1
នេះជាឯកសិទ្ឋិពិសេសមួយក្នុងរាត្រីនេះដែលយើងមានឱកាសចូលមកក្នុងវត្តមាននៃព្រះអម្ចាស់ប៉ុន្តែយើងសូមសោកស្តាយផងដែរដែលបងប្អូនមួយចំនួនពុំមានកន្លែងអង្គុយដោយព្រោះយើងគ្មានកៅអ៊ីគ្រប់គ្រាន់។ខ្ញុំឃើញមនុស្សជាច្រើនទៅក្បែរបង្អួច នៅខាងក្រៅ និងកន្លែងផ្សេងទៀតដោយព្រោះគ្មានកន្លែងអង្គុយគ្រប់គ្រាន់នៅក្នុងបន្ទប់នេះព្រោះមានមនុស្សជាច្រើនដែលមកពីវិហារផ្សេងៗទៀតផងដែរ។យើងមិនដែលផ្សព្វផ្សាយកម្មវិធីរបស់យើង នៅលើការសែតទេ...អូ!!!មិត្តជាច្រើនរបស់យើងគាត់បានហៅទូរស័ព្ទមកនិងនិយាយអំពីការមកចូលរួមការអធិស្ឋាននេះហើយយើងក៏ប្រាប់ពួកគាត់ឲ្យមកចូល។ពត៌មានក៏បានចាប់ផ្តើមរីករាលដាលឡើងទៅដល់អ្នកផ្សេងទៀតហើយមានអ្នកខ្លះមកតាំងពីរដ្ឋLouisville។នេះអ្នករាល់នឹងថាហេតុអ្វីបានជាមានមនុស្សច្រើនដូច្នេះ។
ខ្ញុំចង់បានទីធ្លានៅក្នុងសាលាវិទ្យាល័យដើម្បីរៀបចំកម្មវិធីនេះតែយើងមិនទទួលបានឡើយ។ ខ្ញុំចង់ឲ្យអ្នករាល់គ្នាដឹងថាមិនមែនយើងព្យាយាមមិនចង់ឲ្យអ្នករាល់គ្នាចូលរួមក្នុងកម្មវិធីនេះឡើយប៉ុន្តែដោយព្រោះយើងគ្មានកន្លែងគ្រប់គ្រាន់។បើសិនជាយើងបានសាលាវិទ្យាល័យ នោះពិតជាប្រសើរ តែយើងមិនបានឡើយ។
2
ក្នុងរាត្រីនេះជារាត្រីចុងក្រោយនៃមេរៀនរបស់យើង។ហើយនៅថ្ងៃស្អែកពេលព្រឹកបន្ទាប់ពីសាលារៀនថ្ងៃអាទិត្យបញ្ចប់បើព្រះសព្វព្រះហឬទ័យខ្ញុំនឹងអធិប្បាយមេរៀនអំពីការបង្កើតសិស្ស។សាលារៀនថ្ងៃអាទិត្យនឹងចាប់ផ្តើមនៅម៉ោង៩និង៣០នាទីព្រឹក។តើអញ្ចឹងឬលោកNeville?គឺនៅម៉ោង៩និង៣០ព្រឹក យើងនឹងចាប់ផ្តើមសាលារៀនថ្ងៃអាទិត្យហើយនៅពេលបញ្ចប់ថា្នក់រៀនភ្លាមនោះខ្ញុំនឹងអធិប្បាយអំពីមេរៀនស្តីពីការបង្កើតសិស្សដែលសំដៅទៅលើការត្រាស់ហៅឆ្ពោះទៅរកមនុស្សមានបាប។
ក្នុងរយៈពេលប៉ុន្មានយប់នេះចាប់តាំងពីរាត្រីថ្ងៃអាទិត្យមុនមកយើងបានទទួលមេរៀនអំពីការព្យាបាល និងសេចក្តីត្រូវការជាច្រើនទៀត។ជាមួយគ្នានេះដែរនៅក្នុងរាត្រីថ្ងៃស្អែកប្រសិនបើបានយើងនឹងយកនូវប័ណ្ណដែលបានសរសេរសេចក្តីអធិស្ឋានទាំងអស់ដែលអ្នករាល់គ្នាបានសរសេរយកមកឲ្យពួកយើងដើម្បីនឹងអធិស្ឋានជាមួយគ្នាយើងពិតជារីករាយក្នុងការធ្វើការងារនេះ។ប័ណ្ណនៃសេចក្តីអធិស្ឋានពួកយើងនឹងចែកឲ្យអ្នករាល់នៅថ្ងៃស្អែកបន្ទាប់ពីសាលារៀនថ្ងៃអាទិត្យបញ្ចប់ដើម្បីឲ្យអ្នករាល់គ្នាសរសេរ។សាលារៀនថ្ងៃអាទិត្យនឹងត្រូវបញ្ចប់នៅម៉ោងប្រហែល១១និង៣០នាទីដូច្នេះពួកយើងនឹងចែកប័ណ្ណនោះឲ្យអ្នករាល់គ្នា។
បើសិនជាអ្នករាល់គ្នាមានថ្វាយបង្គំផ្ទាល់ខ្លួនក៏ដោយតែចង់មកចូលរួមជាមួយនឹងពួកយើង អ្នករាល់គ្នាអាចនឹងចូលរួមបាន។យើងចង់ឲ្យអ្នករាល់ដឹងយ៉ាងច្បាស់ថា អ្នករាល់គ្នាមានសេរីភាពក្នុងចូលរួមជាមួយនឹងពួកយើង។
3
ខ្ញុំពិតជារវល់មែនក្នុងថ្ងៃនេះហើយប្រហែលជាប៉ុន្មាននាទីមុន មានអ្នកមកជួបខ្ញុំ ហើយនិយាយថា “បើសិនជាលោកគ្រូអាចអធិប្បាយបានលោកគ្រូអាចអធិប្បាយក្នុងពេលនេះបាន”។ ខ្ញុំឃើញថាកន្លែងនេះទាំងមូលមានពេញដោយមនុស្ស។ពេលនោះខ្ញុំបានគិតអំពីខគម្ពីរមួយចំនួនដែលខ្ញុំគិតថានឹងយកមកអធិប្បាយក្នុងរាត្រីនេះ។តែការដំបូងដែលខ្ញុំត្រូវធ្វើគឺអរព្រះគុណព្រះដែលទ្រង់បានធ្វើការដ៏អស្ចារ្យក្នុងជីវិតយើងរាល់គ្នា។តាមរបាយការណ៍ជាច្រើនដែលខ្ញុំបានទទួលឃើញថាបន្ទាប់ពីយើងបានអធិស្ឋានក្នុងការប្រជុំរបស់យើងហើយគឺមានការអស្ចារ្យជាច្រើនបានកើតឡើង។មិនមែនត្រឹមតែអ្នកដែលឡើងមកលើវេទិការដែលទទួលការអស្ចារ្យនោះទេតែគ្រប់គ្នាសុទ្ឋតែទទួលការអស្ចារ្យដែលមកពីព្រះទាំងអស់។យើងពិតជាមានអំណរនៅពេលដែលឃើញការទាំងនេះ។
4
ក្នុងរាត្រីនេះខ្ញុំបានជ្រើសរើសអត្ថបទមួយដែលមានចំនងជើងថា“ជំនឿជាជ័យជំនះរបស់យើង”។យើងនឹងឃើញសេចក្តីនេះនៅក្នុងព្រះគម្ពីរ១យ៉ូហាន ៥:៤
តើអ្នកណាជាអ្នកឈ្នះលោកីយបើមិនមែនជាអ្នកដែលជឿថាព្រះយេស៊ូវគ្រីស្ទជាព្រះរាជបុត្រានៃព្រះ
ឥឡូវយើងនឹងរៀនអំពី “ជំនឿជាជ័យជំនះរបស់ខ្ញុំ”។បើយើងនិយាយអំពីជ័យជំនះ យើងឃើញថាមានជ័យជំនះជាច្រើនដែលបានកើតឡើងក្នុងរយៈដ៏វែងមួយក្នុងប្រវត្តិសាស្រ្តរបស់មនុស្សនៅផែនដីនេះ។ខ្ញុំបានអានសៀវភៅមួយដែលនិយាយពីការចុះចាញ់របស់ទីក្រុងបារីសនៅចុងសម័យសង្រ្គាមលោកលើកទីពីរនៅពេលដែលកងទ័ពហ៊ីត្លែទៅដល់ទីក្រុងបារីសពួកគេបានប្រកាសពីជ័យជំនះដ៏អស្ចារ្យរបស់ពួកគេ។នៅពេលនោះហើយដែលអាឡឺម៉ង់ឈ្នះសង្រ្គាមលើប្រទេសបារាំង។
5
ហើយនៅក្នុងទីក្រុងឡុងនៃប្រទេសអង់គ្លេសពេលមួយខ្ញុំមានឯកសិទ្ឋបានចូលរួមក្នុងសិក្ខាសិលាដែលឃើញអំពីរូបភាពមានចលនាមួយដែលបានរឹបយកដោយប្រទេសរ៉ុស៊ីនៅពេលដែលទីក្រុងប៊ឺលីនចាញ់សង្រ្គាមនិងឃើញអំពីសំភារះសិកជាច្រើនត្រូវបានដឹងតាមរថក្រោះចូលទៅកាន់ទីក្រុងប៊ឺលី។ នៅចំងាយពីមួយMile ទៅមួយMile យើងឃើញមានការបាញ់ប្រហារដោយកាំភ្លើងយ៉ាងខ្លាំងក្លាហើយការនេះធ្វើឲ្យកងទ័ពនៃទីក្រុងប៊ឺលីចុះចាញ់សង្រ្គាម។យើងឃើញថាពួកកងទ័ពទាំងនោះបានយករថក្រោះទាំងនោះនិងសំភារះសឹកទៅឲ្យលោកស្តាលីន។ពួកគេបានដឹកតាមយន្តហោះនៅពេលដែលដល់ប្រទេសរ៉ូស៊ីយើងឃើញកងទ័ពរ៉ូស៊ីទាំងនោះប្រកាសពីជ័យជំនះដ៏សំបើមរបស់ពួកគេ។លោកស្តាលីទទួលការចាប់អារម្មណ៍ពីសំណាក់កូនទាហានរាប់ពាន់អ្នកក្នុងដំណើរសង្រ្គាមនៅឯប៊ឺលីនេះ។
នៅពេលដែលស្រ្តីជនជាតិអាឡឺម៉ងត្រូវបានចាប់រំលោភនៅតាមដងផ្លូវមួយចំនួនត្រូវបានសំលាប់ អ្នកខ្លះត្រូវបានដុតទាំងរស់ ប៉ុន្តែនោះក៏នៅតែជាជ័យជំនះរបស់ប្រទេសរ៉ូស៊ីដែរ។
6
មានអ្នកប្រាប់ខ្ញុំថាណាប៉ូឡេអុងដែលទទួលបានជ័យជំនះក្នុងថ្ងៃមួយប៉ុន្តែមិនប៉ុន្មានឆ្នាំផងជ័យជំនះនោះក៏បានបាត់ទៅ។ខ្ញុំបានអានសៀវភៅមួយអំពីជីវិតរបស់ណាប៉ូឡេអុង។គាត់ស្អប់ជនជាតិបារាំងណាស់។គាត់បានចូលទៅក្នុងប្រទេសបារាំងហើយរស់នៅលើកោះមួយហើយគាត់បានក្លាយទៅជាមេទ័ពម្នាក់ដ៏ខ្លាំងពូកែម្នាក់។គាត់ជាសុភាពបុរសម្នាក់ហើយភាពជ័យជំនះរបស់គាត់ត្រូវបានចាប់ផ្តើមពីខួរក្បាលរបស់គាត់ជាដំបូង។
ប៉ុន្តែអ្នករាល់គ្នាឃើញហើយថាជ័យជំនះរបស់គាត់មិនបាននៅស្ថិតស្ថេរយូរនោះទេ។គាត់ជាមនុស្សអយតនិយមម្នាក់ហើយគាត់បានស្លាប់នៅអាយុ៣៣ឆ្នាំដោយសារជាតិអាកុល។ជ័យជំនះប្រភេទនេះមិនស្ថិតស្ថេរបានយូរឡើយពីព្រោះវាកើតចេញពីសេចក្តីកំហឹង។អ្នកមិនអាចនឹងទទួលបានសេចក្តីល្អនៅក្នុងសេចក្តីអាក្រក់ឡើយ។នេះប្រៀបបានដូចជាកំពុងតែលេងក្នុងក្បួននៃល្បែងមួយយ៉ាងដូច្នេះ។
7
អ្នករាល់គ្នាសុទ្ឋតែបានដឹងពីកីឡាអូឡាំពិចឬកីឡាអត្តពលកម្មដទៃទៀត មិនថាអ្នកប្រណាំងដល់ទីមុនជាយ៉ាងណានោះទេប៉ុន្តែអ្នកមិនអាចនឹងលេងហ្គេមអាស្រ័យទៅលើក្បួននោះឡើយគឺអ្នកនឹងខ្វះលទ្ឋភាពក្នុងការធ្វើវា។
នេះជាវិធីដែលកើតមាននៅក្នុងជីវិតរបស់មនុស្ស។អ្នករាល់គ្នាមិនអាចលេងក្បួនរបស់ល្បែងនៃជីវិត ដែលខុសហើយរំពឹងថានឹងជោគជ័យបានឡើយ។អ្នកត្រូវលេងវាដោយពឹងលើព្រះបន្ទូលរបស់ព្រះវិញហើយគោលដៅនោះនឹងបង្ហាញអ្នកក្នុងពេលនេះ។
8
យើងឃើញមានមនុស្សជាច្រើនដែលហាក់ដូចជាមិនមានគោលដៅនៅក្នុងជីវិតជាពិសេសក្នុងពេលដែលគេកំពុងតែរស់នៅសព្វថ្ងៃនេះ។មនុស្សតែងតែគិតពីអ្វីដែលពួកគេធ្វើដោយគ្រាន់តែផ្គាប់ចិត្តអ្នកដទៃដោយរស់នៅក្នុងជីវិតលូយឆាយតាមបែបរបស់លោកីយនិងតាមការទាក់ទាញដែលលោកីយនេះផ្តល់ឲ្យគេ។ដូចជាពេលដែលអ្នកទៅសាលារៀនហើយក្មេងស្រីៗស្លៀកសំលៀកបំពាក់ខ្លីៗហើយក្មេងស្រីផ្សេងទៀតអាចនឹងទាមទារឲ្យសាលាតំរូវតាមក្មេងស្រីទាំងនោះដែរ។
ស្រ្តីមួយចំនួនតាមកញ្ចក់ទូរទស្សន៍ស្លៀកសំលៀកបំពាក់សម័យនោះជាការចង់បានរបស់គេសំរាប់លោកីយនេះ។ម្យ៉ាងវាអាចជាការចង់បានមួយរបស់អាមេរិចដើម្បីឲ្យពួកគេមានការងារល្អមានប្រាក់ខែច្រើនមានទូរទស្សន៍ឬឡានថ្មីជាដើម។
9
ខ្ញុំចង់ប្រាប់ថាការទាំងនោះត្រឹមត្រូវហើយប៉ុន្តែការចង់បានដ៏ធំបំផុតមួយរបស់មនុស្សមានលក្ខណៈខ្ពស់ជាងរបស់ទាំងអស់នេះ។គ្រីស្ទានទាំងអស់ត្រូវកំណត់ការចង់បានរបស់គេឲ្យខ្ពស់ជាងរបស់ទាំងអស់នេះដែរ។
ខ្ញុំគិតថាវាអាចធ្វើឲ្យចំណាចពេលដើម្បីនឹងអង្គុយគិតហើយឆ្ងល់ថាហេតុអ្វីបានជានៅទីខាងមុខយ៉ាងដូច្នេះ។ហើយអ្នកណាដែលមានចិត្តសប្បុរសគ្រប់គ្រាន់ក្នុងការនាំយើងមកដល់ចំនុចនេះដាក់យើងឲ្យគិតពីការទាំងអស់នេះយើងអាចសួរព្រះពីអ្វីដែលទ្រង់សព្វព្រះហឬទ័យឲ្យយើងធ្វើនឹងពីផែនការដែលទ្រង់មានសំរាប់យើង។ប៉ុន្តែសំរាប់យើងគ្រប់គ្នាមើលឃើញថាវាហាក់ដូចជាយុត្តិធម៌ក្នុងការដែលនៅជាមួយនឹងរបស់លោកីយនេះ។
ព្រះគម្ពីរបានប្រាប់យើងថាយើងអាចឈ្នះលោកីយនេះបាន។តើយើងធ្វើវាដោយរបៀបណា?មិនមែនដោយរក្សាភាពលូយឆាយរបស់លោកីយនេះទេប៉ុន្តែព្រះគម្ពីរបានប្រាប់ថាជំនឿគឺជាជ័យជំនះដែលយើងអាចឈ្នះលោកីយនេះបាន។
10
វាបានរំលឹកខ្ញុំពីពេលមួយ...ខ្ញុំមិនចង់និយាយពីពាក្យទាំងនេះទេប៉ុន្តែមានមនុស្សអនាថាម្នាក់មកគោះទ្វារផ្ទះរបស់ខ្ញុំ។គាត់និយាយថា“តើលោកអាចឲ្យនំSandwich មួយមកខ្ញុំផងបានទេ?”
ខ្ញុំនិយាយថា “បាទ!! បាន។សូមលោកដើរចូលមកខាងក្នុងមក?”ជំនួសការឲ្យនំSandwich ទៅបុរសនោះខ្ញុំគិតថាខ្ញុំនឹងរៀបចំអ្វីផ្សេងសំរាប់គាត់ញុំា។ខ្ញុំអង្គុយនៅជាមួយនឹងគាត់នៅពេលដែលគាត់កំពុងតែញុំាហើយខ្ញុំចាប់ផ្តើមសួរទៅគាត់ពីការធ្វើដំណើររបស់គាត់។ ខ្ញុំសួរថា “តើលោកមកពីណា?”
គាត់បានញាក់ស្មារបស់គាត់បន្តិចហើយនិយាយថា“គ្មានកន្លែងណាឡើយ”។
ខ្ញុំក៏សួរថា“ចុះអញ្ចឹងទៅណាដែរ?”
ភ្លាមនោះគាត់ក៏ឈប់បរិភោគរួចសំលឹងមើលមុខខ្ញុំ ហើយនិយាយថា “គ្មានកន្លែងណាឡើយ”។គាត់ក្រលេខមើលជុំវិញ ហើយក៏លេបអាហារមួយដុំធំដែលនៅក្នុងមាត់គាត់ហើយនិយាយថា “លោក គឺកន្លែងដែលខ្ញុំដាក់មួករបស់ខ្ញុំនោះជាកន្លែងដែលខ្ញុំសំរាក”។
ខ្ញុំនិយាយនឹងគាត់ថា“ខ្ញុំឃើញហើយ”។ “តើលោកធ្វើការនោះរយៈពេលប៉ុន្មានឆ្នាំមកហើយ?”
