្សវិញ។ ហើយនគររបស់ព្រះមិនអាចនឹងបង្កើតក្នុងចិត្តរបស់មនុស្សបានឡើយ លុះត្រាតែព្រះទ្រង់អនុញ្ញាតសំរាប់អ្នកនោះ។ គាត់ផ្ទាល់មិនអាចបង្កើត... ហើយត្រូវចាំពីការបោកបញ្ឆោត ដែលមនុស្សជាច្រើនគិតថាជាសេចក្តីត្រឹមត្រូវ។ “វាមានផ្លូវដែលមើលទៅហាក់ដូចជាត្រឹមត្រូវសំរាប់មនុស្ស”។ រាល់ចំនេះដឹងមើលទៅហាក់ដូចជាត្រឹមត្រូវ។
57
ដូចដែលខ្ញុំបានប្រាប់អ្នករាល់គ្នាកាលពីពីរបីសបា្តហ៍មុន នៅពេលដែលខ្ញុំឈរនៅក្បែរសពទារករបស់ខ្ញុំ ហើយសាតាំងក៏ឈរនៅទីនោះដែរ ដោយនិយាយថា “នេះជាប៉ារបស់ឯង ដែលបានស្លាប់នៅក្នុងដៃរបស់ឯងកាលពីយប់មុននោះ”។ នេះជាភរិយារបស់ឯងដែលត្រូវទុកនៅក្នុងផ្ទះខ្មោចមួយនេះ ហើយក៏ជាកន្លែងដែលកូនតូចរបស់ឯងត្រូវទៅដែរ ហើយដែលឯងសុំព្រះដើម្បីឆ្លើយតបនឹងសំនួររបស់ឯង ហើយព្រះយកម្លប់ចេញពីឯង។ ព្រះមិនល្អឡើយ ព្រះមិនមែនជាអ្នកព្យាបាលឡើយ។ ឯងឈរនៅទីនេះ ហើយនិយាយនោះត្រូវហើយ តែឯងមិនត្រឹមត្រូវតែ“។
ដូច្នេះសាតាំងធ្វើការត្រឹមត្រូវនៅពេលដែលវានិយាយទៅកាន់នាងអេវ៉ា“ភ្នែកឯងនឹងត្រូវបើកឡើង ឯងនឹងដឹងខុសត្រូវ ហើយនឹងបានដូចជាព្រះ”(ស្គាល់ត្រូវចេញពីខុស) ពីព្រោះព្រះមិនបានឲ្យគេដឹងថាខ្លួនគេនៅអាក្រាតទេ។ ដូច្នេះពួកគេដឹងថាពួកគេកំពុងតែធ្វើត្រូវចេញពីភាពខុសទាំងនោះ។ ហើយសាតាំងពិតជាធ្វើត្រូវ។ តែវាផ្ទុយពីព្រះបន្ទូលរបស់ព្រះ។
58
ដូច្នេះតើបេសកជនទាំងអស់នៅក្នុងសិក្ខាសិលារៀនពីចំនេះដឹងរបស់លោកីយនេះឬ។ វាដូចជាត្រូវ វាជាចំនេះដឹងមួយដែលល្អ ប៉ុន្តែការពិតវាមិនត្រឹមត្រូវឡើយ!! យើងមិនចាំបាច់នឹងយល់ពីវាឡើយ។ យើងជឿវា ពីព្រោះព្រះមានបន្ទូលថា វាយ៉ាងដូច្នេះ ហើយវានឹងត្រូវដូច្នេះអស់កល្បជានិច្ច អ្វីទាំងអស់ត្រូវកើតមកដោយសេចក្តីជំនឿ។ អូ!!! នាងអេវ៉ាមានតណ្ហាជាមួយនឹងសញ្ញាបត្រPh.D គឺនាងមានតណ្ហាជាមួយនឹងភាពឆ្លាតវៃជាជាងអ្វីដែលនាងមាន។
59
សូមកត់សំគាល់ តើពួកគេទាំងពីរអ្នកមានលក្ខណៈយ៉ាងដូចម្តេច... បុរសស្រ្តីទាំងពីរអ្នកនៅអាក្រាតនៅក្នុងសួនច្បារអេដែន សូនច្បារអេដែនរបស់ព្រះ... ឥឡូវនេះ ខ្ញុំនឹងបញ្ចប់មេរៀននៅថ្ងៃនេះ ពីព្រោះយើងមានពេលតែពីរបីនាទីទៀតតែប៉ុណ្ណោះ។ សូមមើលម៉ោង យើងបញ្ចប់ក្នុងពេលបន្តិចទៀតនេះ។ សូមធ្វើការប្រៀបធៀប។ តើវាមានលក្ខណៈបែបណាដែលអ្នកទាំងពីរនៅអាក្រាតនៅក្នុងសួនច្បារអេដែន គឺនៅក្នុងសួនច្បាររបស់ព្រះ ដោយគ្មានសំលៀកបំពាក់សូម្បីតែបន្តិច ហើយពួកគេមិនបានដឹងឡើយ។ តើមូលហេតុអ្វីបានជាពួកគេមិនដឹង? ពីព្រោះពួកគេត្រូវបានបាំងភាពអាក្រាតរបស់ខ្លួនដោយសារព្រះវិញ្ញាណបរិសុទ្ឋ។ ពួកគេមើលទៅគ្នាទៅវិញទៅមក ហើយពួកគេមិនបានដឹងថាពួកគេនៅអាក្រាតនោះឡើយ។ ពួកគេត្រូវបានបាំងដោយព្រះវិញ្ញាណបរិសុទ្ឋ។
60
សូមមើលទៅទីនេះ “អ្នកណាដែលថ្វាយបង្គំដោយសេចក្តីបរិសុទ្ឋ...គឺគ្មានអំពើបាបឡើយ”។
61
ខ្ញុំបានលឺលោកNevilleនិយាយកាលពីព្រឹកមិញថា មានម្នាក់មកសួរថាហេតុអ្វីបានជាអ្នកមិនអធិបាយដោយព្រះវិញ្ញាណបរិសុទ្ឋ ហេតុអ្វីបានជាខ្ញុំមិនធ្វើដូច្នេះ?ព្រះវិញ្ញាណបរិសុទ្ឋនឹងធ្វើសកម្មភាពនៅក្នុងអ្នក។ នោះគឺជាជីវិត។ មិនមែនដោយអារម្មណ៍ មិនមែនដោយភស្តុតាងណាមួយ ប៉ុន្តែដោយរូបអង្គនៃព្រះគ្រីស្ទ ព្រះបន្ទូលត្រូវបានដាក់នៅក្នុងចិត្តយើងម្នាក់ៗ។ ព្រះវិញ្ញាណបរិសុទ្ឋកំពុងធ្វើសកម្មភាព មិនមែនជាការស្រាយបំភ្លឺឡើយ តែជាសកម្មភាព ដោយអាស្រ័យលើព្រះបន្ទូលរបស់ព្រះ។
62
ឥឡូវសូមកត់សំគាល់ ព្រះវិញ្ញាណបរិសុទ្ឋនៃព្រះបន្ទូលដ៏បរិសុទ្ឋរបស់ព្រះ មានបុរសនិងស្រ្តីដែលអាក្រាត ហើយពួកគេមិនបានដឹងខ្លួនឡើយ។ ព្រះទ្រង់មានបន្ទូលថា “មានដើមឈើមួយដើមនៅកណ្តាលសួនច្បារ គឺនៅកណ្តាលសួនច្បារមានដើមឈើមួយ។ ឯងមិនត្រូវប៉ះវា ពីព្រោះបើឯងបរិភោគវានោះនឹងត្រូវស្លាប់ជាមិនខាន”។ ពួកគេត្រូវបានបាំងដោយព្រះវិញ្ញាណបរិសុទ្ឋ ហើយពួកគេមិនបានដឹងអ្វីអំពីការនោះឡើយ។