គាត់ប្រាប់ខ្ញុំថា“ជាង២០ឆ្នាំហើយ ឬ ក៏លើសទៅហើយ”។គា្មនសេចក្តីចង់បានណាមួយដែលធ្វើឲ្យគាត់ប្រសើរឡើងនោះឡើយ។
11
ណោះគ្រាន់តែជាលក្ខណៈរបស់មនុស្សតែប៉ុណ្ណោះ។ដែលខ្ញុំហៅថា “អ្នកអណ្តែត”។ហើយមនុស្សមួយចំនួនដែលមកព្រះវិហារក៏មានលក្ខណៈយ៉ាងដូច្នេះដែរ។ខ្ញុំតែងតែគិតអំពី ឈើដែលអណ្តែតទឹក។ឈើដែលអណ្តែតទឹកតែងតែមានសំរាមនៅជាប់នឹងវាជានិច្ច។នោះជាអ្វីដែលមនុស្សអណ្តែតមាននៅក្នុងព្រះវិហារ។
ឥឡូវយើងនិយាយអំពីទន្លេដូចជាទន្លេនៃជីវិតដែលមានឈើអណ្តែតទឹកយ៉ាងច្រើនមានសំរាមដែលជាប់នឹងវា ហើយទូកដែលយើងប្រើក៏ធ្វើពីឈើដែរ។ប៉ុន្តែបើសិនជាអ្នករាល់គ្នាកត់សំគាល់ឈើត្រូវបានយកមកហើយកែច្នៃដោយសារស្នាដៃជាងដើម្បីធ្វើជាទូក។មិនមែនត្រឹមតែកែច្នៃតែប៉ុណ្ណោះទេប៉ុន្តែត្រូវបានផ្តើមគំនិតដោយជាងផងដែរ។ហើយយើងរាល់គ្នាក៏បានបង្កើតមកក្នុងលក្ខណៈដូចគ្នានេះដែរ។វាអាស្រ័យថាតើមហិច្ឆតារបស់យើងយ៉ាងណា។
12
តើអ្នករាល់គ្នាមានចិត្តអនុញ្ញាតិឲ្យជាងស្មូនរបស់អ្នកធ្វើអ្នកទៅជាអ្វីដែលអាចប្រើការបានអាចគ្រប់គ្រងនិងអាចមានអំណាចដើម្បីនឹងធ្វើការណាមួយបានដែរឬក៏អត់។នេះប្រៀបបានដូចជាទូកមួយដែលបានកែច្នៃដោយស្នាដៃជាងហើយដែលអាចប្រើប្រាស់បាននៅលើទឹកដែរ។
ព្រះទ្រង់សព្វព្រះទ័យសូនយើងនិងធ្វើយើងទៅជាអ្វីដែលទ្រង់សព្វព្រះទ័យ។ប៉ុន្តែតើព្រះទ្រង់អាចធ្វើបានដោយរបៀបណាបើសិនជាយើងមិននៅស្ងៀមឲ្យទ្រង់កែច្នៃយើង។យើងតែងតែចង់ធ្វើម្ចាស់លើខ្លួនឯង។យើងតែងតែចង់គិតពីផ្លូវរបស់យើង។ហើយមនុស្សជាច្រើនដែលទៅព្រះវិហារចូលរួមការថ្វាយបង្គំកត់ត្រាមេរៀន ដោយពួកគេមិនបានទាំងគិតថាតើអ្វីដែលពួកជំនុំជឿឬក៏ស្វែងយល់ពីពួកជំនុំដូចជារបៀបនៃការចែកចាយដំណឹងល្អឬតើអ្នកទាំងនោះឈរនៅលើដំនឹងល្អឬក៏អត់នោះទេ។
13
ប៉ុន្តែខ្ញុំចង់ប្រាប់បងប្អូនទាំងអស់គ្នាពីការមួយក្នុងរាត្រីទោះបីជាអ្នកនៅខាងក្នុងឬខាងក្រៅអាគារនេះក្តីយើងរាល់គា្ននឹងត្រូវដើរទៅរកគោលដៅមួយយ៉ាងជាក់ច្បាស់ក្នុងថ្ងៃមួយគឺយើងត្រូវចូលទៅកាន់ជ្រោះនៃសេចក្តីស្លាប់។ខ្ញុំចង់ផ្តល់យោបល់ដល់អ្នករាល់គ្នាឲ្យត្រៀមខ្លួនដើម្បីជួបជាមួយនឹងព្រះក្នុងពេលណាមួយ។អ្នករាល់គ្នាអាចនឹងទៅជួបជាមួយទ្រង់ក្នុងលក្ខណៈជារបស់ដែលទ្រង់បានកែច្នៃឡើងដោយប្រណិតឬជួបទ្រង់ក្នុងលក្ខណៈជាដុំឈើដែលអណ្តែតទឹកដែលកំពុងតែហូរ។ដូច្នេះសូមកុំប្រើប្រាស់ជីវិតនេះគ្រាន់តែអណ្តែតទឹកនោះឡើយដូចជាដើម្បីការងារល្អស្លៀកពាក់ស្អាតឬក៏មានទូរទស្សន៍ឬឡានល្អនោះឡើយ។ជីវិតមានន័យខ្ពស់ជាងនេះ។សូមអ្នករាល់គ្នាកុំព្យាយាមប្រើប្រាស់ពាក្យដែលថា“បាទ!! បើសិនជាមនុស្សគេទៅវិហារ ខ្ញុំក៏ទៅវិហារដែរ” នោះឡើយ។
14
នៅពេលដែលអ្នករាល់គ្នាទៅព្រះវិហារដំបូងអ្នករាល់ត្រូវតែស្វែងរកថាតើព្រះវិហារមានន័យថាយ៉ាងដូចម្តេច។តើវាជាកន្លែងដែលមនុស្សទៅដើម្បីមានការប្រកបគ្នាឬជាកន្លែងដែលគេអធិប្បាយព្រះបន្ទូលឬជាកន្លែងដែលបង្ហាញពីគោលការណ៍នៃសេចក្តីសុគតរបស់ព្រះគ្រីស្ទ?អ្នករាល់គ្នាត្រូវតែដឹងពីការនេះ។សូមកុំឲ្យឡើងចុះដូចជារបស់អណ្តែតទឹកនោះឡើយពីព្រោះ“ផ្លូវត្រង់ហើយចង្អៀតត្រូវនាំទៅឯជីវិតតែមានមនុស្សតិចតែដែលទៅតាមនោះ។ឯផ្លូវដែលធំទូលាយជាផ្លូវដែលនាំទៅរកសេចក្តីហិនវិនាស ហើយមានមនុស្សជាច្រើនដែលដើរតាមនោះ”។អ្នករាល់គ្នាត្រូវតែមានគោលដៅយ៉ាងពិតប្រាកដមួយពីអ្វីម្យ៉ាង។
ប៉ុន្តែសព្វថ្ងៃនេះវាមិនមែនលក្ខណៈដូច្នេះឡើយដែលមនុស្សទៅរកព្រះ ហើយមានគោលដៅជាមួយទ្រង់។តើគោលដៅរបស់អ្នកគ្រាន់តែជាមនុស្សដែលស្វែងរកភាពល្អត្រឹមត្រូវឬសីលធម៌ ឬក៏អ្នកមានគោលដៅស្វែងរកព្រះពិតប្រាកដមែន?
15
ដានីយ៉ែលនៅពេលដែលគេយកគាត់ទៅកាន់បាប៊ីឡូនគាត់ត្រូវបានចេញឆ្ងាយពីផ្ទះរបស់គាត់ហើយគាត់ត្រូវបានជាឈ្លើយរបស់ពួកសាសន៍ដទៃ....ប៉ុន្តែគោលដៅរបស់ដានីយ៉ែលមាននៅក្នុងគំនិតរបស់គាត់ជានិច្ចមិនថាគេធ្វើអ្វីទៅលើគាត់នោះឡើយគាត់មិនមានធ្វើឲ្យខ្លួនរបស់គាត់ស្មោគគ្រោកដោយសារអំពើបាបរបស់បាប៊ីឡូនឡើយ។
អូ!!បើសិនជាយើងមានមនុស្សអង់អាចដូចជាគាត់ ដែលមានគោលដៅនៅក្នុងចិត្ត “ហើយបើសិនជាខ្ញុំជាគ្រីស្ទានខ្ញុំនឹងស្វែងរកឲ្យឃើញពីព្រះពរដែលមានសំរាប់ខ្ញុំហើយខ្ញុំនឹងប្រកាសវា។បើសិនជាព្រះគម្ពីរបានបង្រៀនថាខ្ញុំទទួលបានព្រះវិញ្ញាណបរិសុទ្ឋខ្ញុំនឹងលត់ជង្គង់របស់ខ្ញុំរហូតដល់ព្រះទ្រង់ប្រទានព្រះវិញ្ញាណបរិសុទ្ឋមកឲ្យខ្ញុំខ្ញុំមិនធ្វើជាមនុស្សអណ្តែតឡើយ”។
16
នៅពេលមួយយូរមកហើយខ្ញុំបានអានអំពីជីវប្រវត្តិរបស់លោកBuddyRobinson។ គាត់ជាបុរសដ៏អស្ចារ្យម្នាក់ជាមនុស្សមានសេចក្តីស្រឡាញ់ហើយជាមនុស្សមានសេចក្តីជំនឿដ៏ល្អផងដែរ។គាត់មានសេចក្តីស្រេកឃ្លាចំពោះព្រះវិញ្ញាណបរិសុទ្ឋពីព្រោះគម្ពីរបានប្រាប់គាត់។គឺបានប្រាប់ថាពេលមួយនៅពេលដែលគាត់កំពុងព្យូរដីនៅឯចំការពោតរបស់គាត់គាត់បានបញ្ឈប់សត្វលាហើយលោកអេលីបានដើរមកកាត់តាមរងពោតនោះដោយនិយាយថា “ព្រះអង្គអើយបើសិនជាទ្រង់មិនប្រទានព្រះវិញ្ញាណទ្រង់មកទូលបង្គំទេនៅពេលដែលទ្រង់យាងមកផែនដីនោះទ្រង់នឹងឃើញឆ្អឹងទូលបង្គំនៅទីនេះជាមិនខាន”។
នោះជាគោលដៅនៅក្នុងចិត្តរបស់គាត់។នៅពេលដែលអ្នកទទួលមានគោលដៅបែបដូច្នេះនៅក្នុងចិត្តរបស់អ្នកព្រះទ្រង់នឹងបើកទ្វារស្ថានសួគ៌សំរាប់អ្នក។ហើយនឹងមានការអស្ចារ្យមួយកើតឡើង។អ្នកត្រូវមានលក្ខណៈយ៉ាងដូច្នេះជាមួយនឹងព្រះដោយមានគោលដៅមួយចំនួននៅក្នុងចិត្តនិងមានការដឹងគុណដើម្បីឲ្យទ្រង់មកសង្រ្គោះអ្នក។
17
នៅពេលដែលដានីញ៉ែលមានគោលដៅក្នុងចិត្តរបស់លោកទោះបីជាមានសេចក្តីអាក្រក់មកបញ្ឆោតគាត់ក៏ដោយគាត់នៅតែឈរយ៉ាងរឹងមាំនៅមុខសត្វតោដែលកំពុងតែស្រែកឃ្លា។បុរសម្នាក់នេះដែលតែងតែចូលទៅចំពោះព្រះហើយសេចក្តីជំនឿនៅយ៉ាងជ្រៅក្នុងចិត្តរបស់គាត់គាត់នៅតែឈរយ៉ាងរឹងមាំនៅមុខមាត់នៃសេចក្តីស្លាប់នៅក្នុងមាត់នៃការឈឺចាប់គឺគាត់នៅតែអាចឈរបានយ៉ាងមាំក្នុងជំនឿនៃជ័យជំនះ។អ្នករាល់គ្នានឹងមានជ័យជំនះដោយសារសេចក្តីជំនឿ។
លោកអ័ប្រាហាំជាបុរសម្នាក់ដែលគ្មានគោលដៅពិតប្រាកដនៅក្នុងជីវិតគាត់នឹងឪពុករបស់គាត់រួមទាំងម្តាយរបស់គាត់បានចេញពីបាប៊ីឡូនមកតាំងទីលំនៅនៅភ្នំស៊ឺណៃ។នៅពេលមួយដែលលោកអ័ប្រាហាំអធិស្ឋានដោយគ្មានសេចក្តីសង្ស័យហើយគាត់អធិស្ឋានរហូតដល់គាត់បានប៉ះព្រះហស្ថរបស់ព្រះ។តើគាត់ធ្វើការនេះដោយរបៀបណា?គឺដោយសេចក្តីជំនឿ។
ប្រហែលជាគាត់គិតដូច្នេះថា“បើសិនជាមានព្រះដែលបានបង្កើតទូកធំហើយធ្វើឲ្យលោកណូអេអណ្តែតឡើងជាមួយនឹងទូកនោះទ្រង់ក៏គង់នៅសព្វថ្ងៃនេះដែរ”។នៅក្នុងកន្លែងមួយរបស់ពួកសាសន៍ដទៃគាត់បានប៉ះពាល់ព្រះហស្ថរបស់ព្រះ។ហើយនៅទីនោះព្រះទ្រង់បានបើកសំដែងឲ្យគាត់បានដឹងថាមានទីក្រុងមួយដែលអ្នកបង្កើតវា គឺជាព្រះដែលមានព្រះជន្មរស់។
18
យើងឃើញថានៅក្នុងជីវិតរបស់លោកអ័ប្រាហាំ គាត់ជាអ្នកត្រាច់ចរ និងជាមនុស្សចំលែកពីព្រោះមហិច្ឆតារបស់គាត់គឺស្វែងរកទីក្រុងដែលព្រះជាអ្នកបង្កើត។គាត់បានរកឃើញអ្វីម្យ៉ាង។គាត់ចាប់បានព្រះហើយដោយសេចក្តីជំនឿរបស់គាត់លើទ្រង់គាត់បានរកឃើញទីក្រុងយេរ៉ូសាឡិមថ្មី។គាត់បានដាក់អ៊ីវ៉ាន់របស់គាត់នៅលើខ្នងនឹងចេញទៅធ្វើជាអ្នកត្រាច់ចរ មិនមែនអណ្តែតដែលគ្មានគោលដៅនោះឡើយតែគាត់មានជំនឿថានឹងមានទីក្រុងមួយដែលបង្កើតឡើងដោយព្រះហើយជាទីក្រុងដែលនៅអស់កល្បជានិច្ច។គាត់មានគោលដៅក្នុងជីវិតក្នុងការស្វែងរកទីក្រុងនោះ។
ហើយខ្ញុំនិយាយថាថ្ងៃមួយដែលនៅពេលដែលចំបាំងបានចប់គាត់នឹងបានជួបជាមួយនឹងស្តេចដែលគ្រង់រាជនៅទីក្រុងនោះ។ហើយទ្រង់នឹងតាំងសញ្ញាជាមួយនឹងគាត់ ដោយនំបុ័ងនិងស្រាទំពាំងបាយជូរ។
អូ!!! អ្នកមិនអាចមានគោលដៅណាមួយនៅក្នុងសេចក្តីសន្យារបស់ព្រះក្នុងចិត្តរបស់អ្នកដោយមិនបានស្វែងរកឲ្យឃើញពីការពិតនោះបានឡើយ។បើសិនជាព្រលឹងរបស់អ្នកត្រូវបានធ្វើទណ្ឌកម្មដោយសារតែអំពើបាបនិងសេចក្តីសង្ស័យហើយវាតែងតែឡើងចុះដូចទឹករលកឬធ្វើឲ្យអ្នកវង្វេងហើយមានសេចក្តីម្យ៉ាងដែលមកប្រាប់អ្នកថាអ្នកអាចឈ្នះវាបានហេតុអ្វីបានជាអ្នកនៅតែអណ្តែតពីវិហារមួយទៅវិហារមួយពីកន្លែងមួយទៅកន្លែងមួយយ៉ាងដូច្នេះ?នោះអ្នកត្រូវតែលុតជង្គង់ចុះរហូតដល់អ្នកស្វែងរកស្ថានសួគ៌ហើយត្រូវដើរឲ្យរួចចេញពីរនាំងទាំងនោះ។នោះអ្នករាល់គ្នានឹងមានគោលដៅយ៉ាងពិតប្រាកដនៅក្នុងជីវិត។អ្នកនឹងមានគោលដៅដែលជារបស់ពួកជំនុំ។អ្នកនឹងមានគោលដៅដែលត្រូវបានជ្រមុជ។អ្នកនឹងមានគោលដៅក្នុងអ្វីដែលអ្នកកំពុងស្វែងរក។
19
ព្រោះយើងដឹងថាព្រះទ្រង់ស្មោះត្រង់ព្រះទ្រង់ជាសេចក្តីពិតហើយទ្រង់មិនដែលកុហកឡើយ។បើទ្រង់ដាក់ក្នុងចិត្តអ័ប្រាហាំដោយព្រះសូរសៀងរបស់ទ្រង់ដោយព្រះបន្ទូលរបស់ទ្រង់នោះទ្រង់នឹងដាក់នៅក្នុងចិត្តរបស់យើងផងដែរនូវព្រះបន្ទូលដោយទីបន្ទាល់ដែលមកពីព្រះវិញ្ញាណបរិសុទ្ឋដោយទីសំគាល់និងការអស្ចារ្យព្រោះព្រះយេស៊ូវគ្រីស្ទទ្រង់មានព្រះជន្មរស់កាលពីម្សិលម៉ិញ ថ្ងៃនេះថ្ងៃស្អែក និងអស់កល្បតទៅផងដែរ។
បើសិនជាអ្នកមានសេចក្តីត្រូវការណាមួយដែលព្រះទ្រង់បានសន្យានៅក្នុងព្រះបន្ទូលរបស់ទ្រង់ពេលនេះទ្រង់គង់នៅទីនេះ ហើយទ្រង់នឹងបំពេលតំរូវការទាំងនោះ។គ្មានសេចក្តីត្រូវការណាមួយដែលមិនត្រូវបានបំពេញនោះឡើយ។វត្តមានរបស់ទ្រង់គង់នៅទីនេះ។ព្រះវិញ្ញាណទ្រង់គង់នៅជាមួយយើងពេលនេះ ព្រះហឬទ័យបានត្រៀមរួចជាស្រេចដើម្បីនឹងប្រទានមកអ្នកពីអ្វីដែលអ្នកស្វែងរក។ហេតុអ្វីបានជាអ្នករាល់គ្នានៅតែរងចាំទៀត?
20
នៅពេលដែលអ្នកចូលទៅកាន់ទ្រង់សូមកុំចូលដូចជាមនុស្សអណ្តែតឡើយ។ “ខ្ញុំនឹងចូលទៅដោយព្យាយាមហើយនឹងការសំរេចឡើង”។អ្នកនឹងមិនត្រូវទៅកន្លែងណាមួយឡើយហើយនៅពេលដែលអ្នកចូលទៅក្នុងចិត្តដែលកំណត់យ៉ាងដូច្នេះអ្នកនឹងដោះសោរនោះបាន។នៅពេលដែលអ្នកធុញថប់ជាមួយនឹងលោកីយជាមួយនឹងអំពើបាប ជាមួយនឹងការមិនជឿ ជាមួយនឹងសេចក្តីវង្វេងនិងការសង្ស័យ ហើយចូលទៅរកព្រះដែលមានព្រះជន្មរស់នៅវិញនោះព្រះវិញ្ញាណនៃទ្រង់នឹងទាញអ្នកចូលក្នុងវត្តមានរបស់ទ្រង់ហើយនឹងប្រទានឲ្យអ្នកនៅសេចក្តីជំនឿដែលនឹងឈ្នះអ្វីទាំងអស់ដែលនៅក្នុងលោកីយនេះដូចជាជំងឺ ឬសេចក្តីស្លាប់ជាដើម។
អ្នកនិយាយថា “លោកប្រាណហាំ លោកនិយាយពីសេចក្តីស្លាប់”។
នោះជាអ្វីដែលខ្ញុំចង់និយាយគឺសេចក្តីស្លាប់។
21
គឺដូចជាឡាសាដែលសាកសពរបស់គាត់ត្រូវបានគេយកទៅដាក់ក្នុងផ្នូរដែលស្អុយរលួយតែព្រះយេស៊ូវទ្រង់មានបន្ទូលទៅម៉ាថាថា“តើនាងយកសាកសពរបស់បុរសនោះទៅទុកនៅឯណា?ហើយបើសិនជានាងគ្មានសេចក្តីសង្ស័យនាងនឹងឃើញពីសិរីល្អរបស់ព្រះ”។
“តើខ្ញុំមិនបានប្រាប់អ្នកថាកុំឲ្យមានសេចក្តីសង្ស័យទេឬអី?”ទ្រង់មានបន្ទូលទៅកាន់យ៉ៃរ៉ុសនៅពេលនោះ។ “បើអ្នកមានជំនឿនោះនឹងឃើញសិរីល្អរបស់ផងព្រះ”។
ជំនឿឈ្នះនូវសេចក្តីស្លាប់។សេចក្តីជំនឿធ្វើឲ្យយើងមានជ័យជំនះលើសេចក្តីស្លាប់។សេចក្តីជំនឿមានជ័យជំនះលើអំពើបាប។សេចក្តីជំនឿមានជ័យជំនះលើជំងឺ។សេចក្តីជំនឿមានជ័យជំនះលើសេចក្តីទុក្ខព្រួយ។សេចក្តីជំនឿមានជ័យជំនះលើសេចក្តីវង្វេង។សេចក្តីជំនឿមានជ័យជំនះលើលោកីយនេះ។
22
អ្នកអាចនិយាយថា “លោកយ៉ូហាននៅពេលដែលគាត់សរសេរសេចក្តីនេះគាត់គ្មានបញ្ហាទេឬអី។គាត់មិនដែលទាក់ទងជាមួយមនុស្សទាំងនោះដូចជាខ្ញុំធ្វើទេឬអី?គាត់ប្រហែលជាមិនដែលឆ្លងកាត់សេចក្តីដូចដែលខ្ញុំឆ្លងកាត់ឡើយ”។នោះជាការត្រូវ។គាត់អាចនឹងមិនដែលទាក់ទងជាមួយនឹងអ្នកដែលអ្នករាល់គ្នាទាក់ទងនោះឡើយ។គាត់ប្រហែលជាមិនដែលឈ្នះសេចក្តីដូចអ្នករាល់គ្នាឈ្នះនោះឡើយប៉ុន្តែគាត់ក៏បានរាប់បញ្ចូលអស់ទៅហើយ។ដូចជាគាត់បានសរសេរ“ជំនឿគឺជាជ័យជំនះដែលឈ្នះរបស់នៅលោកីយនេះ”គឺគ្រប់សេចក្តីទាំងអស់។
តើនោះមានលក្ខណៈយ៉ាងដូចម្តេច?ត្រូវមានជំនឿក្នុងវា។ឈរនៅលើវា។នៅពេលដែលយើងមានព្រះបន្ទូលរបស់ព្រះនៅជាមួយនឹងយើងព្រះវិញ្ញាណបរិសុទ្ឋនឹងបើកសំដែងឲ្យយើងបានយល់ពីការរស់ពីសុគតរបស់ព្រះអម្ចាស់យេស៊ូវគ្រីស្ទនិងសេចក្តីសន្យាដែលបានចែងមកថា“រាល់អ្វីដែលអ្នករាល់គ្នាអធិស្ឋានដោយជំនឿ អ្នកនឹងបានវា”។ ដូច្នេះតើអ្នករាល់គ្នាត្រូវធ្វើយ៉ាងណាជាមួយនឹងការនេះ?មានសេចក្តីជំនឿ មិនមែនជាជំនឿដែលអណ្តែតលើទឹកឡើយហើយក៏មិនមែនជាជំនឿដែលធ្វើជាជឿដែរ តែជាជំនឿពិតប្រាកដ។
23
ជំនឿជាអ្នកឈ្នះជាអ្នកមានជ័យជំនះ។វាមិនមែនគ្រាន់តែជាអ្នកបង្កើតសន្តិភាពតែប៉ុណ្ណោះទេវាជាអ្នកឈ្នះ។ ជំនឿជាជ័យជំនះឈ្នះលោកីយ។តើជំនឿធ្វើការយ៉ាងម៉ិច?តើអ្វីជាសេចក្តីជំនឿ? តើអ្វីដែលវាត្រូវឈ្នះ? ពាក្យថា Conquer និងពាក្យ Victory គឺមានន័យដូចគ្នា។ ToConquer មានន័យថា “ធ្វើឲ្យនរណាមួយបរាជ័យ ឈ្នះបង្រាបអ្វីមួយ ដាក់ខ្នោះនរណាម្នាក់”។វាមានន័យថាអំពើបាបដែលបានគ្រប់គ្រងអ្នក ពេលនេះអ្នកជាអ្នកគ្រប់គ្រងវាវិញ។មានន័យថា អ្នកឈ្នះលើវា អ្នកបានវាយបំផ្លាញវា។ អ្នកធំជាងវា។ អូ!!ខ្ញុំមានអារម្មណ៍ថា នេះដូចជាបែបសាសនាអញ្ចឹង។
តើអ្វីជាអ្នកមានបាបឬអ្នកសង្រ្គោះដំបូង? អ្នកសង្រ្គោះ ពីព្រោះអ្នកសង្រ្គោះមានអំណាចជាងអំពើបាប។ តើអ្វីជាអ្នកព្យាបាល ឬអ្នកជំងឺ?វានឹងមិនអាចមានអ្នកព្យាបាលបានឡើយ បើសិនជាគ្មានអ្នកជំងឺ។អ្នកព្យាបាល តែងមានអំណាចលើជំងឺ។ ឯសេចក្តីជំនឿមានជ័យជំនះឈ្នះអស់ទាំងបណ្តាសាររបស់សេចក្តីអាក្រក់។សេចក្តីជំនឿគឺជាជ័យជំនះ។
24
តើមានជំនឿលើអ្វី?មិនមែនជាជំនឿលើព្រះវិហារ មិនមែនជាជំនឿលើនិកាយរបស់របស់អ្នកឬជំនឿលើមនុស្សណាម្នាក់ឡើយ ប៉ុន្តែជាជំនឿលើព្រះយេស៊ូវគ្រីស្ទដែលទ្រង់បានសន្យា។នោះជាជ័យជំនះ។ តើនោះជាអ្វី? នោះជាជ័យជំនះ។ អ្នកអាចនិយាយថា “ខ្ញុំជាមនុស្សពិការដៃ”។ប៉ុន្តែជំនឿជាជ័យជំនះ។“ខ្ញុំនៅតែមានជំងឺ”។ ប៉ុន្តែសេចក្តីជំនឿជាជ័យជំនះ។អូ!!វាឈ្នះលោកីយនេះ។ អ្នកអាចឡើងទៅឯព្រះបានដោយសារសេចក្តីអធិស្ឋានរហូតដល់អ្នកឃើញការជាច្រើនដែលចុះចាញ់នៅខាងក្រោមអ្នកហើយរហូតដល់គ្មានអ្វីមួយដែលអាចនឹងធ្វើឲ្យអ្នកឈឺចាប់បាន។នោះអ្នកជាអ្នកដែលមានជ័យជំនះ។
អ្នកធ្លាប់ជាអ្នកប្រមឹកឬជាទាសកររបស់ស្រាវីស្គី ពេលនេះអ្នកជាអ្នកគ្រប់គ្រងលើវាវិញ។ស្រាអាចធ្វើឲ្យអ្នកស្រវឹងជាមួយនឹងវា ហើយវាអាចជាម្ចាស់របស់យើងតែនៅពេលដែលយើងមានជំនឿ ជាជំនឿដែលពិត យើងនឹងទៅជាចៅហ្វាយរបស់វាវិញ។
អ្នកមិនអាចមិនអាចឈប់ជកថ្នាំបានឡើយហើយអ្នកតែងតែជក់វាជានិច្ចប៉ុន្តែនៅពេលដែលអ្នកមានជំនឿអ្នកនឹងឈ្នះវាអ្នកជាម្ចាស់លើវា។
25
មានស្រ្តីម្នាក់ដែលមានវត្តមាននៅទីនេះគាត់បានមកដល់អសនានេះជាច្រើនដងមកហើយ។គាត់ជាស្រ្តីដែលល្អម្នាក់ប៉ុន្តែគាត់បានជក់បារីជាយូរមកហើយហើយគាត់មិនអាចបញ្ឈប់វាបានឡើយ។គាត់បានមកដល់ខ្ញុំហើយខ្ញុំក៏អធិស្ឋានឲ្យគាត់ហើយខ្ញុំឃើញថាគាត់ហាក់ដូចជាមិនអាចនឹងឈ្នះវាបានឡើយ។ការមួយដែលខ្ញុំធ្វើ ខ្ញុំបានប្រាប់គាត់ថា “នឹងមានគ្រោះថា្នក់នៅតាមផ្លូវ”។
គាត់និយាយថា “លោកប្រាណហាំ ខ្ញុំបានយំខ្ញុំបានទទួចអង្វរ”។
អ្នករាល់គ្នាឃើញទេនោះជាបញ្ហាខាងឯអារម្មណ៍ដែលប្រឆាំងនឹងគាត់។នោះមិនមែនជាការល្អឡើយ។ខ្ញុំបានទៅក្បែរគាត់ហើយអធិស្ឋានជាមួយគាត់គាត់បានត្រលប់ទៅវិញក្រោយពីយើងបានអធិស្ឋានរួចហើយក្នុងរយៈពីរថ្ងៃបន្ទាប់មកខ្ញុំក៏បានជួបគាត់ម្តងទៀត។
ក្នុងយប់មួយគាត់មានជំងឺ ហើយបានទៅជួបជាមួយនឹងវេជ្ជបណ្ឌិតពេលនោះវេជ្ជបណ្ឌិតបានប្រាប់ថា គាត់មានជំងឺមហារីកដោយព្រោះការជក់បារីនោះ។ នាងឃើញខ្លួនឯងថាដូចជាមនុស្សស្លាប់ទៅហើយ។
26
សូមមើលពីបុរសម្នាក់ដែលលង់ទឹកគាត់នឹងផឹកទឹកយ៉ាងឆ្អែត។នៅពេលដែលអ្នកដើរចេញពីព្រះវិហារក្នុងរាត្រីនេះខ្ញុំដឹងថាអ្នកអាចចូលរួមជាមួយនឹងក្រុមមេតូឌីសឬបាបទីស្ទឬក៏អ្នកអាចអង្គុយនៅទីនេះ ហើយនិយាយ“នៅពេលនេះខ្ញុំនឹង...ខ្ញុំជាមនុស្សដែលល្អម្នាក់។គ្មានសេចក្តីកំហុសណាមួយនៅក្នុងខ្ញុំនោះឡើយ។”អ្នកអាចធ្វើអ្វីមួយបានសំរាប់ខ្ញុំខ្លួនឯង។ បាទ!!នោះជាការត្រឹមត្រូវ។ ប៉ុន្តែនៅពេលដែលអ្នកឃើញអំពើបាបរបស់អ្នកដូចដែលព្រះទ្រង់ឃើញ ហើយបើឃើញអ្នកអាចផ្លាស់ប្រែឬក៏ទុកឲ្យវាបំផ្លាញអ្នក គឺនឹងមានអ្វីមួយកើតឡើង។អ្នកនឹងជួបជាមួយនឹងវា។
ដើរចេញពីទីនេះដោយមានអ្វីម្យ៉ាងសំរាប់ការពារបេះដូងរបស់អ្នក វេជ្ជបណ្ឌិតនឹងនិយាយថា “នោះជំងឺបេះដូង”។អ្នកកំពុងតែមានបញ្ហា។ នោះជាអ្វីដែលស្រ្តីនោះបានជួប។ហើយពេលនេះមានស្រ្តីម្នាក់ដែលអង្គុយនៅទីនេះកំពុងតែមើលមកខ្ញុំ។
27
លោក Roberson អ្នកស្រី Wood នៅទីនេះហើយលោក Wood ក៏អង្គុយនៅកន្លែងណាមួយក្នុងទីនេះដែរ។ពេលមួយព្រះវិញ្ញាណបរិសុទ្ឋដូចជានាំយើងទៅដល់កន្លែងដែលស្រ្តីនៅ។នៅពេលដែលខ្ញុំទៅដល់ទីនោះគាត់មានសុបិន្តមួយហើយព្រះវិញ្ញាណបរិសុទ្ឋក៏មកគង់ក្នុងបន្ទប់ដែលនាងនៅនោះហើយនាងក៏ឈប់ជក់បារីនិងគ្មានសល់ដាននៃជំងឺមហារីកដែរពេលនេះគាត់កើនទំងន់រាប់ផោន។តើនេះជាអ្វី?នេះជាសេចក្តីជំនឿដែលមានជ័យជំនះលើវា។ប៉ុន្តែវេជ្ជបណ្ឌិតនិយាយថា“អ្នកមានជំងឺមហារីកអ្នកនឹងត្រូវស្លាប់”នាងមានភ័យព្រួយពីវា។នេះជាអ្វីដែលនាងបានជួប។
នៅពេលដែលអ្នកមានបញ្ហានេះហេតុអ្វីបានទុកឲ្យវានៅយូរដល់ម្លេះ?ហេតុអ្វីបានជាមិនព្រមចេញពីបញ្ហានេះទៅ?ដោយដាក់សេចក្តីជំនឿរបស់ទៅលើព្រះ។តើមានអ្វីកើតឡើងបើសិនជាស្រី្តនោះដាក់ជំនឿលើខ្ញុំ?គឺគាត់នឹងបរាជ័យព្រោះខ្ញុំជាមនុស្ស។ប៉ុន្តែនៅពេលគាត់ប្តូរជំនឿរបស់គាត់ចេញពីលោកប្រាណហាំឬនរណាម្នាក់ហើយដាក់ជំនឿលើព្រះយេស៊ូវគ្រីស្ទវិញនោះនាងមានជ័យជំនះ។នាងត្រូវបានលើកឡើងលើអស់ទាំងសេចក្តីភ័យខ្លាចការសង្ស័យហើយព្រះបានព្យាបាលនាង។នាងមានជ័យជំនះ។ជំនឿជាជ័យជំនះដ៏ពិត។
28
ខ្ញុំតែងតែឆ្ងល់ថា“តើអ្វីដែលគ្រីស្ទានចង់បានក្នុងជីវិតរបស់គេ?”មានបុរសនិងស្រ្តីជាច្រើនមកឯខ្ញុំខ្ញុំបានសួរពួកគេអំពីបញ្ហាផ្ទាល់ខ្លួនហើយបានឲ្យពួកលន់តួនូវរាល់អំពើបានរបស់គេហើយគេមិនអាចបដិសេធការអាក្រក់ដែលគេបានធ្វើនោះឡើយ។ព្រះវិញ្ញាណបរិសុទ្ឋទ្រង់គង់ជាមួយ។ហើយនៅពេលដែលសារភាពពីសេចក្តីទាំងនោះព្រះវិញ្ញាណបរិសុទ្ឋជួយពួកគេ។
ដូច្នេះនៅពេលដែលពួកគេមកដល់ខ្ញុំពួកគេតែងតែប្រាប់ពីអ្វីដែលជារបស់លោកីយនេះហើយខ្ញុំកត់សំគាល់ឃើញថាការនេះកើតឡើងចំពោះអ្នកដែលជឿ។អ្នកអាចនឹងទៅកន្លែងណាមួយ។តើអ្វីដែលអ្នកអណ្តែតទៅរក?សូមមានមហិច្ឆតាមួយចំនួនអំពីខ្លួនអ្នក។សូមដាក់ផែនការរបស់អ្នកទៅលើព្រះគ្រីស្ទហើយចាកចេញពីរបស់ដែលនៅលោកីយនេះ។
29
បើអ្នកយកទស្សនាវដ្តីមួយមកនឹងឃើញមានសរសេរថា“ការអស្ចារ្យទៅលើការព្យាបាលក្នុងពេលបច្ចុប្បន្នមិនមានជាការព្យាបាលដែលពិតប្រាកដឡើយ”។ការនោះនឹងធ្វើឲ្យមានសេចក្តីសង្ស័យនៅក្នុងគំនិតរបស់អ្នក។មានអ្នកបើវិទ្យុហើយនិយាយថាអូ!!នេះពិតជាសេចក្តីអធិប្បាយដ៏ល្អមែនប៉ុន្តែ“ការអស្ចារ្យមានកើតឡើងតែក្នុងសម័យដើមតែប៉ុណ្ណោះ”។អ្នកក៏យល់ស្របជាមួយនឹងគេ។សូមមើលសេចក្តីនេះកំពុងតែធ្វើឲ្យខ្សោយទៅ។សូមចេញពីវាហើយបែរទៅរកព្រះវិញ។ទោះបីជាអ្នកបានជួបវាហើយឬមិនទាន់បានជួបក៏ដោយ។បើសិនជាសេចក្តីនោះព្រះគម្ពីរមិនបានបង្រៀនសូមចេញឲ្យឆ្ងាយពីវា។បើបានបង្រៀនសូមនៅគៀកនឹងវាវិញ។
30
ឧទាហរណ៍ថាតើមានអ្វីកើតឡើងបើសិនជាយើងធ្វើដំណើរចេញទៅដល់កន្លែងមួយក្នុងរយៈពេល៣០ថ្ងៃ?ហើយទៅកន្លែងនោះអាកាសធាតុពិតជាល្អមែនរហូតដល់យើងមិនចង់មកវិញ។ហើយនៅទីនោះអ្នកនឹងមិនត្រូវស្លាប់ឬចាស់ឡើយតែយើងនៅដូច្នេះជារៀងរហូត។បើដូច្នេះតើខ្ញុំអាចនឹងឃើញអ្នកដើរចេញទៅហាងដើម្បីនឹងទិញរបស់របរជាច្រើនទៅជាមួយអ្នកទេ?អ្នកនឹងព្យាយាមយករបស់ដែលអ្នកមានទៅជាមួយ។ប៉ុន្តែនៅពេលដែលអ្នកគិតពីកន្លែងដែលអ្នកទៅ ហើយអ្នកមិនមានសេចក្តីសង្ស័យនោះជាសេចក្តីជំនឿរបស់អ្នក។
31
មានអ្នកមកសួរខ្ញុំថា
“តើលោកជាលោកគ្រូប្រាណហាំដែលអធិស្ឋានឲ្យអ្នកឈឺឬ?”
“បាទ!!មែនហើយ”
“អូ!!នោះផ្ទុយពីជំនឿរបស់ខ្ញុំ”
“នៅពេលដែលអ្នកគ្មានសេចក្តីជំនឿព្រះគម្ពីរនឹងបង្រៀនអ្នក”
ហើយពេលនេះមានមនុស្សជាច្រើននិយាយថា “បាទ!! ខ្ញុំមានសេចក្តីទាំងអស់ហើយ”។
“ដូច្នេះតើអ្នកធ្វើអ្វីនៅទីនេះ?”