ពួកគេត្រូវបានបាំងដោយព្រះវិញ្ញាណបរិសុទ្ឋ។ ពួកគេមានសុវត្តិភាពនៅក្នុងកន្លែងរបស់ព្រះ។ ពួកគេមានជីវិត។ ពួកគេគ្មានសេចក្តីស្លាប់នៅជំវិញគេឡើយ។ ហាលេលូយ៉ា!!!! ពួកគេមានសេក្តីស្រឡាញ់ដែលបរិសុទ្ឋចំពោះគ្នាទៅវិញទៅមក គឺបរិសុទ្ឋដ៏នៅអស់កល្បជានិច្ច។ ពួកគេមានសេចក្តីស្រឡាញ់ដែលបរិសុទ្ឋ និងស្គាល់សេចក្តីស្រឡាញ់ដ៏អស្ចារ្យដែលមកអំពីព្រះ។ ពួកគេមានព្រះបន្ទូលរបស់ព្រះនៅក្នុងចិត្តរបស់គេ។ ហើយពួកគេមានជីវិត និងរស់នៅដោយសុខសាន្តក្នុងសួនច្បារអេដែនដែលគ្មានសេចក្តីស្លាប់នៅជុំវិញគេឡើយ។
63
នៅពេលដែល នាងអេវ៉ាស្តាប់ដំណឹងល្អនៃទេវនិយមរបស់សាតាំង ដំណឹងល្អនៃចំនេះដឹង ការសិក្សាខ្ពស់ ក្រមសីលធម៌ អរិយធម៌ និងការអប់រំរបស់វា។ វាបានធ្វើឲ្យនាងស្តាប់តាមវា ដោយស្តាប់នូវហេតុផលរបស់វា។ ហើយក្នុងពេលបច្ចុប្បន្ននេះ ក្រុមជំនុំជាច្រើនកំពុងតែមានសេចក្តីទាំងនេះ។ វាត្រូវបានធ្វើឡើងជាច្រើនមកហើយ។ វាជាពួកគេជំនុំដែលចាស់ជាងគេនៅក្នុងប្រទេសនេះ។ ខ្ញុំមិនខ្វល់ថា វាជាអ្វីនោះឡើយ បើសិនជាវាផ្ទុយជាមួយនឹងព្រះបន្ទូលរបស់ព្រះ នោះត្រូវប្រឆាំង ពីព្រោះវាសត្រូវខាងឯវិញ្ញាណរបស់អ្នក។ អ្វីដែលផ្ទុយនឹងព្រះបន្ទូលនោះជាសត្រូវរបស់អ្នក។ អ្វីដែលមានព្រះបន្ទូលនោះជាបងប្អូនរបស់អ្នក។ គាត់ជាផ្នែកមួយរបស់អ្នក។
64
មើលនាងបានរុញចេញនូវការបិទបាំងដោយព្រះវិញ្ញាណបរិសុទ្ឋ ដើម្បីឲ្យឃើញពីភាពអាក្រាតនោះ ដែលនាំឲ្យមានតណ្ហា។ នាងបានរុញចេញនូវព្រះវិញ្ញាណបរិសុទ្ឋដែលបានបិទបាំងឲ្យនាង។ ភាពបរិសុទ្ឋដែលព្រះបានដាក់ឲ្យនាង ត្រូវបានជំនួសមកវិញដោយចំនេះដែលនឹងចង់ដឹង។ ដូច្នេះនាងបានយកភាពបិទបាំងនោះចេញ ដោយនាងបានស្តាប់តាមសេចក្តីអាក្រក់ ហើយកត់សំគាល់ពីអ្វីដែលនាងទទួលបាន។
ការនេះក៏កំពុងតែកើតឡើយនៅក្នុងពេលបច្ចុប្បន្ននេះដែរ។ សាតាំងកំពុងតែបង្កើតនគររបស់វា ដោយសារចំនេះដឹងដែលវាបានសាបព្រោះ ហើយវាកំពុងនាំសួនច្បារអេដែនទៅរកសេចក្តីស្លាប់។
65
ឥឡូវសូមធ្វើការកត់សំគាល់។ សូមមើលនៅក្នុងវិវរណៈ៣ ដែលនិយាយអំពីក្រុមជំនុំឡៅឌីសេ។ សូមអ្នករាល់គ្នាគិតវានៅក្នុងគំនិត។ សូមកត់សំគាល់។ នាងអេវ៉ាជាម្ចាស់ក្សត្រីរបស់សាតាំង មុនដែលនាងនៅជាមួយនឹងអ័ដាម។ វាបានបញ្ឆោតនាង ដូច្នេះសាតាំងជាប្តីដំបូងរបស់នាងអេវ៉ា មុនអ័ដាម។ វាបានបញ្ឆោតនាង។ ព្រះគម្ពីរបាននិយាយពីការនេះ ហើយនាងបានដឹងថាខ្លួននាងនៅអាក្រាត។
66
សូមមើលពីពួកឡៅឌីសេ។ នាងអេវ៉ាកំពុងអង្គុយនៅកន្លែងម្ចាស់ក្សត្រីរបស់សាតាំង។ នាងកំពុងតែទទួលបានសារជាថ្មី នូវភាពងងឹត និងភាពអាក្រាត ដោយនាងមិនបានដឹងឡើយ!! គឺដូចនៅក្នុងសួនច្បារអេដែនរបស់ព្រះដែរ។ ប៉ុន្តែក្នុងពេលនេះ មិនមែនដោយព្រះវិញ្ញាណបរិសុទ្ឋទេ ប៉ុន្តែដោយការបិតបាំងនៃតណ្ហាដែលនាងបានបំពាក់វាក្រោយពេលនាងរុញវិញ្ញាណរបស់ព្រះចេញ។ ហើយនាងក្នុងពេលនេះ នាងកំពុងតែត្រូវបិទបាំងដោយសេចក្តីអាក្រក់ ដែលនាំឲ្យខ្វាក់ជាមួយនឹងអំពើបាប។ នាងអាក្រាតនៅតាមដងផ្លូវ ដោយមិនដឹងខ្លួន។ នាងជាស្ត្រីពេស្យាចារនៅតាមដងផ្លូវ។ ស្រ្តីដែលស្លៀកពាក់ខ្លី នៅក្នុងព្រះនេត្ររបស់ព្រះគឺជាស្រ្តីពេស្យាចារ ហើយពួកគេមិនបានដឹងឡើយ។
67
ឥឡូវបើសិនជាអ្នកចង់ឃើញពីស្ថានភាពរបស់ពួកគេជំនុំ សូមមើលពីសកម្មភាពរបស់ស្រ្តី។ នាងតែងតែដំណាងឲ្យក្រុមជំនុំ។ នៅក្នុងសួនច្បារអេដែនរបស់សាតាំង ដែលពេញដោយអំពើបាប និងការមិនជឿ ជំនួសការទទួលយកព្រះបន្ទូលព្រះ។ ពួកគេបាបបំពាក់ភាពឆ្លាតវៃដែលគេបានរៀន។
68
សូមកត់សំគាល់ ពីភាពខូចខាតដែលចេញពីភាពគ្មានទោស...សូមកុំភ្លេចពីសេចក្តីនេះ។ ក្រុមជំនុំដែលមានការបិទបាំងដោយតណ្ហា។ សូមកត់សំគាល់វាជាអ្វីដែលសាតាំងបានធ្វើចំពោះនាងអេវ៉ា។ វាបានបំផ្លាញនាងចេញពីភាពគ្មានទោសទៅជាចំនេះដឹងដែលពេញដោយអំពើបាប។ កាលនាងស្ថិតនៅក្រោមការគ្រប់គ្រងដោយព្រះវិញ្ញាណ នាងគ្មានទោសឡើយ។ ជាមួយនឹងការគ្រប់គ្រង់ដោយសេចក្តីអាក្រក់ នាងមានពេញដោយចំនេះដឹង។ នាងដឹងថា វាជាសេចក្តីអំណរសំរាប់នាង។ នាងត្រូវបានបំផ្លាញចេញពីភាពបរិសុទ្ឋរបស់ព្រះ ដោយសារចំនេះដឹង។
នគរនេះត្រូវជួបនូវសេចក្តីស្លាប់!!! គឺនគរនេះត្រូវស្លាប់ជាមិនខាន!!! ព្រះដែលគង់នៅស្ថានសួគ៌ទ្រង់នឹងបំផ្លាញវា!!!