អូ!!វាមិនដូច្នេះទេ។សេចក្តីជំនឿពិតប្រាកដគ្មានភាពបរាជ័យឡើយ។វាមិនត្រូវបានបរាជ័យឡើយ។សូម្បីតែសេចក្តីស្លាប់ក៏មិនអាចធ្វើឲ្យសេចក្តីជំនឿបរាជ័យដែរ។ការកាត់ទោសអាចមានភាពបរាជ័យតែសេចក្តីជំនឿគ្មានឡើយ។វាគ្មានភាពបរាជ័យនៅក្នុងសេចក្តីជំនឿហើយនេះជាវិធីតែមួយដែលគាប់ព្រះហឬទ័យដល់ព្រះ។ហេព្រឺ១១“តែបើគ្មានសេចក្តីជំនឿទេនោះមិនអាចនឹងគាប់ដល់ព្រះហឬទ័យព្រះបានឡើយ”។
32
នៅត្រង់ចំនុចនេះខ្ញុំអាចស្រមៃគិតពីអ្នករាល់គ្នាជាគ្រីស្ទានគ្រាមភាសាប្រើប្រាស់ពាក្យអាក្រក់។ខ្ញុំអាចស្រមៃគិតពីកន្លែងមួយនៅពេលដែលអ្នកដើរទៅដើម្បីនឹងរៀនគ្រាមភាសារបស់អាមេរិចដែលអ្នកលឺគេនិយាយ?ការមិនអ្នកមិនត្រូវធ្វើដូច្នេះឡើយ។ការមួយដែលអ្នករាល់គួរតែខំប្រឹងធ្វើគឺរៀនពាក្យមួយចំនួនដែលមាននៅក្នុងភាសារបស់អ្នក។ដូចជាពាក្យថា“ជំរាបសួរជាដើម”។ខ្ញុំគិតថាអាចជាគ្រីស្ទានដែលត្រឹមត្រូវបើសិនជាអ្នកខំប្រឹងរៀនភាសារបស់សា្ថនសួគ៌ជាពាក្យដំកើងដល់ព្រះដែលនាំអ្នករាល់មានអំនរ។សូមឲ្យមានសេចក្តីជំនឿពីព្រោះវាជាជ័យជំនះរបស់អ្នក។
អ្នកនិយាយថា“តើលោកធ្វើវាយ៉ាងណាលោកប្រាណហាំ?”
ហេតុអ្វីបានជាសួរដូច្នេះ?វាពិតជាសាមញ្ញណាស់។ក្នុងកម្មវិធីអ្នកមិនដឹងថានឹងត្រូវចុះចូលនឹងអ្នកផ្សេងទៀតយ៉ាងណានោះទេ។នៅក្នុងអគារនេះខ្ញុំមិនស្គាល់មនុស្សច្រើនឡើយ។ហើយពេលខ្លះក្នុងការប្រជុំខ្ញុំមិនបានស្គាល់មនុស្សសូម្បីតែម្នាក់ហើយយើងប្រើប្រាស់ភាសាខុសគ្នាទៀត។ប៉ុន្តែតើខ្ញុំអាចចុះចូលបានដោយរបៀបណា?គឺខ្ញុំចុះចូល។ដោយគ្រាន់តែថ្វាយខ្លួនរបស់អ្នកឲ្យព្រះវិញ្ញាណបរិសុទ្ឋដឹកនាំ។ពេលនោះមិនមែនជាអ្នកទៀតទេហើយអ្នកក៏មិនបានដឹងពីអ្វីដែលអ្នកត្រូវនិយាយនោះដែរ។សូមឲ្យព្រះវិញ្ញាណបរិសុទ្ឋជាអ្នកមានបន្ទូលវិញ។ពិតជាសាមញ្ញណាស់។
33
មនុស្សជាច្រើនមានជំនឿលើគ្រូពេទ្យ។ហើយនៅពេលដែលមានបញ្ហាសុខភាពណាមួយកើតឡើងអ្នកតែងតែទៅស្វែងរកគ្រូពេទ្យដែលអ្នកជឿនោះ។នោះជាអ្វីដែលអ្នកគួរធ្វើ។នោះជាការល្អ។ហើយអ្នកដាក់បញ្ហារបស់អ្នកទៅឲ្យគ្រូពេទ្យនោះ។បើសិនជាគ្រូពេទ្យប្រាប់ថាអ្នកគួរតែទៅសំរាកនៅមន្ទីរពេទ្យនោះប្រាកដជាអ្នកត្រលប់មកផ្ទះវិញយ៉ាងប្រញាប់ហើយប្រមូលសំលៀកបំពាក់យកទៅសំរាកនៅមន្ទីរពេទ្យជាមិនខាន។នេះបង្ហាញថាអ្នកមានជំនឿលើគ្រូពេទ្យ។ឬម្យ៉ាងទៀតគាត់មិនប្រាប់ឲ្យអ្នកទៅសំរាកនៅមន្ទីរពេទ្យទេតែគាត់បានចេញវេជ្ជបញ្ជាមួយមកដើម្បីឲ្យទៅទិញថ្នាំនោះអ្នកនឹងលេបថ្នាំនោះ ដោយមិនបានដឹងថាតើមានអ្វីនៅក្នុងគ្រាប់ថ្នាំនោះឡើយប៉ុន្តែអ្នកមានជំនឿលើគ្រូពេទ្យដែលបានប្រាប់អ្នក។
34
ចុះចំពោះព្រះវិញ?តើអ្នកខ្លាចនឹងលេបថ្នាំដែលទ្រង់បានឲ្យអ្នកឬយ៉ាងណា? “តាមរយៈថ្នាំនោះអ្នកនឹងបានជា។សេចក្តីជំនឿគឺជាជ័យជំនះដែលធ្វើឲ្យអ្នកឈ្នះលោកីយនេះ”។ សូមអ្នកលេបវាហើយមើលតើមានអ្វីកើតឡើង។ វាជាទំនុកចិត្ត ដែលអ្នកត្រូវបង្ហាញចំពោះវេជ្ជបណ្ឌិតរបស់អ្នកក្នុងលេបថ្នាំនោះ ទោះបីជាអ្នកមិនបានដឹងថាតើមានអ្វីនៅក្នុងនោះក៏ដោយ។អ្នកបង្ហាញនូវទំនុកចិត្តរបស់អ្នកលើវេជ្ជបណ្ឌិតរបស់អ្នកតាមរយៈការចុះចូលរបស់អ្នក។នោះជាការបង្ហាញពីទំនុកចិត្តរបស់អ្នកលើគ្រូពេទ្យ។ប៉ុន្តែនៅពេលដែលអ្នកចូលទៅកាន់ព្រះគ្រីស្ទអ្នកមិនត្រូវខ្លាចក្នុងការទទួលយកព្រះបន្ទូលរបស់ទ្រង់ឡើយ។តើដោយរបៀបណា?ជំនឿជាជ័យជំនះ។
អ្នកអាចដាក់បញ្ហារបស់អ្នកលើព្រះយេស៊ូវគ្រីស្ទក្នុងរាត្រីនេះគឺដូចដែលអ្នកដាក់ជំងឺរបស់អ្នកឲ្យគ្រូពេទ្យពិនិត្យដែរ។ប្រទានអ្វីដែលទូលបង្គំត្រូវការឱ!ព្រះអង្គអើយទ្រង់ជាវេជ្ជបណ្ឌិតក្នុងបញ្ហារបស់ទ្រង់។នោះអ្នកនឹងមានជ័យជំនះដោយសារសេចក្តីជំនឿរបស់អ្នក។អ្នកមិនចាំបាច់ត្រូវការការអធិស្ឋានណាអ្នកមិនចាំបាច់ត្រូវការអ្វីមួយគឺអ្នកនៅទីនោះរួចទៅហើយព្រោះសេចក្តីជំនឿបានដាក់អ្នកនៅទីនោះ។អ្នកនឹងមានជ័យជំនះនៅពេលដែលអ្នកមានសេចក្តីជំនឿ។
35
ខ្ញុំចង់ប្រាប់អ្នករាល់គ្នាក្នុងរាត្រីនេះនៅទីនេះ ក្នុងការប្រជុំនេះ ក្នុងប្រទេសអាមេរិចនេះ ខ្ញុំបា្រប់អ្នករាល់គ្នាថាយើងត្រូវការយើងត្រូវការអនុញ្ញាតិព្រះយេស៊ូវដែលជាវេជ្ជបណ្ឌិតឲ្យទ្រង់យាងមកដើម្បីនឹងពិនិត្យសេចក្តីជំនឿរបស់យើង។គ្រូពេទ្យប្រាប់អ្នកថាអ្នកមានជំងឺខ្នែងពោះវៀន“វាមានជាតិពុលដែលត្រូវតែយកចេញមកក្រៅ។អ្នកមានបញ្ហានេះបញ្ហានោះដែលត្រូវយកចេញមកក្រៅ”។ដូច្នេះគ្រូពេទ្យនឹងឲ្យអ្នកសំរាកដើម្បីនឹងធ្វើប្រតិបត្តិការរបស់គាត់តើអញ្ចឹងឬ?តើអ្វីដែលជាបញ្ហានៃជំនឿរបស់អ្នកក្នុងរាត្រីនេះ?តើយើងខ្លាចក្នុងការអនុញ្ញាតិឲ្យព្រះវះកាត់យើងដោយព្រះបន្ទូលរបស់ទ្រង់ដែលជាកាំបិតដែលមុតជាងដាវមុខពីរឬយ៉ាងណា?ឬខ្លាចដែលព្រះបន្ទូលរបស់ទ្រង់ប្រាប់យើងពីការរាំហ្វង់ដង់ហ្គោការបោកបញ្ឆោតជាការខុសឬយ៉ាងណា?ឬខ្លាចដែលយើងត្រូវចេញពីម្លប់ទាំងអស់ដែលនៅមាត់ច្រាំងហើយចែវទៅរកសេចក្តីសន្យាដ៏នៅអស់កល្បជានិច្ចរបស់ទ្រង់ឬ?អូ!!បើសិនជាអ្នកអនុញ្ញាតិព្រះគ្រីស្ទទ្រង់នឹងចាប់ផ្តើមធ្វើការងាររបស់ទ្រង់ក្នុងជំនឿរបស់យើងភ្លាមទ្រង់នឹងដកចេញអស់ទាំងសេចក្តីសង្ស័យភាពភ័យខ្លាចសេចក្តីទុក្ខព្រួយហើយរាល់ទាំងអំពើបាបនិងសេចក្តីអាក្រក់ផ្សេងៗទៀតចេញពីយើងជាមិនខាន។នោះសេចក្តីជំនឿរបស់យើងនឹងត្រូវបានពិនិត្យយ៉ាងច្បាស់លាស់ហើយយើងនឹងទៅជាមនុស្សថ្មីមួយ។យើងនឹងខុសពីមុន។
36
តើអ្នកនឹងទុកចិត្តព្រះយេស៊ូវគ្រីស្ទការប្រត្តិការរបស់ទ្រង់ទេ?តើអ្នកជឿទុកចិត្តទ្រង់ទេ?តើអ្នកអាចនិយាយថា“ព្រះអង្គម្ចាស់អើយសូមទ្រង់មានបន្ទូលមកកាន់”បានដែរឬទេ?ដូចដែលពួកសិស្សរបស់ទ្រង់និយាយនៅក្នុងម៉ាកុស៥ថា“យើងបាននេសាទពេញមួយយប់ តែចាប់គ្មានបានត្រីមួយសោះ។តែពេលនេះខ្ញុំនឹងទំលាក់អួនចុះទៅក្នុងទឹកតាមដែលទ្រង់មានបន្ទូលចុះ។”លោកពេត្រុសនិយាយថា“ព្រះអង្គអើយទូលបង្គំជាអ្នកនេសាទទូលបង្គំស្គាល់សញ្ញានៃព្រះអាទិត្យ។ទូលបង្គំដឹងថាពេលណាមានត្រីហើយពេលណាគ្មាន។តែទូលបង្គំបាននេសាទពេញមួយយប់ទៅហើយតែគ្មានសោះឡើយ។ទូលបង្គំមានអ្នកជំនាញជាបណ្ឌិតខាងនេសាទត្រីនៅជាមួយតែគ្មានត្រីក្នុងទីនេះទេ។ប៉ុន្តែដោយទ្រង់មានបន្ទូលទូលបង្គំសូមទំលាក់សំណាញ់ចូលទៅក្នុងទឹកនេះចុះ។”នៅពេលនោះយើងឃើញថាមានត្រីជាច្រើនរហូតដល់សំណាញ់ជិតនឹងធ្លាយ។ហេតុអ្វី?ជំនឿជាជ័យជំនះ។យើងមើលទៅហាក់ដូចជាគ្មានត្រីណាមួយនៅក្នុងទឹកឡើយប៉ុន្តែនៅពេលព្រះទ្រង់សន្យាត្រីក៏កើតមានឡើងហើយជាប់ពេញក្នុងអួននោះ។
37
វាហាក់ដូចជាគ្មានឱកាសសំរាប់អ្នកទៀតទេដែលត្រូវមានជីវិតរស់នៅបន្តអ្នកអាចនឹងត្រូវស្លាប់ដោយសារជំងឺមហារីកអ្នកអាចនឹងត្រូវពិការហើយត្រូវជិះលើកៅអ៊ីជានិច្ចអ្នកអាចនឹងត្រូវខ្វាក់ភ្នែកទាំងស្រុង។ខ្ញុំមិនបានដឹងថាអ្នករាល់គ្នាមានបញ្ហាអ្វីខ្លះទេប៉ុន្តែនៅពេលដែលអ្នកធ្វើតាមបញ្ជារបស់ម្ចាស់នៃរបស់ទាំងអស់“ការណាដែលមាននៅក្នុងចិត្តរបស់អ្នកនៅពេលដែលអ្នកអធិស្ឋានហើយជឿថានឹងបាននោះអ្នកនឹងបានមែន”។ហើយត្រូវដឹងថា ជំនឿនោះមានអំណាចឈ្នះអស់ទាំងភាពលំបាកទាំងអស់ដែលមាន។អ្នកអាចនឹងរែកពន់យ៉ាងធ្ងន់ធ្ងរជាមួយនឹងអំពើបាបរបស់អ្នករាល់គ្នារហូតដល់ព្រលឹងរបស់អ្នកប្រលាក់ជាប់នឹងការនោះ។អ្នកអាចនឹងព្យាយាមចេញឆ្ងាយពីការនេះប៉ុន្តែនៅពេលដែលអ្នកអនុញ្ញាតិឲ្យព្រះយេស៊ូវគ្រីស្ទទ្រង់ចូលក្នុងអ្នកក្នុងរាត្រីនេះទ្រង់ធ្វើការក្នុងសេចក្តីជំនឿរបស់អ្នកហើយនឹងផ្តល់ឲ្យអ្នកនូវជំនឿដែលឈ្នះលើអ្វីទាំងអស់របស់លោកីយនេះ។ហេតុអ្វី?ពីជំនឿជាជ័យជំនះដែលមានអំណាចឈ្នះលោកីយនេះ។
38
តើអ្នករាល់គ្នានៅមានសេចក្តីសង្ស័យដល់ណាទៀតនៅពេលដែលព្រះយេស៊ូវគ្រីស្ទព្រះរាជបុត្រានៃព្រះដ៏មានព្រះជន្មរស់មានព្រះវត្តមាននៅទីនេះព្រះវិញ្ញាណទ្រង់នៅក្នុងអគារនេះ?ព្រះបន្ទូលសន្យាថា“អញនៅជាមួយនឹងឯងរាល់គ្នាជាដរាបទោះបីជាផែនដីនេះកន្លងបាត់ទៅក៏ដោយ”។នេះជាព្រះបន្ទូលសន្យារបស់ទ្រង់។ព្រះទ្រង់បានទុកព្រះបន្ទូលរបស់ទ្រង់។តើអ្នករាល់គ្នាជឿលើព្រះបន្ទូលរបស់ទ្រង់ទេ?នៅពេលដែលទ្រង់សន្យាទ្រង់ធ្វើការនោះជានិច្ច។ខ្ញុំចង់ឲ្យអ្នករាល់គិតត្រង់ចំនុចនេះ។បើសិនជាអ្នកមានបាបឬមានបានធ្វើសេចក្តីអាក្រក់ណាមួយក្នុងជីវិតរបស់អ្នកពេលនេះខ្ញុំចង់ឲ្យអ្នកគិតពីសេចក្តីទាំងនោះនៅពេលដែលយើងឱនក្បាលចុះដើម្បីអធិស្ឋាន។
39
មុនពេលដែលយើងអធិស្ឋានខ្ញុំចង់សួរសំនួរមួយដល់អ្នករាល់គ្នា។ខ្ញុំចង់ដឹងថាតើមានអ្នកណាម្នាក់នៅក្នុងអគារនេះអាចលើកដៃហើយនិយាយថា“ព្រះអម្ចាស់អើយទូលបង្គំមិនអាចនឹងឈ្នះវាបានឡើយ។វាហាក់ដូចជាទូលបង្គំដឹងថាទូលមិនអាចនឹងធ្វើការនោះបានទូលបង្គំដឹងថាទូលបង្គំមិនអាចធ្វើបានឡើយប៉ុន្តែពេលនេះទូលបង្គំចង់ឲ្យទ្រង់ធ្វើការក្នុងទូលបង្គំវិញ។ទូលបង្គំចង់ឲ្យទ្រង់ពិនិត្យមើលទូលបង្គំនូវរាល់ទាំងជំងឺនៃជំនឿរបស់ទូលបង្គំដែលធ្វើឲ្យទូលបង្គំមិនអាចឈ្នះការទាំងអស់នោះបាន”។
សូមលើកដៃរបស់អ្នករាល់គ្នាទៅកាន់ទ្រង់។ព្រះប្រទានពរដល់អ្នក។សូមលើកដៃឡើង។សូមយើង“ចេញពីអំពើបាបរបស់យើងនិងផ្លូវរបស់យើងដែលមាននៅមុខយើងហើយសំលឹងមើលទៅអ្នកនិពន្ឋនិងអ្នកនេសាទរបស់យើងដោយជំនឿគឺព្រះអម្ចាស់ព្រះយេស៊ូវគ្រីស្ទ។”
តើមានបងប្អូនប៉ុន្មានអ្នកដែលនៅទីនេះដែលមានជំងឺនិងសេចក្តីត្រូវការសូមលើកដៃឡើងហើយទូលទៅកាន់ព្រះអង្គថា“ព្រះអង្គម្ចាស់អើយសូមមើលជំនឿរបស់កូន?ដែលកូនត្រូវការក្នុងរាត្រីនេះ។”សូមព្រះប្រទានពរដល់បងប្អូនទាំងអស់គ្នា។ជំនឿជាជ័យជំនះ។តើអ្នកទទួលបានជំនឿដោយរបៀបណា?“ជំនឿបានមកដោយលឺហើយលឺព្រះបន្ទូលរបស់ព្រះ”។បើបងប្អូនណាមានសេចក្តីត្រូវការក្នុងសេចក្តីជំនឿខ្ញុំមិនអាចនឹងហៅបងប្អូនមកឈរនៅក្បែរអសនាបានទេក្នុងពេលនេះពីព្រោះមានមនុស្សច្រើនពេកក្នុងបន្ទប់នេះរួមទាំងមនុស្សដែលឈរនៅខាងក្រៅផងដែរ។ខ្ញុំនឹងអធិស្ឋានឲ្យបងប្អូនទាំងអស់គ្នាក្នុងពេលនេះហើយសូមអ្នករាល់គ្នាដាក់ខ្លួនទៅចំពោះទ្រង់ក្នុងពេលដែលយើងកំពុងអធិស្ឋាននេះ។
40
ព្រះអម្ចាស់អើយទូលបង្គំអធិស្ឋានសូមសេចក្តីមេត្តាករុណារបស់ទ្រង់មកលើមនុស្សដែលមានជំងឺខាងឯព្រលឹងទាំងនេះដែលគេជឿថាទ្រង់ជាអ្នកដែលគេត្រូវស្វែងរក។ព្រះអង្គអើយទូលបង្គំអធិស្ឋានសូមសេចក្តីមេត្តារបស់ទ្រង់មកលើពួកគេហើយអស់អ្នកណាដែលមានជំងឺមហារីកខាងសេចក្តីសង្ស័យមហារីកខាងឯអារម្មណ៍ការមិនជឿសូមទ្រង់ដកចេញពីពួកគេក្នុងពេលនេះផងដែរហើយបំពេញគេដោយព្រះវិញ្ញាណបរិសុទ្ឋរបស់ទ្រង់វេញ។សូមទ្រង់បំពេញព្រលឹងរបស់ពួកគេដោយសេចក្តីល្អរបស់ទ្រង់។សូមទ្រង់ជ្រមុជពួកគេដោយអំណាចរបស់ទ្រង់ហើយឲ្យគេលើកដៃឡើងសារភាពពីសេចក្តីជំនឿរបស់គេ។ ទូលបង្គំទូលទ្រង់ ឱព្រះដ៏មានពេលដោយព្រះគុណសូមទ្រង់ធ្វើការនេះក្នុងពួកគេផង។ពីព្រោះពួកគេបានផ្លាស់ប្តូរចិត្តរបស់គេដែលធ្លាប់បានអណ្តែតនៅជុំវិញសមុទ្រហើយចង់បែរទៅរកទ្រង់វិញសូមទ្រង់ផ្តល់ការកើតជាថ្មីដល់ពួកគេក្នុងព្រះអម្ចាស់ព្រះយេស៊ូវគ្រីស្ទហើយប្រទានអំណាចឲ្យគេជាមួយនឹងព្រះវិញ្ញាណបរិសុទ្ឋរបស់ទ្រង់ផងដែរ។សូមទ្រង់គ្រប់គ្រងគំនិតរបស់គេ។ព្រះវរបិតាអើយទូលបង្គំអធិស្ឋានទៅកាន់ទ្រង់ដោយបន្ទាបខ្លួនក្នុងព្រះនាមព្រះយេស៊ូវគ្រីស្ទជាព្រះរាជបុត្រារបស់ទ្រង់។
ព្រះអង្គអើយមានដៃជាច្រើនបានលើកឡើង។ពួកគេទទួលស្គាល់ថា ពួកគេបានចេញពីកន្លែងមួយទៅកាន់កន្លែងមួយទៀត។ពួកគេបានធ្វើដំណើររាប់Milesឆ្លងពីទីក្រុងមួយទៅទីក្រុងមួយដើម្បីអធិស្ឋានឲ្យមនុស្សម្នាក់ដែលឈឺ។ហើយពួកគេបានមកដល់ទីនេះក្នុងរយៈចំងាយផ្លូវយ៉ាងឆ្ងាយទូលបង្គំពិតជាកោតសរសើរពួកគេជាខ្លាំងព្រះអង្គអើយ។បើសិនជាពួកគេមិនជឿទូលបង្គំដែលជាបំរើទ្រង់ពួកគេនឹងមិនមកទេ។ទូលបង្គំអរព្រះគុណទ្រង់ដែលទ្រង់អនុញ្ញាតិឲ្យពួកគេមានសេចក្តីជំនឿលើការអធិស្ឋានរបស់ទូលបង្គំ។
41
ព្រះអង្គអើយទូលបង្គំពិតអធិស្ឋានដោយស្មោះត្រង់សំរាប់ពួកគេម្នាក់ៗថាទ្រង់ជាព្រះដ៏អស្ចារ្យដែលគង់នៅស្ថានសួគ៌នឹងដាក់ព្រះវិញ្ញាណបរិសុទ្ឋរបស់ទ្រង់ក្នុងជីវិតរបស់ពួកគេហើយបំផ្លាញអស់ទាំងចិត្តមិនជឿទាំងអស់របស់ពួកគេ។សូមឲ្យពួកគេបានដឹងថាជំនឿជាជ័យជំនះមិនមែនមនុស្សនៅផែនដីមិនមែនព្រះវិហារមិនការធិស្ឋានរបស់មនុស្សណាម្នាក់ ដែលជួយគេឡើយតែជាជំនឿដែលនាំឲ្យគេមានជ័យជំនះ។
ទូលបង្គំរាល់គ្នាបានដឹងអំពីព្រះរាជបុត្រារបស់ទ្រង់ជាព្រះអង្គសង្រ្គោះដែលទ្រង់បានយាងទៅដល់ស្រុកកំនើតរបស់ទ្រង់ហើយមហាជនដែលនៅទីនោះនិយាយថា “តើអ្នកនេះជានរណា? មិនមែនជាកូនជាងឈើដែលយើងបានស្គាល់ទេឬអី?តើម្តាយរបស់គាត់ឈ្មោះម៉ារា ហើយបងប្អូនគាត់ គឺយូដាស និងយូសេទេឬអី?ពួកគេប្រមាថទ្រង់។ទ្រង់បានបើកសំដែងពីចិត្តដែលមិនជឿរបស់ពួកគេហើយគ្មានការអស្ចារ្យណាមួយកើតឡើងនោះទេ។
42
យើងដឹងថាមិនថាមានមនុស្សអស្ចារ្យណាឈរជាមួយយើងនោះចំពោះទ្រង់ឡើយតែជំនឿរបស់ផ្ទាល់គឺជាជ័យជំនះ។ទូលបង្គំអធិស្ឋានក្នុងពេលនេះព្រះអង្គអើយថាទ្រង់នឹងឲ្យពួកគេចេញពីការរបស់ពួកគេហើយទ្រង់នឹងបង្ហាញពីព្រះអង្គទ្រង់ដល់ពួកគេក្នុងរាត្រីនេះដែលមានសេចក្តីជំនឿឈរនៅកណ្តាលគោលការណ៍ទាំងអស់នៃការរបស់ឡើងវិញរបស់ព្រះអង្គ។ទ្រង់មិនបានសុគ្គតឡើយតែទ្រង់មានព្រះជន្មគង់នៅអស់កល្បតទៅ។ទ្រង់បានសន្យាថា“អញនឹងគង់នៅជាមួយនឹងឯងរាល់គ្នាជានិច្ចទោះបីជាផែនដីកន្លងបាត់ទៅក៏ដោយ។”ហើយទូលបង្គំរាល់គ្នាជឿថាព្រះទ្រង់គង់នៅទីនេះ។ទូលបង្គំអធិស្ឋានព្រះអម្ចាស់អើយសូមទ្រង់សំដែងអង្គទ្រង់ក្នុងពេលនេះសូមព្រះវិញ្ញាណទ្រង់ប៉ះពាល់ចិត្តរបស់ពួកគេម្នាក់ៗហើយធ្វើការក្នុងជំនឿរបស់គេដើម្បីឲ្យគេបានឈ្នះរាល់ទាំងជំងឺសេចក្តីទុក្ខព្រួយហើយឲ្យគេចេញពីទីនោះដោយទៅរកជំនឿក្នុងទ្រង់វិញ។នោះជាជ័យជំនះ។ជាជ័យជំនះដែលឈ្នះលើលោកីយនេះ។ទូលបង្គំអធិស្ឋានក្នុងព្រះនាមព្រះនាមទ្រង់ដែលមានពេញដោយសិរីល្អ។អាម៉ែន។
43
ខ្ញុំដឹងថាហាក់ដូចជាពិបាកបន្តិចដែលឲ្យអ្នករាល់គ្នាអធិស្ឋានជាជួរៗពីព្រោះមានមនុស្សច្រើនពេកក្បែរទ្វារក៏ដូចជាបង្អួចដែរ។តែខ្ញុំនឹងព្យាយាមបើអ្នកចង់ឲ្យខ្ញុំអធិស្ឋានឲ្យ។ខ្ញុំនឹងអធិស្ឋានម្តងមួយៗសំរាប់អ្នករាល់គ្នាបន្ទាប់ពីខ្ញុំអធិប្បាយហើយ។
ខ្ញុំជឿថាបើសិនជាអ្នករាល់គ្នាមានជំនឿ ជាជំនឿបែបមនុស្សហើយពេលនេះអ្នកដាក់ជំនឿនេះទៅក្នុងព្រះហស្ថព្រះអង្គ ហើយនិយាយថា “ព្រះអង្គអើយទូលបង្គំយកជំនឿបន្តិចបន្តួចដែលទូលបង្គំមានប្រគល់ឲ្យទ្រង់សូមទ្រង់ទទួលយកហើយដាក់ជំនឿរបស់ទ្រង់មកក្នុងទូលបង្គំវិញ”។ខ្ញុំជឿថាទ្រង់នឹងព្យាបាលអ្នករាល់គ្នា។ខ្ញុំនឹងអធិស្ឋានឲ្យអ្នករាល់គ្នាពីលើវេទិការនេះដោយអ្នករាល់មិនបាច់ឡើងមកទីនេះក៏បានដែរ។
តើអ្នករាល់គ្នាជឿការនេះទេ?ប៉ុន្តែបើសិនជាអ្នកណាមានប័ណ្ណនៃសេចក្តីអធិស្ឋានសូមកាន់វាយើងនឹងប្រើវានៅពេលបន្តិចទៀតនេះ។
44
មានការមួយមកដល់ក្នុងគំនិតរបស់ខ្ញុំ។ខ្ញុំចាំថាលោកBilly Paul បានប្រាប់ខ្ញុំប៉ុន្មាននាទីមុននេះថាគាត់នឹងឲ្យប័ណ្ណអធិស្ឋានមួយចំនួនមកខ្ញុំក្នុងយប់នេះ។ពីព្រោះកាលពីយប់ម៉ិញគាត់បានចែកប័ណ្ណនោះជាច្រើនហើយគាត់និយាយថា“លោកប៉ានៅទីនេះមានមនុស្សជាច្រើនត្រូវការប័ណ្ណនោះខ្ញុំបានឲ្យពួកគេជាច្រើន”។
ខ្ញុំបា្រប់គាត់“ពិតជាល្អណាស់”
គាត់ថា“ប៉ុន្តែតើលោកប៉ានឹងធ្វើយ៉ាងណាជាមួយនឹងកាតទាំងនោះ?”
នៅទីនេះមានមនុស្សច្រើនដែលអង្គុយនៅជុំវិញដូច្នេះពិតជាពិបាកក្នុងការហៅកាតទាំងអស់នោះ។តើអ្នករាល់គ្នាគិតថាមួយណាល្អជាងដែលអ្នករាល់គ្នាមកឈរនៅទីនេះឬនៅកន្លែងដែលអ្នករាល់គ្នាអង្គុយ?ប៉ុន្តែអ្នករាល់គ្នាត្រូវមានជំនឿក្នុងការធ្វើការនោះ។ត្រូវការទាំងជំនឿរបស់អ្នករាល់ហើយជំនឿរបស់ខ្ញុំដែរនិងជំនឿរបស់ព្រះលាយជាមួយគ្នា។ជំនឿរបស់ខ្ញុំហើយជំនឿរបស់អ្នករាល់គ្នានឹងត្រូវស្រពោនទៅតែជំនឿរបស់ព្រះមិននោះឡើយហើយនឹងមានការអស្ចារ្យកើតឡើងទៀតផង។
45
ខ្ញុំចង់សួរអ្នករាល់ពីការនេះ“តើអ្នកជឿថាការនេះជាព្រះបន្ទូលរបស់ព្រះឬទេ?”បើជាព្រះបន្ទូលរបស់ព្រះនោះមិនមែនជាការកុហកទេ។វាជាសេចក្តីពិត។បើព្រះបន្ទូលទ្រង់ជាសេចក្តីពិតទ្រង់នឹងបំពេញនូវរាល់អ្វីដែលទ្រង់មានបន្ទូល។ទ្រង់មានកាតព្វកិច្ចក្នុងការរក្សាព្រះបន្ទូលរបស់ទ្រង់។
បើសិនជាអ្នកជំងឺហើយត្រូវស្លាប់ដោយសាររោគកោសិការសឬជំងឺមហារីកឬមានជំងឺរបេងហើយបានមកទីនេះអញ្ចើញមនុស្សទាំងអស់នៅក្នុងបន្ទប់នេះអធិស្ឋានតែអ្នកនោះគ្មានជំនឿនោះនៅតែមិនជឿដដែល។ប៉ុន្តែបើសិនជានរណាម្នាក់ត្រូវបានព្យាបាលហើយអ្នកឃើញថាគេជាដោយសារព្រះចេស្តារបស់ព្រះនោះដោយព្រោះគេមានជំនឿព្រោះដោយសារជំនឿធ្វើឲ្យគេជា។
46
នៅរដ្ឋDurbanប្រទេសអាព្រិចខាងត្បូងនៅពេលខ្ញុំកំពុងតែអធិស្ឋានមានគេយកមនុស្សមកលើវេទិការ។អ្នករាល់គ្នាក៏ដឹងពីរឿងនេះដែរពីព្រោះខ្ញុំបានប្រាប់ជាច្រើនដងណាស់មកហើយ។ស្រី្តម្នាក់នោះបានជាហើយគេបានយកមនុស្សជាច្រើនមកពីគ្រប់កុលសម្ព័ន្ឋដែលមានប្រហែលជា២០ឬច្រើន២០កុលសម្ព័ន្ឋផងដែរ។
ប៉ុន្តែមានគេនិយាយថា“នៅក្នុងខ្ទមដែលអ្នករស់នៅមានរូបភាពមួយរបស់ព្រះអម្ចាស់ ដែលព្យួរនៅលើជញ្ជាំង”។ឪពុកម្តាយរបស់គាត់បានលើកឡើងនូវទីបន្ទាល់ដ៏អស្ចារ្យនេះ។
“នៅទីនេះមានបងប្អូនយើងម្នាក់ដែលគាត់ឈឺជើងហើយមិនអាចដើរបានទេ បើសិនជាគ្មានឈើច្រត់គាត់ក៏មានវត្តមាននៅក្នុងបន្ទប់នេះដែរ។ប៉ុន្តែសេចក្តីជំនឿរបស់គាត់បានធ្វើឲ្យគាត់មានជ័យជំនះគាត់ត្រូវបានព្យាបាល”។ព្រោះដោយហេតុអ្វី?វាធ្វើឲ្យជនជាតិស្បែកសមានការភ្ញាក់ផ្អើលដែលមិនត្រឹមតែអាចនិយាយភាសារបស់គេបានតែប៉ុណ្ណោះទេតែបានប្រាប់គេថាជានរណហើយពីអ្វីដែលនឹងកើតឡើងទៀត។តើនោះជាអំណាចប្រភេទណាទៅ?
47
បុរសម្នាក់នោះបានលឺតាមរយៈការបកប្រែហើយគាត់បានគ្រវាត់ឈើច្រត់របស់គាត់ចោល បានរត់មកទីនេះនិងលោតរាំដោយអំណរ។ហើយនៅពេលដែលបងប្រុសរបស់គាត់ឃើញយ៉ាងដូច្នេះគាត់គិតថាខ្ញុំបានព្យាយាមធ្វើឲ្យប្អូនគាត់លោតរាំមានការមួយកើតឡើងដល់គាត់គឺគាត់បានឆ្លងការអំពើបាបនៃការមិនជឿរបស់គាត់។ខ្ញុំមើលទៅគាត់ហើយឃើញការមួយដែលបានប្រាប់ទៅគាត់ឲ្យគាត់ឈរដោយប្រើជើងរបស់គាត់វិញពីព្រោះគាត់បានជាហើយ។ក្មេងប្រុសនោះគាត់លឺខ្ញុំប្រាប់ដូច្នេះតាមរយៈអ្នកបកប្រែគាត់ក៏ធ្វើតាម។ គាត់មានខ្សែពាក់នឹងករបស់គាត់ ដោយមានសរសេរថា “ព្រះយេស៊ូវគ្រីស្ទធ្វើឲ្យអ្នកប្រសើរឡើង ចូរក្រោកឈរ”។
បុរសនោះបានឈរដោយប្រើជើងរបស់គាត់ហើយក្នុងពេលនោះទឹកភ្នែករបស់គាត់ក៏បានស្រក់ចុះមក។សិរីល្អរបស់ព្រះមានវត្តមាននៅទីនោះរហូតដល់អ្នកមានជំនឿល្មមៗចំនួន២៥០០០អ្នកត្រូវបានព្យាបាលក្នុងពេលតែមួយនោះ។
48
តើពួកគេបានធ្វើអ្វី?នៅព្រឹកស្អែក ពេលខ្ញុំកំពុងអង្គុយនៅមាត់បង្អួចចៅហ្វាយក្រុងបានមកឯខ្ញុំ ហើយនិយាយថា“សូមមើលទៅក្រៅបង្អួចនោះទៅអ្នកនឹងមានការភ្ញាក់ផ្អើល”។
នៅព្រឹកនោះមានរទេះគោ៧មានពេញទៅដោយឈើច្រត់នឹងកៅអ៊ីរុញនិងមានមនុស្សដែលធ្លាប់ជិះលើវាកាលពីមុនយប់ម៉ុញដើរតាមផ្លូវផងដែរនោះមានដូចជាZulu,Songhai, Bazutus និង Kozatasដែលពួកគេសុទ្ឋតែមកពីកុលសម្ព័ន្ឋផ្សេងៗគ្នាហើយពេលនេះពួកគេមានសន្តិភាពចាប់ដៃគ្នាទៅវិញទៅមកនិងចំរៀងដោយអំណរផងដែរ។“គ្មានការណាមួយដែលពិបាកឡើយសំរាប់អ្នកដែលមានជំនឿ”។
ខ្ញុំបានឈរនៅមាត់បង្អួចហើយលើកដៃខ្ញុំឡើង ដោយនិយាថា “ព្រះគុណអស្ចារ្យ ជាសព្ទពិរោះដែលប្រោសមនុស្សយ៉ាងដូចខ្ញុំ”។
នោះជាទីសំគាល់ដ៏អស្ចារ្យភ្នែករបស់ខ្ញុំសំលឹងមើលរហូតដល់ខ្ញុំឃើញព្រះអង្គ។
49
តើនោះជាអ្វី?មនុស្សជាច្រើនគេមិនដែលលឺពីសេចក្តីនោះទេ។នៅពេលដែលគេលឺមានភាពដូចជាក្មេងអញ្ចឹងគឺគេនឹងកញ្ឆក់យកភា្លម។នោះជាអ្វីដែលពួកគេធ្វើគេមិនបានធ្វើការពិនិត្យណាទៅលើវាឡើយ។នៅពេលដែលពួកគេឃើញពួកនឹងចូលទៅកាន់វាភ្លាម។ហើយក៏គ្មាននរណាម្នាក់ដែលអាចប្រាប់ពួកគេភាពខុសគ្នាអ្វីដែរ។
បើសិនជាព្រះអម្ចាស់យេស៊ូវគ្រីស្ទទ្រង់មានព្រះជន្មរស់ទ្រង់គង់នៅទីនេះនៅក្នុងរដ្ឋJeffersonvilleនៅក្នុងប្រទេសឥណ្ឌានៅក្នុងសហរដ្ឋអាមេរិចផងដែរហើយដែលទ្រង់ជាព្រះតែមួយដែលបាននៅទីនេះកាលពីយប់មុនៗនឹងបានព្យាបាលមនុស្សខ្វាក់នោះទ្រង់ក៏ជាព្រះតែមួយដែលប្រោសអ្នករាល់គ្នាក្នុងទីនេះដែរ។
50
ថ្មីៗនេះខ្ញុំទទួលបានអត្ថបទមួយខ្ញុំជឿថាមាននៅក្នុងសៀវភៅដែលខ្ញុំបានអានតែខ្ញុំមិនប្រាកដទេ។ ថ្ងៃមួយខ្ញុំបានអានវាហើយខ្ញុំគិតថាខ្ញុំអាចយកវាមកប្រើប្រាស់បានក្នុងពេលណាមួយ។វាជាអត្ថបទរបស់ស្រ្តីម្នាក់កាលពីខ្ញុំនៅក្នុងកម្មវិធីនៅBurlington។នាងមានការខកចិត្តជាខ្លាំងហើយក្នុងថ្ងៃនោះនាងមិនបានទទួលបានប័ណ្ណអធិស្ឋានពីពួកយើងទេ។ហើយកាលនោះGene,LeoនិងBillyក៏នៅទីនោះដែរ។នាងអង្គុយនៅខាងក្រោយហើយភ្លាមនោះនាងឆ្ងល់ថាហេតុអ្វីបានជានាងមិនទទួលបានប័ណ្ណអធិស្ឋានដូចជាគេ។
នាងគិតនៅក្នុងចិត្តរហូតដល់ព្រះវិញ្ញាណបរិសុទ្ឋប្រាប់នាងពេលនោះមានស្រ្តីម្នាក់បានហៅនាងថា“អ្នកស្រីដែលអង្គុយនៅខាងក្រោយអ្នកស្រីដែលអង្គុយក្បែរម្នាក់ស្លៀកពាក់លឿងនោះ”។“គឺអ្នកស្រីហ្នឹងហើយ”។គាត់ថា“អ្នកស្រីមានជំងឺឆ្កួតជ្រូកហើយជំងឺរបស់អ្នកស្រីរើឡើង៤ឬ៥ដងក្នុងមួយថ្ងៃ”។ហើយនាង“ហេតុអ្វីបានជាអ្នកស្រី....”។ភ្លាមនៅនាងក៏លោតមកយ៉ាងលឿន។នាងមានភាពស្រឡាំងកាំងមែនទែនពីព្រោះនាងមិនបានដឹងមុនសោះ។
“មិនត្រឹមតែប៉ុណ្ណោះអ្នកស្រីពិតជាកើតទុក្ខជាខ្លាំងពីព្រោះប្តីរបស់អ្នកស្រីត្រូវនៅមន្ទីរពេទ្យVeteran ហើយគ្រូពេទ្យបានវះកាត់ក្រពះរបស់គាត់មិនត្រឹមតែប៉ុណ្ណោះជំងឺនោះត្រូវរាលដាលដល់ផ្នែកផ្សេងទៀតនៃរាងកាយផងដែរហើយគ្រូពេទ្យប្រាប់ថាគាត់នឹងគ្មានឱកាសនឹងរស់នៅបន្តទេ។”ជាមួយនឹងទឹកភ្នែកដែលហូរស្រកមកលើខ្លួនរបស់នាង(មានអត្ថបទបានប្រាប់)នាងលើកដៃរបស់នាងឡើងទៅកាន់ព្រះ។
51
ភ្លាមនោះនៅក្នុងគំនិតខ្ញុំ ខ្ញុំឃើញប្តីរបស់គាត់ត្រលប់មកផ្ទះវិញ។ខ្ញុំនិយាយថា “ព្រះទ្រង់មានបន្ទូលថា សូមកុំឲ្យព្រួយបារម្មណ៍អ្វីឡើយគាត់នឹងមកដល់ផ្ទះដោយមានសុខភាពល្អ”។ នៅព្រឹកបន្ទាប់នៅពេលដែលគាត់ទៅដើម្បីនឹងធ្វើការវះកាត់សារជាថ្មីជំងឺនោះបានចេញពីគាត់បាត់ទៅហើយ។គាត់និយាយថា“ខ្ញុំគ្មានអារម្មណ៍ថាមានដុំពកណាទៀតឡើយ។ហើយគ្រូពេទ្យក៏ពិនិត្យកាត់គាត់ដោយរកមិនឃើញជំងឺណាមួយឡើយ។គេបានពិនិត្យគាត់ជាមួយនឹងកាំរស្មីអ៊ិចផងដែរតែឃើញថាគាត់គ្មានជំងឺឡើយ។ គាត់បានជាចាប់ពីពេលនោះមក។ ហេតុអ្វី?ជំនឿជាជ័យជំនះ។ គ្នាប័ណ្ណនៃសេចក្តីអធិស្ឋាន គ្មានដៃដាក់ពីលើឬគ្មានអ្វីផ្សេងឡើយតែមានតែជំនឿដែលប្រទានឲ្យមានជ័យជំនះលើគ្រប់ទាំងអស់។
52
នៅក្នុងការប្រជុំចុងក្រោយរបស់ខ្ញុំនៅក្នុងរដ្ឋChicagoមានស្រ្តីម្នាក់ឈរឡើងលើវេទិការ។ខ្ញុំសូមទោស ស្រីនោះជាស្រ្តីជនជាតិស្បែកសនាងបានក្រោកឡើងលើវេទិការ។ហើយកាលពីយប់មុនមានស្រ្តីជនជាតិSwedishម្នាក់ដែរហើយលោកBillyឃើញថានាងបានដាក់ប្រាក់ដង្វាយជាច្រើនសំរាប់លោកOsborn។លោកBillyបាននិយាយមកកាន់ខ្ញុំ “តើស្រី្តដ៏ក្រីក្រម្នាក់នេះនាងមានប្រាក់ពីណាច្រើនម្លេះក្នុងការដាក់ដង្វាយ?”