69
សូមចំនាំពីការបំផ្លាញនេះ វាត្រូវបានកើតមកពីមនុស្សប្រុសទៅមនុស្សស្រ្តី និងពីមនុស្សស្រីទៅមនុស្សប្រុស គឺដូចគ្នានឹងសព្វថ្ងៃនេះដែរ។
70
សូមកត់សំគាល់ពី ការកាត់សក់ខ្លី ការលាបមុខ ការស្លៀកពាក់ស៊ិចស៊ី។ នាងបានធ្វើដូច្នេះ ដោយមិនបានដឹងថាវាផ្ទុយទៅនឹងព្រះបន្ទូលរបស់ព្រះនោះឡើយ។ បើសិនជាកាត់សក់របស់នាងធ្វើឲ្យនាងក្លាយជាស្រ្តីដែលមិនមានគេកោតសរសើរ ជាស្រ្តីពេស្យាចារ។ ស្លៀកពាក់ខ្លីធ្វើឲ្យនាងអាម៉ាសមុខ។ស្លៀកពាក់ស៊ិចស៊ី ធ្វើឲ្យនាងក្លាយជាស្រ្តីពេស្យាចា ប៉ុន្តែនាងមិនបានដឹងសេចក្តីទាំងនេះទេ!!! នេះមិនមែនដោយព្រោះភាពបរិសុទ្ឋរបស់ព្រះនោះទេ តែដោយព្រោះតណ្ហារបស់សាតាំងវិញ!!!
នាងបានធ្វើឲ្យអ័ដាមមានតណ្ហានឹងនាង។
71
នាងបានដោះសំលៀកបំពាក់របស់នាង ដែលព្រះបានពាក់នៅពេលដែលចាកចេញពីសួនច្បារអេដែន ពីព្រោះនាងត្រូវដើរកាត់វាលរហោស្ថាន គឺនាងបានដោះសំលៀកបំពាក់នោះចេញ។ នាងបានសំរាតខ្លួននាង នៅពេលដែលព្រះបានបំពាក់ឲ្យនាង។ នាងបានត្រលប់ទៅកាន់អ្វីដែលនាងធ្លាប់មាន។ ឥឡូវនាងមានអ័ដាមក្នុងបំពាក់ខោខ្លីឲ្យនាង។
អ័ដាមបានពាក់ខោខ្លីឲ្យនាង។ សូមមើល នាងមានអ័ដាមដែលធ្វើដូចជានាង។ នាងឃើញពីនៅពេលដែលនាងធ្វើដំណើរឆ្ងាយ ពីព្រោះនាងបានដោះសំលៀកបំពាក់ទាំងអស់របស់នាង។
ហើយអ័ដាមបានស្លៀកពាក់ (តាមពាក្យដើមនៅក្នុងព្រះបន្ទូល គឺជាសេចក្តីស្អប់ខ្ពើម ដែលស្ត្រីស្លៀកពាក់សំលៀកបំពាក់របស់បុរស ហើយបុរសស្លៀកពាក់សំលៀកបំពាក់ស្រ្តី) សូមអ្នករាល់គ្នាគិតពីការនេះ។
72
ឥឡូវនេះគាត់មានសក់ត្រង់នៅថ្ងាស។ គាត់សិតវាហើយធ្វើឲ្យអង្កាញ់។ ការដែលខ្ញុំឃើញនៅក្នុងជីវិតរបស់ខ្ញុំគឺក្មេងប្រុសសព្វថ្ងៃនេះវាមានសក់ដូច្នេះឯង ដោយមានលាបពណ៌ ហើយធ្វើឲ្យរួញផងដែរ។ វាជារឿងដែលពិបាកមួយដែលចេញពីកូនសិស្ស ប៉ុន្តែសេចក្តីជំនុំជំរះនឹងកើតមកនៅក្នុងព្រះ។ ពេលខ្លះ ខ្ញុំមិនបានដឹងផងថា គេជាប្រុសឬជាស្រី។ សូមមើលវាជារឿងនៃសេចក្តីអាក្រក់។
73
នៅពេលមួយដែលខ្ញុំនៅ HowardJohnson ហើយនៅពេលនោះខ្ញុំពិតជាឆ្ងល់មែន។ មានក្មេងប្រុសម្នាក់ដើរមក។ វាមានសក់ខ្មៅ ហើយសិតវាយ៉ាងដូច្នេះឯង ហើយធ្វើសក់រួញបាំងភ្នែករបស់វា។
មើលគាត់មិនជឿសេចក្តីនេះទេ គាត់អាចបញ្ជាក់ថាគាត់គឺជាប្រុស ប៉ុន្តែនៅក្នុងវិញ្ញាណរបស់គាត់ៗគឺជាស្រី។ គាត់មិនបានដឹងថាគាត់នៅកន្លែងណាទេ។ សូមមើលនេះជាអ្វីដែលសាតាំងធ្វើឲ្យខូច។ វាធ្វើឲ្យគ្រប់សាសន៍ទាំងអស់ត្រូវខូច។ វាធ្វើឲ្យក្រុមជំនុំត្រូវខូច។ និងធ្វើឲ្យមនុស្សទាំងអស់ត្រូវខូច។ វាជាអ្នកបោកបញ្ឆោត ជាអ្នកបំផ្លាញសេចក្តីពិត។ ព្រះបានបង្កើតមនុស្សគឺជាមនុស្សប្រុស ស្រីគឺជាស្រ្តី ទ្រង់បានបំពាក់សំលៀកបំពាក់របស់ពួកគេខុសគ្នា ហើយទ្រង់បានប្រាប់គេឲ្យធ្វើការនេះ និងធ្វើសកម្មភាពដូច្នេះ។ មួយជាភេទប្រុស មួយទៀតគឺជាស្រ្តី។
74
ឥឡូវពាក់សក់របស់នាង នាងបានកាត់សក់ដូចគាត់ ហើយគាត់ព្យាយាមស្លៀកពាក់ដូចជានាង។ នាងស្លៀកពាក់សំលៀកបំពាក់ក្រៅរបស់បុរស ហើយគាត់ស្លៀកសំលៀកបំពាក់ក្នុងរបស់ស្រ្តី។ វាជារឿងអាក្រក់មួយ ប៉ុន្តែខ្ញុំមិនមានន័យយ៉ាងដូច្នេះឡើយ។ បើអ្នករាល់គ្នាមិនបានដឹងពីការនេះ នោះមិនមានអ្វីខុសសំរាប់អ្នកឡើយ។ អ្នកអាចជាមនុស្សខ្វាក់ឬមិនដែលបានដើរតាមដងផ្លូវ។ ពួកគេគិតដូច្នេះជាការត្រឹមត្រូវសំរាប់ពួកគេ។
ស្រីៗនិយាយថា “អូ! វាពិតជាក្តៅមែន”។ ពួក Apache ឥណ្ឌា អាចធ្វើឲ្យខ្មាស់ខ្លួនឯង។ កាន់តែក្តៅ ពួកគេកាន់តែស្លៀកពាក់ក្រាស់ៗ គឺកុំឲ្យកំដៅចូលដល់ខ្លួនគេ។ ធ្វើឲ្យខ្លួនគេបែកញើស ដូច្នេះគេមានម៉ាស៊ីនត្រជាក់នៅក្នុងខ្លួននៅពេលដែលគេដើរ។ ពួកគេអាចឈរបាននៅក្រោមកំដៅថ្ងៃ។ ពួកគេមិនអាចឈរបានដោយគ្មានអ្វីនោះទេ បើមិនដូច្នេះទេនោះនឹងត្រូវមានពងបែកឬត្រូវរលាកដោយកំដៅ។
75
ប៉ុន្តែសូមអ្នករាល់គ្នាមើល នោះជាអ្វីដែលពួកគេហៅថាចំនេះដឹង។ វិទ្យាសាស្រ្តសម័យទំនើបបានបង្កើតឲ្យមានយ៉ាងដូច្នេះ។
អូ!! នាងអាក្រាតនៅក្នុងឡៅឌីសេហើយមិនដឹងខ្លួនឡើយ។ នាងអាក្រាតនៅក្នុងសួនច្បារអេដែន។ សូមមើល ពីនគរទាំងពីនេះ។ គឺជាអំពើបាននិងសេចក្តីស្លាប់។តែមួយទៀតគឺជាជីវិតនិងសេចក្តីសុចរិត។ កាលពីនៅទីនោះនាងត្រូវបានបិតបាំងដោយសារព្រះវិញ្ញាណបរិសុទ្ឋ។ ពួកគេទាំងពីរនាក់នៅអាក្រាត។ ហើយពួកគេមិនបានដឹងឡើយ។ ពួកគេមិនបានដឹងអ្វីឡើយពីការនេះ ពីព្រោះពួកគេបានបាំងដោយវិញ្ញាណរបស់ព្រះ។