ហើយនៅពេលដែលលោកBillyចាប់ផ្តើមចែកនាងស្រែកថា“សូមលោកឲ្យកាតអធិស្ឋាននោះមកខ្ញុំមួយផង”។
គាត់ប្រាប់ថា “ខ្ញុំគ្មានទៀតទេ”។ គាត់បានដើរទៅរកGeneនិងLeoដែលកំពុងតែចែកកាត់ពួកគេប្រាប់ថាយើងគ្មានទៀតឡើយ។ដូច្នេះគាត់ក៏ប្រាប់ស្រ្តីនោះថា“អ្នកស្រីយើងនឹងឲ្យអ្នកស្រីនៅយប់ថ្ងៃស្អែក”។
នាងឆ្លើយថា“មិនអីទេលោក”។ហើយគាត់ក៏ដើរទៅរកកៅអ៊ីនិងអង្គុយនៅទីនោះ។ពេលនោះខ្ញុំមិនបានដឹងពីការនោះឡើយ។
53
ក្នុងយប់នោះនៅពេលដែលខ្ញុំឡើងទៅលើវេទិការ ខ្ញុំឃើញស្រ្តីម្នាក់នៅទីនោះនាងអង្គុយនៅទីនោះខ្ញុំឃើញថានាងបានបំបែករនាំងហើយដើរទៅរកកន្លែងដែលព្រះទ្រង់ធ្វើការក្នុងជំនឿរបស់នាង។ស្រ្តីនោះបាននិយាយថា“មានស្រ្តីម្នាក់ដែលអង្គុយនៅខាងក្រោយនាងចង់អធិស្ឋានឲ្យប្តីរបស់នាងដែលធ្វើការនៅស្ថានីយ៍រថភ្លើងគាត់មានត្រចៀកថ្លង់មួយចំហៀង”។នាងនៅក្នុងនិកាយLutheran។ហើយនៅពេលដែលនាងត្រលប់ទៅផ្ទះវិញ....ព្រះទ្រង់មានបន្ទូលថា“នេះជាព្រះបន្ទូលព្រះគាត់បានព្យាបាលហើយ”។នៅពេលដែលនាងទៅដល់ផ្ទះក្នុងយប់នោះប្តីរបស់គាត់បានឈរនៅមាត់ទ្វារយ៉ាងមានអំណរ។ព្រោះក្នុងពេលអធិស្ឋាននោះត្រចៀករបស់គាត់បានបើកឡើងគឺនៅពេលដែលគាត់កំពុងតែអង្គុយក្នុងការិយាល័យក្នុងកន្លែងធ្វើការនៅស្ថានីយរថភ្លើង។
54
មានស្រ្តីម្នាក់ដែលអង្គុយនៅខាងក្រៅឃើញដូច្នេះនាងក៏ជឿ។នាងជឿសំរាប់ប្អូនស្រីរបស់នាងដែលមានជំងឺសតិអារម្មណ៍អស់រយៈពេល១០ឆ្នាំមកហើយហើយនាងរស់នៅក្នងជំរុំជនភាសខ្លួន។ព្រះវិញ្ញាណបរិសុទ្ឋបានមកដល់នាងហើយប្រាប់នាងថានាងជានរណាហើយប្អូនស្រីនាងជានរណាហើយនាងនិយាយថា“ប្អូនស្រីរបស់នាងមានជំងឺឆ្កួតជ្រូកនាងយកក្បាលរបស់នាងបោកនឹងជញ្ជាំងអស់រយៈ១០ឆ្នាំមកហើយ”ប៉ុន្តែនេះទ្រង់មានបន្ទូលថា“ប្អូនស្រីរបស់នាងនឹងត្រូវជា”។នាងបានប្រាប់ប្អូនស្រីរបស់នាងនៅរដ្ឋChicago ហើយនាងទូលទៅកាន់ព្រះថា“ព្រះអម្ចាស់ដ៏មានពេញដោយព្រះគុណនេះជាព្រះបន្ទូលរបស់ទ្រង់កាលពីយប់ម៉ិញនៅលើវេទិការនេះ”។
នាងនិយាយថា“ប្អូនស្រីបងដឹងថាប្អូនមិនមានប្រាក់ទេ ប៉ុន្តែបងនឹងផ្ញើសំបុត្រយន្តហោះឲ្យប្អូនសូមប្អូនមកទីនេះ យើងនឹងគ្មានការប្រជុំដូច្នេះទៀតឡើង ចាប់ពីយប់ខានស្អែកទៅ”។
ស្រ្តីដែលមានជំងឺឆ្កួតជ្រូកអស់រយៈ១០ឆ្នាំក្នុងយប់នោះនាងបានឈរនៅលើវេទិការហើយដំកើតព្រះដ៏មានគ្រប់ព្រះចេស្តា។
តើនោះជាអ្វី?ប្អូនស្រីរបស់នាងបានដើរឆ្លងកាត់ទីកន្លែងនៃរបស់ក្នុងលោកីយនេះ។របស់ក្នុងលោកីយនេះមិនមែនសំដៅតែទៅលើការជក់បារីការផឹកស្រាតែប៉ុណ្ណោះទេវាមានន័យសំដៅលើការខ្វះជំនឿផងដែរ។នាងបានជំនះការទាំងអស់នេះរហូតដល់នាងបានរកឃើញជំនឿដែលនាំឲ្យនាងមានជ័យជំនះ។នាងនិយាយថា“បើព្រះទ្រង់អាចធ្វើបានជាមួយនឹងស្រ្តីស្បែកសម្នាក់នោះទ្រង់ក៏អាចធ្វើបានសំរាប់ខ្ញុំដែរ”។ ព្រះទ្រង់បានធ្វើកាលពីមុនពេលនេះទ្រង់ក៏ធ្វើដែរហើយទ្រង់ធ្វើជារៀងរហូតដែលជំនឿរបស់យើងអាចឈ្នះសេចក្តីសង្ស័យទាំងអស់បាន។មិនថាតើវាអាក្រក់យ៉ាងណាទេ។ អូ!! ព្រះទ្រង់មានព្រះជន្មរស់។
55
តើមានបងប្អូនណាដែលនៅទីនេះបានលឺទីបន្ទាល់របស់ស្រ្តីនោះទេកាលពីនោះរដ្ឋChicago?សូមលើកដៃឡើង។បាទ!!សូមមើល។ការនោះបានកើតឡើងមែន។គឺមានស្រ្តីម្នាក់ដែលមានជំងឺឆ្កួតជ្រូកអស់រយៈពេលជាច្រើនឆ្នាំមកហើយតែនាងបានជា។ តើនោះដោយសារអ្វី?គឺជាជំនឿដែលនាំឲ្យមានជ័យជំនះយ៉ាងដូច្នេះ។
បើព្រះគ្រីស្ទទ្រង់គង់នៅទីនេះក្នុងរាត្រីនេះហើយខ្ញុំដាក់ជំនឿរបស់ខ្ញុំលើសេចក្តីសន្យារបស់ទ្រង់នោះទ្រង់នឹងយាងមកហើយនឹងធ្វើការដូចគ្នានេះដែរបើអ្នករាល់គ្នាដាក់ជំនឿរបស់អ្នកលើសេចក្តីសន្យារបស់ទ្រង់ដែរនោះនឹងឃើញព្រះចេស្តារបស់ទ្រង់ជាមិនខានឡើយ។បើសិនជាទ្រង់ធ្វើការក្នុងរាត្រីនេះជាមួយអ្នករាល់ ដែលអង្គុយនៅទីនេះតើអ្នកជឿថាទ្រង់មានព្រះជន្មរស់នៅទេ?តើការនេះទ្រង់បានធ្វើទេកាលពីទ្រង់គង់នៅផែនដីនេះ?តើនេះជាអ្វីដែលពួកសិស្សទ្រង់បានធ្វើមែនទេ?នៅពេលដែលព្រះយេស៊ូវគ្រីស្ទទ្រង់បានព្យាបាលស្រ្តីម្នាក់នៅពេលដែលនាងប៉ះព្រះពស្តរបស់ទ្រង់ ទ្រង់បានសួរថា “តើអ្នកណាដែលពាក់ខ្ញុំ?”ទ្រង់ដឹងថាមានអ្នកពាល់ទ្រង់។ដូច្នេះទ្រង់សួរថា“តើអ្នកណាដែលពាល់ខ្ញុំ?”គ្រប់គ្នាមិនបានដឹងទេ។ទ្រង់មានបន្ទូលថា“តែមានព្រះចេស្តាចេញពីខ្ញុំ”។ ទ្រង់បានក្រលេកមើល ហើយរកឃើញស្រ្តីម្នាក់ដែលបានពាល់ព្រះពស្តទ្រង់។នាងមានបញ្ហាធ្លាក់ឈាមហើយទ្រង់បាននាងថា“ជំនឿអ្នកមានជ័យជំនះហើយ”។
56
តើនោះជាអ្វី?ទ្រង់មិនដែលមានបន្ទូលថា“ខ្ញុំបានព្យាបាលអ្នក”ទេ។តែទ្រង់មានបន្ទូលថា“ជំនឿអ្នកបានសង្រ្គោះអ្នកហើយ”។តើអ្នកធ្វើអ្វី?អ្នកមានត្រូវមានជំនឿដែលផ្តល់នូវជ័យជំនះដែលបង្រ្កាបដែលជាន់ឃ្លីអស់ទាំងសេចក្តីសង្ស័យព្រោះស្រ្តីម្នាក់នោះគិតថា“បើសិនជាខ្ញុំប៉ះព្រះពស្តទ្រង់ខ្ញុំនឹងបានជា”។នាងត្រូវតែធ្វើនូវអ្វីដែលនាងបានគិតក្នុងគំនិតរបស់នាង។នេះជាព្រះបន្ទូលរបស់ទ្រង់ដែលបានអះអាងថាទ្រង់គង់នៅក្នុងពេលសព្វថ្ងៃនេះហើយធ្វើការដូចដែលទ្រង់បានធ្វើដែរ។“បន្តិចទៀតលោកីយនឹងលែងឃើញខ្ញុំហើយហើយអ្នករាល់គ្នាក៏មិនឃើញខ្ញុំដែរ។កិច្ចការដែលខ្ញុំបានធ្វើ អ្នករាល់ក៏នឹងធ្វើបានដែឬហើយនឹងធ្វើលើសពីនេះទៅទៀតពីព្រោះខ្ញុំទៅឯព្រះវរបិតា។ហើយអ្នករាល់នឹងធ្វើការលើសពីនេះផង”។
ដែលយើងរស់នៅក្នុងពេលសព្វថ្ងៃនេះព្រះគ្រីស្ទទ្រង់គង់នៅជាមួយនឹងយើងរាល់គ្នា។សូមយើងរាល់គ្នាអធិស្ឋានហើយជឿសូមជឿពីអ្វីដែលខ្ញុំបានអធិស្ឋាន។
57
ព្រះអង្គអើយយើងរាល់គ្នាជាមនុស្សហើយទ្រង់ជាព្រះដ៏មានពេញដោយព្រះចេស្តា។ទូលបង្គំឃើញនៅក្នុងព្រះគម្ពីរពីការដែលទ្រង់ព្យាបាលមនុស្សជាច្រើនហើយក្នុងដំណើររបស់អ៊ីស្រាអែលជាមួយនឹងលោកម៉ូសេនៅក្នុងទីរហោស្ថានគ្មានគ្រូពេទ្យណានៅជាមួយនឹងគេឡើយតែទ្រង់ជាគ្រូពេទ្យរបស់គេទ្រង់ជាអ្នកព្យាបាលដ៏អស្ចារ្យ។
ក្នុងពេលនេះព្រះអង្គអើយ មនុស្សទាំងអស់នេះ ដែលមានជំងឺឈឺក្នុងរូបកាយឬក្នុងព្រលឹងរបស់គេក្តី ពេលនេះពួកគេបានដាក់ការទាំងនេះនៅក្នុងព្រះហស្ថទ្រង់ដែលទ្រង់ជាទីដ៏រឹងមាំរបស់គេ។សូមទ្រង់ពិនិត្យមើលហើយដកចេញអស់ទាំងសេចក្តីសង្ស័យដែលមានចេញពីគេផងដែរ។
ព្រះបន្ទូលទ្រង់បានប្រាប់ថាទ្រង់នៅដដែល ទោះជាម្សិលម៉ិញថ្ងៃនេះហើយនឹងអស់កល្បតទៅ។ទូលបង្គំគ្រប់គ្នាអធិស្ឋានសូមទ្រង់ប្រើប្រាស់ពាក្យនេះហើយដាក់ពាក្យនេះឲ្យទូលបង្គំគ្រប់គ្នាប្រកាសថាទ្រង់នៅដដែល។“ទ្រង់គង់ជាមួយទូលបង្គំគឺគង់នៅក្នុងទូលបង្គំ”។ព្រះវរបិតាអើយសូមទ្រង់ទតមើលមនុស្សទាំងអស់ដែលនៅទីនេះសូមឲ្យជំនឿរបស់គេឈ្នះអស់ទាំងជំងឺដែលមកពីអំពើបាបសូមទ្រង់ព្យាបាលគេ។ទូលបង្គំទូលសូមក្នុងព្រះនាមព្រះយេស៊ូវគ្រីស្ទ។អាម៉ែន។
58
តើអ្នករាល់គ្នាទទួលស្គាល់...ឬក៏កោតសរសើរពីអ្វីដែលមាននៅក្នុងអ្នករាល់គ្នាឬទេ?សូមមើលនៅទីនេះមានមនុស្សមិនតិចជា២៥០នាក់ដែលឈរ ហើយខ្ញុំគិតថាមានលើសពីនេះផង។បានខ្ញុំគិតថាមានច្រើនជាងនេះ។ ខ្ញុំមិនបានដឹងទេប៉ុន្តែនេះអ្នករាល់គ្នាដឹងខ្ញុំមិនបានដឹងថាមានសេចក្តីកំហុសណានៅក្នុងអ្នករាល់គ្នាទេ។សូមលើកដៃរបស់អ្នករាល់គ្នាឡើង។បាទ!!ខ្ញុំមិនដឹងឡើយតែព្រះទ្រង់ជ្រាប។
ឥឡូវនេះសូមអ្នករាល់គ្នាថ្វាយខ្លួនរបស់អ្នកទៅកាន់ទ្រង់ហើយអនុញ្ញាតិឲ្យទ្រង់មានបន្ទូលមកអ្នកដោយសេចក្តីជំនឿដូចដែលស្រ្តីម្នាក់នោះមានតើអ្នករាល់គ្នាជឿដល់ដល់ទ្រង់ទេ?