ពេលនេះពួកគេត្រូវបានបិតបាំងដោយតណ្ហា ពួកគេសំលឹងគ្នាទៅវិញទៅមក... សូមមើល អ័ដាមមើលទៅនាងអេវ៉ា ហើយមិនបានដឹងថានាងអាក្រាតទេ។ ហើយឥឡូវជាមួយនឹងការបិតបាំងដោយសេចក្តីអាក្រក់ នាងមិនបានដឹងថានាងអាក្រាត ប៉ុន្តែនាងបានធ្វើវាដោយសេចក្តីតណ្ហាដើម្បីឲ្យមនុស្សប្រុសសំលឹងមើល។ នេះជាការមួយដែលនាងធ្វើ។ អ្នកអាចនឹងមិនជឿសេចក្តីនេះ ប៉ុន្តែអ្នករាល់គ្នាក៏បានឃើញដែរ។ មនុស្សប្រុសសំលឹងមើលពីការនេះ។ ហើយឃើញថាពិតជាមានការចាប់អារម្មណ៍មែន។
76
នោះជាសេចក្តីអាក្រក់។ ហើយសេចក្តីទាំងនេះ អ្នករាល់គ្នាអាចនឹងមិនដឹងឡើយ ពីព្រោះត្រូវបានបិតបាំងដោយអំពើបាប។ ត្រូវបានបិតបាំងដោយសាតាំង វាជាវិញ្ញាណអាក្រក់របស់សង្គមនេះ។
ពួកគេមិនបានដឹងឡើយ ប៉ុន្តែពួកគេកំពុងតែធ្វើវា។ ស្រ្តីស្លៀកពាក់ខ្លីកំពុងតែប្រព្រឹត ហើយបុរសក៏ដូចគ្នាដែរ។ ខ្ញុំសូមឲ្យអក្សរកាត់របស់ B.S.S គឺ Big Sister's Society ។ ដូច្នេះពួកគេជារបស់វា។
77
អ្នករាល់គា្នអាចយល់ថាអ្វីដែលខ្ញុំនិយាយនេះខុស ប៉ុន្តែវាជាសេចក្តីពិត។ ពួកគេត្រូវបានបង្ខូចដោយសេចក្តីអាក្រក់ តែគេមិនបានដឹងឡើយ។ ពួកគេកំពុងតែប្រព្រឹតសេចក្តីអាក្រក់ទាំងនេះ។ តើហេតុអ្វី?“John ដែលអង្គុយនៅទីនេះស្លៀកពាក់ខ្លី ហេតុអីបានជាខ្ញុំស្លៀកដែរមិនបាប? Luellaចង់ឲ្យខ្ញុំស្លៀកពាក់ខ្លីដូច្នេះ ពីព្រោះJohn ក៏ស្លៀកខ្លីដែរ។ បើសិនជាSuzy Jane អាចស្លៀកវាបាន នោះMartha Jane ក៏ស្លៀកបានដែរ។”សូមមើលពួកគេធ្វើការនេះដោយមិនបានដឹងឡើយ។
78
យើងឃើញការនេះកើតមកយ៉ាងដូច្នេះ ពួកគេកំពុងតែងងឹត!! អ្នករាល់គ្នាកំពុងតែងងឹតជាមួយនឹងនិកាយទាំងនេះដែលសាតាំងដាក់នៅក្នុងអ្នក!!!វាជាការបំផ្លាញនូវអ្វីដែរជាភាពដើមរបស់ព្រះ នគររបស់ទ្រង់ និងផែនការរបស់ទ្រង់សំរាប់កូនទ្រង់គ្រប់គ្នា!!សាតាំងបានដាក់សេចក្តីទាំងនេះនៅក្នុងមនុស្សជាច្រើនហើយពួកគេមិនបានដឹងពីវាឡើយ។ ពួកគេមិនមែនជាកូនរបស់ព្រះទេ។ ទេ មិនមែនជាកូនព្រះឡើយ។
ពួកគេមិនបានចូលក្នុងដំរង់របស់ព្រះឡើយ។ ពួកគេមិនមែនជាកូនព្រះ តែជាកូនរបស់សាតាំង ជាកូនប្រុសស្រីរបស់សាតាំង។
79
សាតាំងបានទទួលជោគជ័យក្នុងការបំពុលនិងបំផ្លាញផែនដីនេះ ហើយបានធ្វើឲ្យផែនដីនេះស្ថិតនៅក្នុងការគ្រប់គ្រងរបស់វា។
សំលេងរបស់អ្នក...អ្នកដឹងពីអ្វី?សកម្មភាពរបស់បាននិយាយប្រាប់យ៉ាងច្បាស់។ សូមឲ្យខ្ញុំចូលទៅកាន់អ្នករាល់ ហើយនិយាយថា “អូ!! យើងទាំងអស់គ្នាគឺជាគ្រីស្ទាន។ យើងតែងទៅព្រះវិហារ”។
សូមឲ្យស្រ្តីម្នាក់និយាយថា នាងគឺជាគ្រីស្ទានដោយនាងកំពុងមានសក់ខ្លី។ អ្នកអាចដឹងយ៉ាងស៊ីជំរៅជាងនេះ។ សូមឲ្យនាងនិយាយថា នាងគឺជាគ្រីស្ទានដោយស្លៀកពាក់ខ្លី។ ព្រះបន្ទូលរបស់ព្រះបានបង្រៀនអ្នករាល់គ្នាឲ្យបានយល់ពីសេចក្តីទាំងនេះ។ ព្រះបន្ទូលបានប្រាប់ថា នាងមិនអាចធ្វើដូច្នេះហើយហៅថាជាគ្រីស្ទានបានឡើយ។ នាងអាចនឹងមិនត្រូវបានគោរព។ តើព្រះទ្រង់នឹងដាក់សេចក្តីគោរពនោះនៅក្នុងនគររបស់ទ្រង់ឬ? ទេ មិនមែនឡើយ។ គឺជាពួកគេ... វាបានបង្ហាញពីចិត្តរបស់គេ។
80
អ្នកមិនអាចឲ្យលលកស៊ីដូចជាសត្វត្មាតបានឡើយ។ សត្វលលកគ្មានទឹកប្រមាត់តែ។ វាមិនអាចស៊ីសាកសពស្អុយរលួយបានឡើយ។ បើសិនជាវាស៊ីតែបន្តិចនោះវានឹងត្រូវស្លាប់ ហើយវាដឹង ប៉ុន្តែចំពោះសត្វត្មាតអាចស៊ីរបស់ទាំងនេះបានដោយគ្មានបញ្ហាអ្វីឡើយ។ វាមានទឹកប្រមាត់យ៉ាងច្រើន។ ដោយអ្នករាល់អាចមើលឃើញពីអ្វីដែលកំពុងតែកើតមាននៅផែនដីក្នុងពេលសព្វថ្ងៃនេះ។ ពួកគេអាក្រាត ខ្វាក់ ហើយពួកគេមិនបានដឹងឡើយ។
81
សាតាំងបានធ្វើឲ្យស្រ្តីមានតណ្ហាជាមួយនឹងចំនេះដឹង ដែលនាងអាចជ្រើសបានដោយខ្លួនឯង។
ឥឡូវសូមធ្វើការកត់សំគាល់អំពីនាងអេវ៉ា ដែលធ្វើឲ្យអ័ដាមធ្វើខុសដែរនោះ ហើយគឺជានាងដែលដោះសំលៀកបំពាក់មុនដែលអ័ដាមដោះសំលៀកបំពាក់របស់គាត់។ គឺជាស្រ្តី។
វាជាព្រះវិហារដែលធ្វើឲ្យមនុស្សវង្វេង។ គឺជាព្រះវិហារ ដែលធ្វើឲ្យមនុស្សចង់ក្លាយជាកូនរបស់ព្រះ។ ព្រះវិហារគឺជាស្រ្តី។ មិនមែនព្រះគម្ពីរ។ អូ!! ព្រះបន្ទូលបានត្រលប់ជាសាច់ឈាម ហើយទ្រង់ជាមនុស្ស។ ព្រះបន្ទូលគឺជាមនុស្សប្រុស ព្រះវិហារជាស្ត្រី។ មិនមែនព្រះបន្ទូលដែលនាំឲ្យមនុស្សវង្វេងនោះឡើយ តែជាព្រះវិហារ។ ព្រះវិហារធ្វើឲ្យមនុស្សទៅជាអាក្រាត មិនមែនព្រះបន្ទូលឡើយ។ តែព្រះ បន្ទូលជាអ្នកប្រាប់គេវិញថាគេកំពុងតែអាក្រាត។
សូមធ្វើការកត់សំគាល់ នាងចង់បានចំនេះដឹង ដើម្បីឲ្យបានដឹងខុសត្រូវ ហើយដើម្បីដឹងថាផ្លែឈើល្អឬអាក្រក់។ នាងបានធ្វើវា។
82
ព្រះទ្រង់នឹងយកវាចេញមកវិញនៅពេលមួយ ដោយសារមនុស្សប្រុស។ នៅពេលដែលស្ត្រីទាំងនោះលុនតួ នោះនឹងត្រូវបានសង្គ្រោះដោយសារមនុស្សប្រុស។ បុរសនោះគឺអង្គព្រះយេស៊ូវគ្រីស្ទ ដែលជាព្រះបន្ទូល។
83
អ្នករាល់គ្នាបានចាំពីមេរៀនមួយដែលខ្ញុំបានបង្រៀនអ្នករាល់គ្នា ដែលនិយាយពីត្រែទាំង៧ ដូចជាត្រែនៃការជប់លៀងជាដើម។ ខ្ញុំបាននិយាយថា “មានថ្ងៃទី៨នៃពិធីបុណ្យ”។ ដូច្នេះថ្ងៃទី៧អាចជាថ្ងៃចុងក្រោយ អាចថ្ងៃនៃសហសវត្ស។ បន្ទាប់ពីពេលនោះបានបញ្ចប់ និងមានការបង្កើតអេដែនសារជាថ្មី។ អាណាចក្រដ៏អស្ចារ្យរបស់ព្រះត្រូវបានយកមកវិញ ពីព្រោះព្រះយេស៊ូវគ្រីស្ទបានឈ្នះលើសាតាំងនៅក្នុងសួនច្បារគែតសេម៉ានី ហើយទទួលបានអេដែនមកវិញ ដែលទ្រង់យាងទៅដើម្បីរៀបចំ។
នៅឯនគរស្ថានសួគ៌ ទ្រង់បានប្រាប់ថា “ទីនោះគ្មានការឈឺចាប់ឡើយ”។
84
កាលពីពេលដែលទ្រង់គង់នៅ ផែនដីទ្រង់មានបន្ទូល“ពួកយូដា អ្នករាល់គ្នាជឿលើព្រះ នោះត្រូវជឿលើខ្ញុំដែរ”។
ព្រះទ្រង់បានបើកសំដែង។ ជឿ... “
85
នៅក្នុងដំណាក់ព្រះវរបិតាខ្ញុំមានកន្លែងជាច្រើន... នៅក្នុងផែនការរបស់ព្រះវរបិតា មានកន្លែងជាច្រើន។ ហើយខ្ញុំទៅទីនោះ ដើម្បីរៀបចំកន្លែងឲ្យអ្នករាល់គ្នា“។ ទ្រង់បានរៀបចំកន្លែងសំរាប់យើង។ ទ្រង់ជាអ្នកបង្កើត។ ទ្រង់បង្កើតពីមាស។ ផ្លូវទាំងអស់សុទ្ឋតែស្រស់ស្អាត។ ទ្រង់ជាអ្នកធ្វើ។ ទ្រង់បានបង្កើតកន្លែងសំរាប់យើង។
នៅក្នុងវិវរណៈ២១ យ៉ូហានបាននិយាយថា “ខ្ញុំបានឃើញទីក្រុងបរិសុទ្ឋ ទីក្រុងយេរ៉ូសាឡិមថ្មី ចុះពីស្ថានសួគ៌មកអំពីព្រះ”។ ទីនោះគ្មានសមុទ្រ។ ផ្ទៃមេឃនិងផែនដីចាស់ត្រូវកន្លងផុតទៅ។
តើអ្វីដែលជាផ្ទៃមេឃមុន? វាជាសហសវត្សចាស់។ តើអ្វីជាផែនដីមុន? វាត្រូវបានផ្លាស់ប្រែជាថ្មី។ ដូចនៅសម័យលោកណូអេ ហើយពេលនេះដោយសារព្រះលោហិតរបស់ព្រះយេស៊ូវ យើងត្រូវបានផ្លាស់ប្រែជាថ្មី។ ត្រូវបានផ្លាស់ប្រែជាថ្មីពីភាពចាស់ ជំងឺ និងអ្វីគ្រប់យ៉ាងដែលជារបស់លោកីយនេះ។ យ៉ូហានបាននិយាយថា “ខ្ញុំឃើញផ្ទៃមេឃនិងផែនដីថ្មី។ ផ្ទៃមេឃនឹងផែនដីចាស់ត្រូវបានកន្លងផុតទៅ ហើយគ្មានសមុទ្រទៀតទេ។ ខ្ញុំ យ៉ូហាន បានឃើញទីក្រុងបរិសុទ្ឋ ជាទីក្រុងយេរូសាឡិមថ្មី ដែលចុះមកពីស្ថានសួគ៌”
86
អ្នកដែលជាកូនពិតរបស់ព្រះនឹងត្រូវបានយកទៅនៅទីនោះ ដែលទ្រង់នឹងមានទំនាក់ទំនងជាមួយនឹងគេដោយសេចក្តីបរិសុទ្ឋ ហើយភ្នែករបស់គេនឹងត្រូវបិទពីអស់ទាំងអំពើបាបទាំងឡាយ។ នៅទីនោះនឹងគ្មានអំពើបាបទៀតឡើយ។ នឹងពុំមានសេចក្តីបោកបញ្ឆោតទៀតទេនៅថ្ងៃនោះ ហើយយើងនឹងចូលទៅកាន់ទ្វាររបស់ទ្រង់។ គឺអ្នកដែលមានឈ្មោះនៅក្នុងបញ្ជីជីវិតរបស់ទ្រង់នឹងបានចូលទៅតាមទ្វារនោះ។
87
ក្នុងពេលនេះ អ្នករាល់គ្នាមានលុយ អ្នករាល់គ្នាធ្វើនេះ ធ្វើនោះ។ នៅទីនេះលុយអាចទិញឡាន និងអាចធ្វើអ្វីបានទាំងអស់ ប៉ុន្តែនៅទីក្រុងនោះនឹងពុំមានយ៉ាងដូច្នោះទៀតឡើយ។ នឹងគ្មានឡាន ឬព្រលានយន្តហោះឡើយ។ នឹងមានវប្បធម៌ផ្សេងៗជាច្រើនដែលនៅជាមួយគ្នា។ វានឹងមានវប្បធម៌ ប៉ុន្តែមិនមែនជាវប្បធម៌នៃចំនេះដឹង ឬវិទ្យាសាស្រ្តឡើយ ប៉ុន្តែជាសេចក្តីបរិសុទ្ឋ និងសេចក្តីជំនឿលើព្រះដែលមានព្រះជន្មរស់។
សូមយើងព្យាយាមដើម្បីនឹងដើរចូលទៅក្នុងទ្វារនោះ ពីព្រោះគោលបំនងរបស់ខ្ញុំនឹងដើរចូលទៅឯទីក្នុងនោះនៅពេលមួយ។ ហើយនៅពេលដែលខ្ញុំក្រលេកក្រោយនឹងឃើញអ្នករាល់ដើរទៅជាមួយខ្ញុំដែរ ហើយយើងនឹងច្រៀង “គ្រប់គ្នាដើរតាមផ្លូវនោះ។ ខ្ញុំចង់ស្ថិតនៅក្នុងចំនួននោះដែរ នៅពេលដែលខ្ញុំទៅដល់នោះ”។ ឥឡូវសូមយើងអធិដ្ឋាន។
88
ឱ! ព្រះវរបិតា ដែលគង់នៅស្ថានសួគ៌ ទូលបង្គំដឹងថាពេលវេលានោះកំពុងតែជិតមកដល់ ហើយទូលបង្គំកំពុងរងចាំដើម្បីនឹងដើរចូលទៅតាមសេចក្តីសន្យារបស់ទ្រង់។ ទូលបង្គំទាំងអស់គ្នាអធិស្ឋានព្រះអង្គអើយ សូមទ្រង់នឹងគង់នៅក្នុងចិត្តរបស់ទូលបង្គំទាំងអស់គ្នា ដូច្នេះទូលបង្គំនឹងមិនប្រព្រឹតសេចក្តីកំហុសទៀតឡើយ។