59
បើសិនជាមាននរណាម្នាក់មកដល់ខាងក្រោមនេះហើយនិយាយថា“ខ្ញុំមានវិធីក្នុងការព្យាបាលជំងឺមហារីក”។គាត់បានព្យាបាលជំងឺមហារីកហើយបានយកវេជ្ជបណ្ឌិតមកធ្វើជាភស្តុតាងប្រាប់យើងយ៉ាងច្បាស់ថាជំងឺមហារីកជាច្រើនត្រូវបានព្យាបាល។នោះមនុស្សគ្រប់គ្នានៅក្នុងពិភពលោកនេះនឹងរត់ទៅរកគាត់យ៉ាងលឿន។បងប្អូនអើយខ្ញុំឃើញព្រះយេស៊ូវគ្រីស្ទទ្រង់បានព្យាបាលជំងឺមហារីកជាច្រើនរាប់មិនអស់ប៉ុន្តែមានតែការមួយទេដែលទ្រង់ត្រូវការ គឺបើអ្នករាល់គ្នាជឿ។ វាហាក់ដូចជាការនេះពិបាក។ខ្ញុំឃើញទ្រង់បានព្យាបាលភ្នែករបស់មនុស្សខ្វាក់ធ្វើឲ្យមនុស្សពិការបានដើររួចខ្ញុំឃើញទ្រង់បានប្រោសមនុស្សស្លាប់ដែលគ្រូពេទ្យបានប្រាប់ថាស្លាប់យ៉ាងច្បាស់។ មានការជាច្រើនទៀតខ្ញុំមិនអាចសរសេរដាក់នៅក្នុងសៀវភៅពីអ្វីដែលខ្ញុំបានឃើញទ្រង់ធ្វើយកមកឲ្យអ្នករាល់គ្នាមើលអស់ឡើយ។ ប៉ុន្តែ វាជាការពិបាកក្នុងការជឿ។
60
ពេលនេះ បើសិនអ្នករាល់គ្នាឈឺខ្ញុំចង់ឲ្យអ្នករាល់គ្នាកោតខ្លាចចំពោះទ្រង់។ខ្ញុំជាអ្នកមានជំនឿក្នុងចិត្តរបស់ខ្ញុំ។ខ្ញុំជឿថាអ្វីដែលមិនមែននៅក្នុងចិត្តដែលឆេះឆួលជាសេចក្តីស្លាប់។បើសិនសាសនារបស់អ្នកមិនមែនចិត្តដែលឆេះឆួលទេសូមកប់វាចោលចុះ។
បើសិនជាអ្នកមកឯខ្ញុំហើយខ្ញុំអាចឲ្យវាទៅអ្នកបាន ហើយអ្នកនិយាយថា “លោកគ្រូប្រាណហាំ ខ្ញុំចង់បាន១០០ដុល្លា”។អ្នកត្រូវតែមកឯខ្ញុំដោយគោរពហើយនិយាយថា“លោកគ្រូប្រាណហាំសូមលោកឲ្យខ្ញុំ១០០ដុល្លាបានទេ”។ហើយអ្នកក៏ដឹងថាខ្ញុំមាន១០០ដុល្លាក្នុងហោប៉ៅរបស់ខ្ញុំហើយអ្នករាល់គ្នាគិតថាខ្ញុំនឹងអាណិតអ្នករាល់គ្នាហើយនឹងឲ្យប្រាក់១០០ដុល្លានោះ។បាទ!!ពេលនេះអ្នកឈរនៅទីនេះដោយកោតខ្លាចនិងគោរពហើយរំពឹងថានឹងទទួលបានវា។នោះខ្ញុំនឹងឲ្យអ្នករាល់គ្នា១០០ដុល្លាតាមដែលអ្នកសូម។អ្នកនឹងបាន១០០ដុល្លាក្នុងដៃរបស់អ្នកដរាបណាអ្នកមកឯខ្ញុំដោយបន្ទាបខ្លួនហើយគោរព។
61
ដូច្នេះសូមចូលទៅកាន់ព្រះហើយសូមទ្រង់ដាក់ព្រះវិញ្ញាណទ្រង់នៅទីនេះឬនៅកន្លែងណា ដែលអ្នករាល់គ្នាឈរ។បើអ្នកនៅក្នុងប្រទេសផ្សេងហើយអធិស្ឋាននោះទ្រង់ក៏នៅតែធ្វើការដែរ។
សូមមើល។ទ្រង់មានបន្ទូលថា“សូមបង្ហាញពីអញ”។នេះពិតជាល្អដែលយើងអាចបង្ហាញថា តើជាទ្រង់ឬមិនមែន។ទ្រង់មានបន្ទូលថា“បង្ហាញពីអញ”។ឥឡូវបើទ្រង់គឺជាព្រះហើយយើងដឹងថាទ្រង់ជាព្រះសូមយើងទូលទៅកាន់ទ្រង់ឲ្យទ្រង់ធ្វើការក្នុងរាត្រីនេះដូចដែលទ្រង់បានធ្វើកាលពីមុន។
62
ក្នុងទីនេះខ្ញុំស្គាល់មនុស្សម្នាក់ដែលមានជំងឺគឺមិត្តភកិ្តដ៏ល្អរបស់ខ្ញុំEdithWrightដែលអង្គុយនៅខាងក្រោយគាត់មានជំងឺជាច្រើនឆ្នាំមកហើយ។យើងនឹងអធិស្ឋានឲ្យគាត់ដើម្បីឲ្យជំងឺនោះបានចេញពីគាត់។សូមយើងអធិស្ឋានទាំងអស់គ្នា។ខ្ញុំអធិស្ឋាន អ្នករាល់គ្នាក៏អធិស្ឋានដោយមានជំនឿលើទ្រង់។
ប្អូនស្រីGertieបើសិនជាបានសូមប្អូនលេងភ្លេងផងនៅពេលដែលយើងអធិស្ឋាននេះ។“គ្រូពេទ្យដ៏អស្ចារ្យនៅក្បែរយើងទ្រង់ជាអ្នកព្យាបាលយើងគឺព្រះយេស៊ូវគ្រីស្ទ”។
63
ខ្ញុំមើលលោកBankdsWoodដែលជាមិត្តដ៏ល្អរបស់ខ្ញុំ។ អ្នកណាស្គាល់លោកBanksWoodខ្លះ នៅក្នុងទីនេះគាត់ជាមា្នក់ដែលមានជំនឿយ៉ាងល្អប៉ុន្តែកាលពីមុនគាត់នៅខាងJehovahWitness។នោះជាការមួយដែលគាត់បានធ្វើ។ប៉ុន្តែនៅពេលដែលគាត់មកដល់Louisvilleនេះគាត់បានឃើញព្រះទ្រង់ធ្វើការអស្ចារ្យ។គាត់មានកូនប្រុសម្នាក់ដែលជើងរបស់គាត់មិនអាចដើររួច។គាត់បានចូលរួមជាមួយនឹងការជួបជុំជាច្រើន។ខ្ញុំមិនបានដឹងថាតើអ្នករាល់ធ្លាប់បានលឺពីការនេះឬក៏អត់ទេ។ប៉ុន្តែនៅពេលដែលគាត់ឡើងមកដល់កន្លែងនេះហើយក្នុងពេលនោះដែលខ្ញុំមកពីSwedenវិញយប់នោះខ្ញុំបានអង្គុយនៅក្នុងអគារនេះហើយព្រះទ្រង់បានហៅខ្ញុំឲ្យទៅឯក្មេងប្រុសនោះគាត់ឈ្មោះDavidពេលនោះទ្រង់បានព្យាបាលគាត់។សព្វថ្ងៃនេះក្មេងនោះមិនបានដឹងថាពីដើមជើងគាត់យ៉ាងណាផងគឺជើងគាត់បានជាទាំងស្រុង។អូ!!មានការរាប់រយកើតឡើងបើសិនជាអ្នករាល់គ្នាមានជំនឿ។
64
ខ្ញុំនឹកចាំពីពេលមួយដែលខ្ញុំរដ្ឋFtWayneមានស្រ្តីMennoniteមា្នក់នាងបានទទួលព្រះវិញ្ញាណបរិសុទ្ឋ ដែលជាមនុស្សម្នាក់ក្នុងចំនោមស្រ្តីMennonite ផ្សេងទៀត។ នាងជាក្មេងស្រីដែលគួរឲ្យស្រឡាញ់ហើយនាងកំពុងតែលេងព្យាណូនូវបទ“The Great Physician Now is New, theSymphathizing Jesus” ។ ពេលនោះមានគេយកក្មេងប្រុសម្នាក់មកដាក់លើដៃខ្ញុំដើម្បីឲ្យខ្ញុំអធិស្ឋានវាជាក្មេងពិការ។នៅពេលខ្ញុំកំពុងអធិស្ឋាន ក្មេងតូចនោះនៅបានជាហើយក៏រត់ចេញពីដៃរបស់ខ្ញុំចុះខាងក្រោមវេទិការ ទៅរកម្តាយរបស់វា។ស្រ្តីAmish ឬMennoniteនោះក៏ស្គាល់ម្តាយរបស់វាដែរពេលនោះព្រះវិញ្ញាណបរិសុទ្ឋបានប៉ះពាល់ចិត្តរបស់នាងហើយនាងក៏ស្រែកឡើង។នាងបានលើកដៃឡើងហើយរត់ចេញពីព្យាណូរបស់នាងឆ្ពោះទៅកាន់អ្នកដែលនៅខាងក្រោម។
65
ពេលនេះសូមយើងមើលទាំងអស់គ្នានូវអ្វីដែលព្រះទ្រង់មានបន្ទូល។អ្នករាល់គ្នាត្រូវមានជំនឿជាការជឿដែលអស់ពីចិត្ត។
គ្រូពេទ្យដ៏អស្ចារ្យនៅក្បែរយើង....
ព្រះយេស៊ូវទូលបង្គំអធិស្ឋានសូមទ្រង់ទទួលពាក្យទាំងនេះ។
អូ!!យើងលឺសំលេងរបស់ទ្រង់
ជាសំលេងដ៏សែនពិរោះ
ពេលនេះអស់អ្នកដែលមានជំងឺសូមយកចេញនូវភាពសង្ស័យរបស់អ្នករាល់គ្នា។ អ្នករាល់គ្នាប្រហែលជាមិនដែលជួបពីការនេះពីមុនទេសូមនិយាយថា “ខ្ញុំជឿយ៉ាងអស់ពីចិត្តរបស់ខ្ញុំ”។
ព្រះយេស៊ូវព្រះយេស៊ូវដ៏ពិសេស
66
ខ្ញុំសង្ឃឹមថាខ្ញុំមិនមែនជាមនុស្សដែលជ្រុលនិយមនោះទេប៉ុន្តែការនេះហាក់ដូចជាមកដល់ខ្ញុំក្នុងពេលនេះ គឺដូចជាខ្ញុំចូលក្នុងបន្ទប់របស់ខ្ញុំហើយចូលក្នុងបន្ទប់ដាក់ខោអាវរបស់ខ្ញុំ ហើយបិទទ្វារទៅវិញ។ពេលនេះដូចជាខ្ញុំបិទទ្វារអ្នករាល់គ្នាមិនអោយចេញពីបន្ទប់នេះដែរ។ “ហើយអធិស្ឋានទៅកាន់ព្រះវរបិតាដែលទ្រង់ទតមើលមកទីកំបាំង ហើយទ្រង់ដែលមើលឃើញទៅកំបាំងទ្រង់នឹងផ្តល់រង្វាន់ដល់យើងនៅទីភ្លឺ។ សូមនោះនឹងឲ្យស្វែងរកនោះនឹងឃើញ គោះនោះនឹងបើកឲ្យដល់អ្នក។អស់អ្នកណាដែលស្វែងរកនោះរមែងនឹងឃើញ”។សូមនឹកគិតអំពីទ្រង់ក្នុងពេលនេះ សូមសំលឹងមើលទៅឯទ្រង់ ទ្រង់នៅមិនឆ្ងាយពីយើងឡើយនោះជាព្រះគ្រីស្ទ។ ទ្រង់មានបន្ទូលថា “ខ្ញុំមកពីព្រះវរបិតាហើយខ្ញុំនឹងត្រលប់ទៅឯព្រះវរបិតាវិញ”។ ទ្រង់បានត្រលប់ទៅវិញទៅកន្លែងដែលទ្រង់បានមក។ ហើយនៅពេលដែលទ្រង់យាងមកម្តងទៀតទ្រង់នឹងយាងមកក្នុងរូបកាយដូចដែលទ្រង់បានគង់នៅផែនដីនេះដែរ។
67
អ្នករាល់គ្នាអាចនិយាយថា“លោកគ្រូប្រាណហាំ តើលោកកំពុងធ្វើអ្វី?”គឺខ្ញុំគ្រាន់តែធ្វើឲ្យខ្លួនខ្ញុំបានអ្វីម្យ៉ាង។ពេលនេះខ្ញុំកំពុងតែឈរ។ នេះមិនមែនជាការសំដែងទេ។សូមអ្នករាល់គ្នាកុំគិតដូច្នេះឡើយ បើដូច្នេះអ្នករាល់គ្នាគិតមិនល្អឡើយ។ព្រះបន្ទូលរបស់ព្រះជាបង្គោលរបស់យើង។ ខ្ញុំនិយាយថា ទ្រង់គង់នៅ។ទ្រង់តែងតែរក្សាព្រះបន្ទូលរបស់ទ្រង់ជានិច្ច។គ្មានអ្វីដែលធ្វើឲ្យខ្ញុំភ័យខ្លាចឡើយ។
ព្រះគម្ពីរបានប្រាប់ថា “ទ្រង់គង់នៅទីនេះក្នុងពេលនេះ ទ្រង់ជាសម្តេចសង្ឃដ៏ធំ ដែលមនុស្សពិការអាចមើលឃើញដែរ”។
68
ប្អូនស្រីដែលដែលកំពុងតែមើលខ្ញុំនាងអង្គុយនៅទីនោះ នាងមានសំលៀកបំពាក់ពណ៌ខៀវ។ ខ្ញុំមិនបានស្គាល់នាងទេ។ខ្ញុំមិនដែលទាក់ទងនឹងនាងទេ ហើយនាងមកទីនេះប្រាកដជាត្រូវការព្រះ។បើសិនជាខ្ញុំជាមនុស្សចំលែក សូមលើកដៃឡើង។ ខ្ញុំមិនបានស្គាល់អ្នកតែអ្នកបានស្គាល់ខ្ញុំ។ ខ្ញុំមិនដឹងថាតើអ្នកមកទីនេះដើម្បីអ្វីទេហើយខ្ញុំក៏មិនដែលឃើញអ្នកនៅក្នុងជីវិតរបស់ខ្ញុំដែរ។ អ្នកប្រហែលជាធ្លាប់បានចូលរួមជាមួយខ្ញុំក្នុងការប្រជុំពីមុនមើលទៅ។បើសិនជាព្រះទ្រង់បា្រប់ខ្ញុំពីបញ្ហារបស់អ្នក តើអ្នកជឿទេ?អ្នកគួរតែជឿ បើសិនជាវាជាសេចក្តីពិត។នោះហើយជាសេចក្តីជំនឿ។ខ្ញុំមិនបានស្គាល់អ្នកទេ។ខ្ញុំគ្រាន់តែឃើញថាអ្នកកំពុងសំលឹងមើលមកខ្ញុំ។អ្នកអាចនឹងពិបាកក្រលេកភ្នែករបស់ចេញពីខ្ញុំ។
ខ្ញុំម្នាក់ដែលអង្គុយនៅខាងមុខនេះខ្ញុំស្គាល់នាង។ មនុស្សជាច្រើននៅទីខ្ញុំក៏ស្គាល់ដែរ។តែខ្ញុំដូចជាមិនបានស្គាល់អ្នកទេ។ខ្ញុំមិនស្គាល់ទេតែព្រះទ្រង់ស្គាល់អ្នក។បើសិនជាអ្នកមានតំរូវការអ្វីសូមឡើងមកលើវេទិការនេះមក។គឺស្រី្តម្នាក់ដែលអង្គុយនៅក្នុងទីងងឹតនោះខ្ញុំគិតថាអ្នករាល់គ្នាមើលឃើញគាត់គឺមានជំងឺស្បែក។សូមលើកដៃឡើងបើសិនជាខ្ញុំនិយាយត្រូវ។វានៅលើខ្លួនរបស់នាងដែលយើងមើលមិនឃើញទេ តែនាងមានជំងឺនោះ។សូមមើលមកនេះ។ប៉ុលនិយាយថា“ខ្ញុំដឹងដោយវិញ្ញាណថាជំនឿរបស់អ្នកនឹងព្យាបាលអ្នក”។
69
ចុះស្រ្តីម្នាក់ដែលអង្គុយក្បែរអ្នក?នេះហាក់ដូចជាបំបាក់រនាំងមួយហើយដើរទៅរកនាងអញ្ចឹង ពីព្រោះនាងកំពុងតែអធិស្ឋាន។ខ្ញុំមិនបានស្គាល់អ្នកទេយើងហាក់ដូចជាមនុស្សចំលែកចំពោះគ្នាទៅវិញទៅមក។នោះត្រូវទេ។បើសិនជាព្រះវិញ្ញាណបរិសុទ្ឋបើកសំដែងឲ្យខ្ញុំបានដឹងពីបញ្ហារបស់អ្នកអ្វីដែលអ្នកមាននៅទីនេះឬមាននៅក្នុងជីវិតរបស់អ្នក ដោយអ្នកបានដឹងដោយខ្លួនឯងតែខ្ញុំមិនបានដឹងទេ តើអ្នកជឿទេ? នោះជាអំណាចជាអំណាចដែលមើលនឹងភ្នែកទទេមិនឃើញជាអំណាចដែលមកពីព្រះគ្រីស្ទ។ខ្ញុំចង់ប្រាប់អ្នកពីការនេះ។ ពេលនេះអ្នកដូចជាមានអារម្មណ៍មួយនៅក្នុងអ្នកជាអារម្មណ៍ដ៏ល្អអារម្មណ៍បន្ទាបខ្លួន។ បើខ្ញុំនិយាយនេះត្រូវសូមលើកដៃអ្នកឡើង។សូមមើលខ្ញុំនិយាយនេះពិតជាត្រូវ។ នៅកន្លែងដែលអ្នកឈរនោះមានពន្លឺហើយរាល់ការឈឺចាប់អ្នកអស់ត្រូវនៅខាងក្រោមជើងរបស់អ្នក។ហើយខ្ញុំដឹងថាអ្នកនឹងមិនត្រូវទទួលនូវការរំខានពីវាទៀតឡើយ។
តើអ្វីដែលធ្វើការនេះ?ការនេះមនុស្សជាច្រើនមិនដែរឃើញនៅក្នុងជីវិតរបស់គេឡើយ។តើអ្វីជាអ្នកធ្វើវា?
70
បុរសក្មេងម្នាក់អង្គុយក្បែរស្រ្តីម្នាក់នោះ។គាត់ចាប់ផ្តើមយំនៅពេលប៉ះពាល់ដោយព្រះវិញ្ញាណ។ បំពង់ក និងក្បាលរបស់គាត់ត្រូវបានរំខានដោយជំងឺ។ខ្ញុំដឹងថា លោកជាមនុស្សចំលែកចំពោះខ្ញុំពីព្រោះខ្ញុំមិនដែលឃើញលោកទេ។
មានមនុស្សបីអ្នកដែលអង្គុយនៅក្នុងជួរនេះដែលខ្ញុំមិនដែលស្គាល់ និងមិនដែលឃើញឡើយ។
អ្នកដែលអង្គុយនៅជួរនេះ តើមានប៉ុន្មានអ្នកដែលឈឺហើយមានតំរូវការ សូមលើកដៃឡើង? អូ!! មានមនុស្សជាច្រើន។ បាទ! មិនអីទេ។សូមអ្នករក្សាជំនឿរបស់អ្នក។
71
បុរសម្នាក់ដែលអង្គុយនៅទីនោះកំពុងសំលឹងមើលខ្ញុំ!!អ្នកត្រូវស្វែងរកព្រះគ្រីស្ទបើមិនដូច្នេះទេអ្នកត្រូវស្លាប់។ជំងឺមហារីកនឹងសំលាប់អ្នក។ តែព្រះជាអ្នកព្យាបាលវិញ។
ស្រ្តីចំណាស់ម្នាក់ដែលអង្គុយនៅក្បែរនេះនៅកៅអីខាងស្តាំ។នាងមានជំងឺក្រពះនិងជំងឺសន្លាក់ដៃជើង។តើខ្ញុំនិយាយត្រូវទេ?តើអ្នកជឿថាព្រះនឹងព្យាបាលទេ?