សូមទ្រង់រក្សាចិត្តរបស់ទូលបង្គំឲ្យបានបរិសុទ្ឋ។ សូមទ្រង់បាំងចិត្តរបស់ទូលបង្គំ ព្រះអង្គអើយ គឺបាំងភ្នែកនៃចិត្តនេះចេញពីចំនង និងរបស់ដែលឥតប្រយោជន៍របស់លោកីយនេះ។ មិនថាសេចក្តីនោះយ៉ាងណាឡើយ តែទូលបង្គំដឹងថាវាជាការឥតប្រយោជន៍។ ព្រះអង្គអើយទូលបង្គំដឹងថា មនុស្សជាច្រើននឹងត្រូវវិនាសបើសិនជាគេមិនបានទទួលនូវសេចក្តីរស់ឡើងវិញដែលមកអំពីទ្រង់ ពីព្រោះមានសេចក្តីចែងទុកមកថា “មានពរហើយ ក៏បរិសុទ្ឋផង អស់អ្នកណាដែលមានចំនែក ក្នុងខណៈរបស់ឡើងវិញជាន់មុនដំបូងនេះ ហើយសេចក្តីស្លាប់ទីពីរ នឹងគ្មានអំណាចលើអ្នកនោះឡើយ”។ សេចក្តីស្លាប់ទី២ សេចក្តីស្លាប់ខាងឯព្រលឹងនោះនឹងមិនត្រូវមានអំណាចលើអ្នកនោះឡើយ។ ដោយព្រោះគេបានសង្រ្គោះ។
89
ឱ! ព្រះអង្គអើយ ទូលបង្គំគិតអំពីមនុស្សជាច្រើននៅពេលនោះ ដែលម្នាក់នឹងត្រូវយកទៅ ហើយម្នាក់ទៀតត្រូវទុកនៅ។ “ពីរនាក់ដែលគេងនៅលើគ្រែ ម្នាក់នឹងត្រូវយកទៅ ហើយម្នាក់នឹងត្រូវទុកនៅ។ ពីរនាក់នៅឯស្រែ ម្នាក់ត្រូវយកទៅម្នាក់ទៅត្រូវទុកនៅ”។
ព្រះអង្គអើយ សូមជួយទូលបង្គំឲ្យបរិសុទ្ឋនៅក្នុងព្រះនេត្ររបស់ទ្រង់។ ព្រះអង្គអើយ ទូលបង្គំមិនខ្វល់ថា តើមនុស្សគិតយ៉ាងណាជាមួយនឹងទូលបង្គំឡើយ។ សូមទ្រង់ដាក់សេចក្តីបរិសុទ្ឋរបស់ទ្រង់លើទូលបង្គំ។ សូមដាក់ក្នុងទូលបង្គំ សូមកុំឲ្យទូលបង្គំមានសេចក្តីកំហុសណាមួយនោះឡើយ។ ព្រះ អង្គអើយ នៅពេលដែលទូលបង្គំប្រព្រឹតសេចក្តីកំហុស សូមព្រះលោហិតនៃព្រះយេស៊ូវគ្រីស្ទដែលឈរនៅចន្លោះទូលបង្គំនិងទ្រង់បានលាងសំអាតទូលបង្គំផង។ ហើយទ្រង់នឹងមើលទូលបង្គំតាមលោហិតរបស់ព្រះគ្រីស្ទផងដែរ។ មិនមែនដោយសេចក្តីសុចរិតរបស់ទ្រង់ឡើយ តែដោយសារព្រះគុណរបស់ទ្រង់តែមួយប៉ុណ្ណោះ។
90
សូមឲ្យបងប្អូនទាំងអស់គ្នាដែលអង្គុយហើយស្តាប់ព្រះបន្ទូលទ្រង់ក្នុងពេលនេះ បានលះចោលនូវមនុស្សចាស់ចេញ ហើយសូមឲ្យវិញ្ញាណនៃសេចក្តីបរិសុទ្ឋរបស់ទ្រង់បានសន្ឋិតលើគេផងដែរ គឺជាព្រះបន្ទូលរបស់ទ្រង់ ដែលនឹងត្រូវដុះឡើងក្នុងចិត្តរបស់គេ។ ទូលបង្គំមិនបានដឹងថាពេលណាដែលទ្រង់នឹងយាងមកនោះទេ តែទូលបង្គំរងចំានឹង ឆ្លើយតបនឹងទ្រង់ជានិច្ច។ ព្រះអង្គអើយសូមជួយទូលបង្គំឲ្យរក្សាបាននូវសេចក្តីបរិសុទ្ឋរបស់ទ្រង់ជានិច្ច។ សូមទ្រង់ទទួលនូវសេចក្តីនេះផង។
ទូលបង្គំរាល់គ្នាអាចនឹងរស់រហូតដល់ទ្រង់យាងមក។ ទូលបង្គំអាចនឹងធ្វើការនៅក្នុងអំណាចព្រះចេស្តានៃសេចក្តីស្រឡាញ់ និងការយល់ដឹងដែលមកពីទ្រង់ ក្នុងការស្វែងកូនចៀមរបស់ទ្រង់ដែលបានបាត់បង់។ ទូលបង្គំអាចនឹងនិយាយជាមួយនឹងគេពីសេចក្តីអធិស្ឋាននៃសេចក្តីស្រឡាញ់ និងព្រះ បន្ទូលរបស់ទ្រង់ ហើយឲ្យចូលមកកាន់កន្លែងរបស់ទ្រង់ ដោយងាកចេញពីសួនច្បារអេដែនរបស់សាតាំង។ ព្រះអង្គអើយពួកគេកំពុងតែស្ថិតនៅក្នុងសេចក្តីចំនង់ និងសំរស់រប់សលោកីយនេះ។
91
គ្រប់ទាំងការផ្សព្វផ្សាយនៅលើវិទ្យុ ទូរទស្សន៍ គឺសុទ្ឋជារបស់អារក្ស។ ហើយធ្វើឲ្យមនុស្សត្រូវបានបំផ្លាញចេញពីទ្រង់។
ព្រះអង្គអើយ នេះជាសម័យដែលពេញដោយសេចក្តីអាក្រក់។ ព្រះយេស៊ូវអើយសូមទ្រង់យាងមក។ សូមយាងមកសំអាតយើងរាល់គ្នាដោយព្រះលោហិតរបស់ទ្រង់។ សូមដកអស់ទាំងសេចក្តីអាក្រក់ទាំងអស់ចេញពីទូលបង្គំ។ ព្រះអង្គអើយសូមឲ្យទូលបង្គំមានជីវិត។ សូមឲ្យទូលបង្គំរស់នៅក្រោយព្រះលោហិតរបស់ទ្រង់។ នេះជាបំនងចិត្តកូន និងការទូលបង្វរដែលបរិសុទ្ឋចំពោះទ្រង់។
ព្រះអង្គអើយ!! សូមទ្រង់លូកព្រះហស្ថរបស់ទ្រង់ក្នុងរាត្រីនេះ ហើយដាក់ព្រះបន្ទូលរបស់ទ្រង់លើទូលបង្គំគ្រប់គ្នា។ សូមឲ្យសេចក្តីអធិស្ថានដោយជំនឿ ដែលចេញពីចិត្តរបស់ទូលបង្គំ បានទ្រង់ទទួលយក។ ព្រះអង្គអើយ បើសិនជាមានសេចក្តីមិនបរិសុទ្ឋណាមួយនៅក្នុងទូលបង្គំសូមទ្រង់មើលមកទូលបង្គំហើយសំអាតចេញផង។
93
ព្រះអង្គអើយសូមឲ្យទូលបង្គំបំរើទ្រង់ គឺបំរើទ្រង់តែមួយ។ សូមទទួលនូវពាក្យនេះ។ ទូលបង្គំ អរព្រះគុណទ្រង់ដែលទ្រង់បានព្យាបាលរាស្រ្តរបស់ទ្រង់ កូនប្រុសរបស់អ្នកស្រីនិងលោកShepherd។ ទូលបង្គំអធិស្ឋានកុំឲ្យមានសេចក្តីអាក្រក់ណាមួយមកកាន់គាត់ទៀតឡើយ។ ទូលបង្គំអធិស្ឋានសូមទ្រង់ការពារគាត់។ ទូលបង្គំទាំងអស់គ្នាអរព្រះគុណទ្រង់ សំរាប់ការព្យាបាលរបស់ទ្រង់ដល់អ្នកផ្សេងទៀត ដែលបានអំពាវនាវរកទ្រង់។ ហើយពេលនេះទូលបង្គំដឹងរាល់អ្វីដែលទូលបង្គំគ្រប់គ្នាសូម នោះនឹងបានបាន ពីព្រោះទូលបង្គំមានទំនុកចិត្តក្នុងទ្រង់បានបានសន្យា។ សូមទ្រង់ផ្តល់ព្រះគុណទ្រង់ ហើយលាងសំអាតអស់ទាំងអំពើបាបរបស់ទូលបង្គំ។ ទូលបង្គំទូលសូមក្នុងព្រះនាមព្រះយេស៊ូវគ្រីស្ទ។ អាម៉ែន។
94
តើអ្នករាល់គ្នាស្រឡាញ់ទ្រង់ទេ? តើមានជំនឿលើទ្រង់ឬទេ? តើអ្នកធុញទ្រាន់ជាមួយនឹងនគររបស់សាតាំងឬទេ? តើអ្នកជឿថាសហសវត្សថ្មីរបស់ទ្រង់នឹងយាងមកឬទេ? ហើយយើងនឹងនៅក្នុងសួនច្បារអេដែនរបស់ទ្រង់វិញ?តើអ្នករាល់គ្នាជឿថាសព្វថ្ងៃនេះកំពុងខិតទៅជិតការមកដល់របស់ទ្រង់ឬទេ? បើយើងមើលអ្វីទាំងអស់គឺអាស្រ័យទៅលើ ភាពឆ្លាតវៃរបស់មនុស្ស។ ពួកគេព្យាយាមប្រើវិទ្យាសាស្រ្តរបស់គេក្នុងបកស្រាយ ប៉ុន្តែគេមិនអាចរកព្រះឃើញតាមរយៈការនោះឡើយ។ អ្នករាល់គ្នាត្រូវទទួលព្រះយេស៊ូវគ្រីស្ទដោយសេចក្តីជំនឿ “ពីព្រោះអ្នកដែលចូលទៅកាន់ព្រះបានត្រូវតែមានជំនឿលើទ្រង់”។
ឱ!! ព្រះអង្គអើយ ទូលបង្គំមិនចង់ដឹងអ្វីផ្សេងឡើយ ប៉ុន្តែសូមព្រះលោហិតរបស់ព្រះគ្រីស្ទសំអាតអស់ទាំងបាបរបស់ទូលបង្គំ។ ទូលបង្គំមិនដឹងអ្វីឡើយ ប៉ុន្តែទូលបង្គំដឹងពីព្រះគ្រីស្ទ។ ដូចសាវកប៉ុលបាននិយាយ “ខ្ញុំមិនដឹងអ្វីទាំងអស់ពីអ្នករាល់គ្នា ប៉ុន្តែខ្ញុំស្គាល់ព្រះគ្រីស្ទដែលទ្រង់បានជាប់ឆ្កាង”។
95
នោះជាអ្វីដែលខ្ញុំដឹង ហើយនឹងប្រាប់អ្នករាល់គ្នា ដែលសេចក្តីទាំងនេះមាននៅក្នុងព្រះគម្ពីរដែលខ្ញុំជឿអស់ពីចិត្តរបស់ខ្ញុំ ហើយបើខ្ញុំជឿដោយអស់ពីចិត្តរបស់ខ្ញុំនោះ ខ្ញុំមិនបានប្រព្រឹតកំផិតជាមួយនឹងព្រះបន្ទូលទ្រង់ឡើយ។ ដោយសារសេចក្តីនេះដែលធ្វើឲ្យខ្ញុំមានជីវិត។ ដោយសារសេចក្តីនេះ ដែលខ្ញុំអាចឈរបាន។ បើសិនជាខ្ញុំមានជីវិត១ម៉ឺន ខ្ញុំនឹងឲ្យជីវិតនេះសំរាប់ព្រះបន្ទូលព្រះ ដែលជាព្រះ បន្ទូលនៃព្រះយេស៊ូវគ្រីស្ទ។ ហើយខ្ញុំមិនខ្វល់ថា តើពួកគេព្យាយាមពន្យល់ពីភាពខុសយ៉ាងណាក៏ដោយ ទោះបីវិទ្យាសាស្រ្តព្យាយាមនិយាយថាវាមិនគួរឲ្យជឿក៏ដោយ សំរាប់ខ្ញុំការនោះជារបស់លោកីយទេ ខ្ញុំជឿលើព្រះបន្ទូលរបស់ទ្រង់។ ទ្រង់ជារបស់ខ្ញុំ។ ខ្ញុំស្រឡាញ់ទ្រង់។ ចុះអ្នករាល់គ្នាវិញ?
96
បើសិនបើមានអំពើបាបណាមួយនៅក្នុងចិត្តរបស់អ្នកឬមានសេចក្តីកំហុសណាមួយ សូមឥឡូវនេះអ្នករាល់អធិស្ឋានទៅកាន់ទ្រង់ សូមទ្រង់អត់ទោសរាល់សេចក្តីកំហុសនេះ។ អ្នករាល់គ្នាអធិស្ឋានឲ្យខ្ញុំ ហើយខ្ញុំអធិស្ឋានឲ្យអ្នករាល់គ្នា។ ព្រះនឹងប្រទានពរដល់អ្នកក្នុងសេចក្តីអធិស្ឋាននេះ។
រហូតដល់យើងនៅតែជួបគ្នា រហូតដល់យើងនៅតែជួបគ្នា
ព្រះនឹងគង់នៅជាមួយអ្នកជានិច្ច រហូតដល់យើងបានជួបគ្នាជាថ្មី
តើអ្នកស្រឡាញ់អ្នកផ្សេងទៀតទេ? លោកយ៉ូហានបាននិយាយថា “កូនតូចៗៗ អើយ សូមឲ្យមានសេចក្តីស្រឡាញ់ចំពោះគ្នាទៅវិញទៅមក”។ សូមមានសេចក្តីស្រឡាញ់ចំពោះគ្នា ពីព្រោះសេចក្តីស្រឡាញ់នឹងគ្រប់បាំងអស់ទាំងអំពើបាប។ ឥឡូវសូមចាប់ដៃគ្នាទៅវិញទៅមក។
ព្រះនឹងគង់នៅជាមួយអ្នកជានិច្ច រហូតដល់យើងបានជួបគ្នាជាថ្មី
រហូតដល់យើងនៅតែជួបគ្នា រហូតដល់យើងនៅតែជួបគ្នា
សូមឲ្យមានចិត្តសប្បុរសចំពោះគ្នាទៅវិញទៅមក សូមឲ្យមានចិត្តសប្បុរស។ សូមជួយអ្នកជិតខាងរបស់អ្នករាល់។ សូមរក្សាខ្លួនអ្នករហូតដល់ព្រះយេស៊ូវគ្រីស្ទទ្រង់យាងមកវិញ។
រហូតដល់យើងនៅតែជួបគ្នា រហូតដល់យើងនៅតែជួបគ្នា
ព្រះនឹងគង់នៅជាមួយអ្នកជានិច្ច រហូតដល់យើងបានជួបគ្នាជាថ្មី
97
តើអ្នករាល់គ្នាស្រឡាញ់ទ្រង់ទេ? នេះជាសេចក្តីអធិស្ឋានរបស់ខ្ញុំ។ អ្នកអធិស្ឋានឲ្យខ្ញុំ ហើយខ្ញុំអធិស្ឋានឲ្យអ្នករាល់គ្នា។ ខ្ញុំនឹងត្រូវត្រលប់ទៅ Tucson វិញ។ ហើយខ្ញុំនឹងអធិស្ឋានសូមព្រះប្រទានពរដល់អ្នករាល់គ្នា។ មុននឹងមកដល់ទីនេះខ្ញុំបាននៅឯCanada ហើយបន្ទាប់មកខ្ញុំនឹងត្រូវទៅ Colorado វិញ គឺខ្ញុំធ្វើដំណើរគ្រប់ទីកន្លែងទាំងអស់។ លោក Tony ក៏នៅទីនេះដែរ ហើយមានការអស្ចារ្យមួយកើតឡើងសំរាប់រូបគាត់។ ក្រោមការដឹកនាំរបស់Vatican នៅក្នុងទីក្រុងរ៉ូម ពួកគេបានធ្វើការប្រជុំមួយ។ គាត់ទើបតែត្រលប់មកដល់។ ពួកគេបានចូលរួមក្នុងកម្មវិធីដែលមានមនុស្សរាប់ពាន់អ្នក ហើយពួកគេចង់ឲ្យខ្ញុំចូលដែរ។ ពួកគេចង់ឃើញសិរីល្អរបស់ព្រះនៅក្នុងកម្មវិធីនោះ។ ខ្ញុំមិនបានដឹងអ្វីឡើយ។ ខ្ញុំបានអធិស្ឋានសំរាប់ការនោះ ហើយស្តាប់ពីអ្វីដែលព្រះទ្រង់នឹងហៅខ្ញុំ។ អូ!! សូមអ្នករាល់ចងចាំ ហើយអធិស្ឋានសំរាប់គ្នាទៅវិញទៅមក...
យើងរងចាំចំពោះការយាងមក
នៃព្រះដ៏មានពររបស់យើង
សូមមើលពីទីសំគាល់នៃស្លឹកល្វា
ឥឡូវនេះវាចាប់ផ្តើមមានពណ៌ខៀវ
ដំណឹងល្អពីនគរព្រះ
បានទៅដល់គ្រប់ទាំងសាសន៍
ហើយយើងកំពុងតែនឹងឃើញទីបញ្ចប់
ហើយយើងនឹងលឺព្រះបន្ទូលទ្រង់ដោយអំណរ
ពីការយាងមកដ៏មានពររបស់ទ្រង់
ទ្រង់នឹងយាងមកយ៉ាងឆាប់ក្នុងសិរីល្អ សូមប្រាប់ការនេះដល់អ្នកផ្សេងទៀតផង
យើងនឹងត្រូវលើកឡើយចូលក្នុងនគររបស់ទ្រង់
សូមកុំឲ្យលក់ល្វើយឡើយ ដ្បិតទីបញ្ចប់ជិតដល់ហើយ
សូមត្រៀមខ្លួនឲ្យបានរួចរាល់សំរាប់ការហៅចុងក្រោយនេះ
98
នាងនឹងត្រូវត្រលប់មកពីលិចវិញ ហើយនឹងត្រូវជិះត្រលប់ទៅម្តងទៀតនៅពេលមួយ។ សូមចងចាំ។ គឺនឹងត្រូវដូច្នេះ។
សូមយកព្រះនាមព្រះយេស៊ូវទៅជាមួយអ្នក
កូននៃសេចក្តីទុក្ខព្រួយនិងទុក្ខសោក
វានឹងមានអំណរសារជាថ្មី
សូមយកព្រះនាមទ្រង់ទៅកន្លែងណាដែលអ្នកទៅ
ព្រះនាមដ៏បរិសុទ្ឋ ឱ! ព្រះនាមដ៏បរិសុទ្ឋ!!
ផ្តល់សេចក្តីសង្ឃឹមនៅផែនដី និងក្តីអំនរនៅស្ថានសួគ៌
ព្រះនាមដ៏បរិសុទ្ឋ ឱ! ព្រះនាមដ៏បរិសុទ្ឋ!!
ផ្តល់សេចក្តីសង្ឃឹមនៅផែនដី និងក្តីអំនរនៅស្ថានសួគ៌
នៅក្នុងព្រះនាមព្រះយេស៊ូវ គ្រប់ទាំងអស់នឹងត្រូវលុតចុះ
គឺត្រូវលុតចុះចំពោះព្រះបាទទ្រង់
ស្តេចលើសអស់ទាំងស្តេចដែលគង់នៅស្ថានសួគ៌
ពេលដំណើររបស់យើងត្រូវបានបញ្ចប់
ព្រះនាមដ៏បរិសុទ្ឋ ឱ! ព្រះនាមដ៏បរិសុទ្ឋ!!
ផ្តល់សេចក្តីសង្ឃឹមនៅផែនដី និងក្តីអំនរនៅស្ថានសួគ៌
ព្រះនាមដ៏បរិសុទ្ឋ ឱ! ព្រះនាមដ៏បរិសុទ្ឋ!!
ផ្តល់សេចក្តីសង្ឃឹមនៅផែនដី និងក្តីអំនរនៅស្ថានសួគ៌
99
ឥឡូវនេះជាពាក្យចុងក្រោយសូមយើងច្រៀងទាំងអស់គ្នាដោយចិត្តបន្ទាប“យកព្រះនាមព្រះយេស៊ូវជាមួយអ្នកដូចជាខែលដែលការពារនូវរាល់បញ្ហា។ ហើយនៅពេលដែលមានសេចក្តីល្បួងនៅជុំវិញអ្នក នោះគ្រាន់តែដកដង្ហើមដែលមានព្រះនាមបរិសុទ្ឋក្នុងការអធិស្ឋាន នោះសេចក្តីទាំងនេះនឹងត្រូវចេញឆ្ងាយពីអ្នក។ ខ្ញុំជឿលើសេចក្តីនេះ ពីព្រោះជាសេចក្តីពិត យើងដកដង្ហើមក្នុងព្រះនាមដ៏បរិសុទ្ឋរបស់ទ្រង់តាមរយៈការអធិស្ឋាន។
យកព្រះនាមព្រះយេស៊ូវទៅជាមួយអ្នក
ដូចជាខែលដែលបាំងរាល់បញ្ហា
នៅពេលមានសេចក្តីល្បួងនៅជុំវិញអ្នក
តើអ្នកធ្វើយ៉ាងណា?
គ្រាន់តែដកដង្ហើម ដោយព្រះនាមបរិសុទ្ឋក្នុងការអធិស្ឋាន
នោះអ្នកនឹងត្រូវបានការពារ
ព្រះនាមបរិសុទ្ឋ ព្រះនាមបរិសុទ្ឋ
ព្រះនាមបរិសុទ្ឋ
ផ្តល់សេចក្តីសង្ឃឹមនៅផែនដី និងក្តីអំនរនៅស្ថានសួគ៌
ព្រះនាមបរិសុទ្ឋ ព្រះនាមបរិសុទ្ឋ
ផ្តល់សេចក្តីសង្ឃឹមនៅផែនដី និងក្តីអំនរនៅស្ថានសួគ៌
100
សូមអោនក្បាលចុះ ហើយខ្ញុំនឹងហៅលោក Beeler ដើម្បីនឹងឡើងមកលើវេទិការនេះ។ ឥឡូវសូមអោនក្បាល ហើយបន្ទាបចិត្តរបស់អ្នក។ លោក Beeler ជាបងប្អូនដល់ល្អរបស់យើង។ ខ្ញុំនឹងហៅគាត់ឡើងមកដើម្បីនឹងអធិស្ឋានបញ្ចប់កម្មវិធីក្នុងរាត្រីនេះ។ សូមព្រះប្រទានពរ លោក Beeler។