អ្នកមើលទៅជុំវិញនាង តើអ្នកជឿទេ?តើអ្នកត្រូវការព្រះគ្រីស្ទទេ? អ្នកជឿថា ខ្ញុំជាបាវបំរើរបស់ទ្រង់ទេ?ជំងឺពកឆ្អឹងដែលនៅក្នុងនាងនឹងត្រូវបានយកចេញតើអ្នកជឿថាព្រះទ្រង់នឹងធ្វើទេ? ខ្ញុំមិនបានឃើញនោះទេតែវានៅលើខ្លួននាង។ វានៅលើករបស់នាង នៅកញ្ចឹងករបស់នាង។ខ្ញុំក៏ស្គាល់ឈ្មោះរបស់នាងដែរ គឺនាងឈ្មោះអ្នកស្រីWelsh។បាទ!! ខ្ញុំមិនដែលឃើញនាងពីមុនមកទេ។ តែខ្ញុំដឹងថានាងមានជំនឿលើព្រះ។
72
មានសញ្ញានៃការជាសះស្បើយនៅលើស្រ្តីក្មេងម្នាក់នោះរួមទាំងជំងឺមហារីកផងដែរ។តើនាងជឿទេថាព្រះទ្រង់ធ្វើឲ្យនាងបានជាសះស្បើយ? តើនាងជឿទេ?ការរងទុក្ខដោយសារជំងឺមហារីកវាស្ថិតនៅលើនាងជាយូរមកហើយ។ខ្ញុំសូមប្រាប់នាងក្នុងពេលនេះថាវាចេញពីនាងហើយបើសិនជានាងជឿ។ខ្ញុំមិនដែលឃើញនាងពីមុនមកទេខ្ញុំមិនដែលឃើញនាងទាល់តែសោះក្នុងជីវិតរបស់ខ្ញុំ។មានមនុស្សមួយចំនួនទៀតនៅទីនេះខ្ញុំមិនបានស្គាល់ឡើយ។
ខ្ញុំសំលឹងមើលបុរសម្នាក់ដែលអង្គុយនៅទីនោះខ្ញុំគិតថាខ្ញុំក៏មិនដែលស្គាល់គាត់ដែរ។គាត់មានជំងឺក្លនលូន។តើលោកជឿថាព្រះទ្រង់នឹងព្យាបាលលោកពីជំងឺក្លនលូននេះទេ?ប្រពន្ឋរបស់លោកមានជំងឺសរសៃប្រសាទនិងខ្សោយ។លោកមានឈ្មោះថាReverendReed។ខ្ញុំមិនបានស្គាល់លោកពីមុនទេ។លោកមិនមែនមកពីរដ្ឋនេះទេ គឺលោកមកពីរដ្ឋអូហៃយ៉ូ។តើខ្ញុំនិយាយត្រូវទេ។ បើសិនជាខ្ញុំនិយាយត្រូវ សូមលោកលើកដៃឡើង។ជំងឺទាំងអស់ដែលមាននៅលើខ្លួនលោកនិងភរិយារបស់លោកនឹងបានជាក្នុងពេលនេះ។សូមជឿឲ្យអស់ពីចិត្តរបស់លោក។តើលោកនឹងដាក់ជំនឿយ៉ាងដូច្នេះទេ?
73
សូមមើលទៅជូរខាងនេះវិញ។មានស្រ្តីម្នាក់មានការឈឺចាប់ដោយសារមានមេរោគចំលងនៅក្នុងខ្លួន។នាងមិនមែនមកពីទីក្រុងនេះទេ នាងមកពីរដ្ឋColumbus។ នាងឈ្មោះ អេលីសាបិត។នាងរស់នៅលើផ្លូវមួយនៅក្នុងរដ្ឋនោះឈ្មោះថាផ្លូវOhio។លេខផ្ទះរបស់នាងគឺ ១៩៣២ ផ្លូវ អូហៃយ៉ូ។
ពេលនេះព្រះវិញ្ញាណបានទៅដល់បុរសម្នាក់ដែលអង្គុយនៅទីនោះ។គាត់មកពីរដ្ឋColumbusដែរគាត់មានបញ្ហាភ្នែកនិងរោគដំបៅក្រពះ។តើលោកជឿថាព្រះទ្រង់នឹងព្យាបាលលោកឬទេ?ហើយលោកក៏មានក្មួយម្នាក់ដែលអង្គុយនៅខាងមុខនេះជាកូនប្អូនស្រីរបស់លោក។ហើយវាមិនបញ្ហាឆ្អឹងដោយមិនអាចបរិភោគអាហារបាន។បើសិនជាលោកជឿដោយអស់ពីចិត្តលោកនឹងបានជាសះស្បើយ។ សូមមានជំនឿលើព្រះ។តើមានបងប្អូនប៉ុន្មាននាក់ដែលជឿក្នុងពេលនេះ?
74
ខ្ញុំឃើញមានជំងឺមហារីកមួយទៀតលើប្អូនស្រីម្នាក់ដែលអង្គុយនៅក្បែរនេះ។បើសិនជានាងជឿដោយអស់ពីចិត្ត ព្រះទ្រង់
នឹងព្យាបាលនាង។តើជំនឿរបស់អ្នករាល់នឹងបំបាក់អស់ទាំងការសង្ស័យឬទេ?តើមានបងប្អូនប៉ុន្មានអ្នកដែលជឿថាជំនឿរបស់ខ្លួននឹងបំបាក់អស់ទាំងការសង្ស័យ?សូមលើកដៃឡើង។
ក្មេងស្រីទាំងពីរនាក់ដែលអង្គុយនៅកៅអីខាងមុខ ខ្ញុំស្គាល់ពួកគេ។ ខ្ញុំមិនបានស្គាល់ពួកគេតាំងពីយប់ម៉ិញនោះទេ តែខ្ញុំទើបតែនឹងស្គាល់ពួកគេក្នុងពេលនេះឯង។ម្តាយរបស់ពួកគេឈ្មោះFalkerson។ឈ្មោះនេះត្រូវបាននាងប្រើមុនពេលដែលនាងរៀបការ។ខ្ញុំបានស្គាល់ម្តាយរបស់នាង។យាយរបស់នាងត្រូវបានព្យាបាលនៅពេលមួយប្រហែលជា២០ឆ្នាំមុនគាត់មានជំងឺរបេង។ខ្ញុំដឹងថាព្រះវិញ្ញាណដែលបានប្រោសព្រះយេស៊ូវគ្រីស្ទឲ្យរស់ពីសុគ្គតឡើងវិញនឹងមកសង្រ្គោះនាងទាំងពីរនាក់ក្នុងពេលនេះ។ព្រះវិញ្ញាណនោះនឹងជាន់ឈ្លីអស់ទាំងវិញ្ញាណនៃសេចក្តីអាក្រក់នឹងដេញវាចេញមិនឲ្យមករំខាននាងទៀតឡើយ។ខ្ញុំនិយាយពាក្យនេះក្នុងអំណាចនៃព្រះបន្ទូលរបស់ព្រះ។អ្នករាល់គ្នាត្រូវមានកំហឹងចំពោះអារក្ស។ ព្រះទ្រង់នឹងប្រទានជ័យជំនះមកយើងរាល់គ្នាអ្នករាល់គ្នានឹងទទួលបានក្នុងពេលនេះ។“នេះជាជ័យជំនះ ដែលឈ្នះលោកីយនិងជំនឿរបស់អ្នកផងដែរ”។
75
អ្វីដែលអ្នករាល់គ្នាជឿអ្នករាល់គ្នានឹងទទួលបាននូវការព្យាបាលដោយសារអំណាចព្រះចេស្តារបស់ផងព្រះសូមអ្នករាល់គ្នាក្រោកឈរឡើង ហើយដំកើងទ្រង់សូមទាំងអស់គ្នាក្រោកឈរឡើង។សូមលើកដៃឡើងក្នុងពេលនេះសូមយើងទាំងអស់គ្នាច្រៀងសរសើរទ្រង់។អរព្រះគុណព្រះអម្ចាស់យេស៊ូវសំរាប់អំណាចនៃការព្យាបាលរបស់ទ្រង់។នេះជាសេចក្តីជំនឿដែលនាំមកនូវជ័យជំនះ។នេះជាជ័យជំនះដ៏ពិត។យើងទាំងអស់គ្នាប្រកាសថាពួកគេបានជានូវក្នុងព្រះនាមព្រះអម្ចាស់ព្រះយេស៊ូវគ្រីស្ទ។សូមទ្រង់ទទួលសេចក្តីនេះ ផងព្រះអង្គអើយ។
“ទូលបង្គំ សរសើរទ្រង់”
“ទូលបង្គំ សរសើរទ្រង់”។តើអ្នករាល់គ្នាចេញពីរនាំងរបស់អ្នករាល់គ្នាឬនៅ?
សរសើរកូនចៀមដែលបានសុគតសំរាប់មនុស្សមានបាប
សូមថ្វាយសិរីល្អដល់ទ្រង់ អស់មនុស្សគ្រប់សាសន៍
ព្រះលោហិតទ្រង់បានលាងអស់ទាំងអំពើបាប
បាទ!!សូមយើងច្រៀងទាំងអស់គ្នាក្នុងពេលនេះ
“ទូលបង្គំ សរសើរទ្រង់”
សរសើរកូនចៀមដែលបានសុគតសំរាប់មនុស្សមានបាប
សូមថ្វាយសិរីល្អដល់ទ្រង់ អស់មនុស្សគ្រប់សាសន៍
ព្រះលោហិតទ្រង់បានលាងអស់ទាំងសៅហ្មង
76
សូមស្តាប់អ្នកទាំងអស់គ្នា។ខ្ញុំជឿថាអ្នករាល់គ្នា មិនទាន់ឡើងដល់កន្លែងនោះនៅឡើយទេ។ខ្ញុំនឹងមិនអនុញ្ញាតិឲ្យវិញ្ញាណអាក្រក់មកឈ្នះអ្នករាល់គ្នាក្នុងលក្ខណៈបែបនេះនោះទេ។វាគ្មានហេតុផលណាដែលអាចនឹងឈ្នះយើងបានឡើយ។ដំណឹងបានផ្សាយហើយព្រះគ្រីស្ទទ្រង់គង់នៅទីនេះដើម្បីនឹងបញ្ជាក់។វិញ្ញាណអាក្រក់ជាអ្នកកុហកយើង។អ្នករាល់គ្នានឹងត្រូវបានជាដោយសារព្រះយេស៊ូវគ្រីស្ទ។សូមអ្នករាល់គ្នាជឿឲ្យអស់ពីចិត្ត នេះជាជ័យជំនះរបស់អ្នករាល់គ្នា។សូមកុំអណ្តែតទៀតឡើយ សូមអ្នករាល់គ្នាឈរនឹងនៅលើកាល់វ៉ារីហើយសរសើរទ្រង់និងថ្វាយសិរីល្អដល់ទ្រង់។ សូមប្រាប់ទ្រង់ថា អ្នករាល់គ្នាស្រឡាញ់ទ្រង់សូមប្រាប់ទ្រង់ថាអ្នករាល់កោតសរសើរទ្រង់។ព្រះទ្រង់នឹងព្យាបាលអ្នករាល់គ្នាហើយអ្នករាល់នឹងរួចពីចំនងនោះ។សូមកុំគ្រាន់តែនិយាយដោយមាត់នោះឡើយតែសូមឲ្យវាចេញពីចិត្តរបស់អ្នករាល់ដោយសរសើរដល់ទ្រង់។
ខ្ញុំសរសើរទ្រង់ (ពីចិត្តរបស់ខ្ញុំ)
ខ្ញុំសរសើរទ្រង់
សូមយើងរួមគ្នាមកសរសើរទ្រង់
សរសើរកូនចៀមដែលបានសុគត
សូមយើងរួមគ្នាមកសរសើរទ្រង់(សូមដំកើងទ្រង់)
ព្រះលោហិតទ្រង់បានលាងអស់ទាំងសៅហ្មង
77
តើសេចក្តីសៅហ្មងប្រភេទណា?សេចក្តីសៅហ្មងនៃការសង្ស័យ។“ខ្ញុំបានជាដោយសារស្នាមរបួសរបស់ទ្រង់ខ្ញុំបានជា។ ខ្ញុំជាកម្មសិទ្ឋិរបស់ទ្រង់ ជំងឺដែលខ្ញុំមានត្រូវបានជា។ខ្ញុំនឹងសរសើរទ្រង់។ ខ្ញុំនឹងថ្វាយសិរីល្អដល់ទ្រង់។ខ្ញុំនឹងស្រែកអំពីជ័យជំនះនោះ។ ខ្ញុំនឹងប្រាប់ទ្រង់ថាខ្ញុំស្រឡាញ់ទ្រង់។ ខ្ញុំជឿដល់ទ្រង់។ ខ្ញុំមានសេរីភាព”។ ហាលេលូយ៉ា!
ព្រះលោហិតទ្រង់បានលាងអស់ទាំងសេចក្តីសៅហ្មង
ខ្ញុំនឹងសរសើរទ្រង់ ខ្ញុំនឹងសរសើរទ្រង់
សរសើរកូនចៀមដែលបានសុគត
សូមយើងរួមគ្នាមកសរសើរទ្រង់
ព្រះលោហិតទ្រង់បានលាង
បំបាក់អស់ទាំងសេចក្តីសៅហ្មង
ខ្ញុំនឹងសរសើរទ្រង់ (ហាលេលូយ៉ា ហាលេលូយ៉ា)
សរសើរកូនចៀមដែលបានសុគត
សូមយើងរួមគ្នាមកសរសើរទ្រង់
ព្រះលោហិតទ្រង់បានលាងអស់ទាំងសេចក្តីសៅហ្មង
ខ្ញុំនឹងសរសើរទ្រង់
សរសើរកូនចៀមដែលបានសុគត
សូមយើងរួមគ្នាមកសរសើរទ្រង់
ព្រះលោហិតទ្រង់បានលាងអស់ទាំងសេចក្តីសៅហ្មង
78
ថ្វាយសិរីល្អ!! សរសើរព្រះនាមទ្រង់!!តើអ្នករាល់គ្នាស្រឡាញ់ទ្រង់ទេ? សរសើរទ្រង់!! ដំកើងនាមទ្រង់!!ព្រះគ្រីស្ទដ៏មានសិរី ជាព្រះដ៏អស្ចារ្យជាព្រះដ៏មានព្រះជន្មរស់សព្វថ្ងៃ ជាព្រះយេហូវ៉ាដែលទ្រង់គង់នៅក្នុងសញ្ញាចាស់។ទ្រង់ធ្វើការយ៉ាងអស្ចារ្យ។ទ្រង់ជាព្រះដ៏អស្ចារ្យ។យើងស្រឡាញ់ទ្រង់។
នៅពេលដែលចំបាំងបានបញ្ចប់ យើងនឹងទទួលបានមក្កុដ
បាទ!! យើងរាល់គ្នានឹងទទួលបានមក្កុដ!!
បាទ!! យើងរាល់គ្នានឹងទទួលបានមក្កុដ!!
នៅពេលដែលចំបាំងបានបញ្ចប់ យើងនឹងទទួលបានមក្កុដ
នៅក្នុងក្រុងយេរ៉ូសាឡិមថ្មី
យើងនឹងបានមក្កុដ យើងនឹងបានមក្កុដ
យើងនឹងពាក់មក្កុដ ដ៏មានពន្លឺ
នៅពេលដែលចំបាំងបានបញ្ចប់ យើងនឹងទទួលបានមក្កុដ
នៅក្នុងក្រុងយេរ៉ូសាឡិមថ្មី
យើងនឹងបានមក្កុដ យើងនឹងបានមក្កុដ
យើងនឹងពាក់មក្កុដ ដ៏មានពន្លឺ
នៅពេលដែលចំបាំងបានបញ្ចប់ យើងនឹងទទួលបានមក្កុដ
នៅក្នុងក្រុងយេរ៉ូសាឡិមថ្មី
79
នេះនៅក្នុងគំនិតរបស់ខ្ញុំដូចដែលព្រះវិញ្ញាណបរិសុទ្ឋទ្រង់បានយាងមកក្នុងសម័យរបស់Pentecost ដែលបានបំបាក់អស់ទាំងខ្នោះជើង។ខ្ញុំបានកត់សំគាល់ឃើញបុរសម្នាក់ដែលឈរនៅទីនេះគឺលោកMennoniteកាលនៅឯIndianapolisគាត់បានដើរចូលមកដោយគាត់មានជំងឺឆ្កួតជ្រូកជាច្រើនឆ្នាំ។ហើយព្រះវិញ្ញាណបរិសុទ្ឋបានហៅគាត់ចូលក្នុងការប្រជុំរបស់យើងហើយពេលនោះព្រះទ្រង់បានព្យាបាលហើយធ្វើឲ្យបានជាពីជំងឺនោះ។អូ!!តើទ្រង់មិនអស្ចារ្យទេឬអី?គ្មាននរណាម្នាក់ដឹងឡើយលើកលែងតែអ្នកដែលបានភ្លក់នូវសេចក្តីល្អរបស់ទ្រង់តែប៉ុណ្ណោះគេនឹងដឹងថាទ្រង់ល្អយ៉ាងណា។
80
អ្នកទាំងអស់គ្នានៅក្នុងគំនិតរបស់ខ្ញុំ នេះជាសាសនាបុរាណមួយហើយព្រះគ្រីស្ទទ្រង់បានយាងមកចូលចំកណ្តាលហើយប្រទានពរដល់យើងរាល់គ្នា។យើងទាំងអស់គ្នាពិតជាមានអំណរក្នុងពេលនេះ។ខ្ញុំជឿថាអ្នករាល់គ្នានឹងពិសោធន៍នូវវត្តមាននៃព្រះវិញ្ញាណនៃព្រះ។នៅពេលដែលជំនឿរបស់អ្នករាល់គ្នាលិចកាន់តែជ្រៅទៅភាពសង្ស័យទាំងអស់នឹងចេញទៅអស់អ្នករាល់គ្នានឹងមានសេរីភាព។សូមនិយាយពីជំងឺនោះចាប់ពីពេលនេះតទៅពីព្រោះអ្នកបានដាក់ជំងឺទាំងនោះទៅឲ្យវេជ្ជបណ្ឌិតម្នាក់គឺបានដាក់វាឲ្យទៅព្រះគ្រីស្ទ។ទ្រង់នឹងពិនិត្យមើលអ្នក ហើយនឹងដកអស់ទាំងសេចក្តីសង្ស័យទាំងអស់ចេញដូច្នេះអ្នករាល់គ្នានឹងទទួលបាននូវការព្យាបាល។សូមព្រះប្រទានពរដល់អ្នករាល់គ្នា។
នេះជាសាសនាបុរាណ
វាពិតជាល្អណាស់ដល់ខ្ញុំ
នេះជាសាសនាបុរាណ
នេះជាសាសនាបុរាណ
នេះជាសាសនាបុរាណ
វាពិតជាល្អណាស់ដល់ខ្ញុំ
ធ្វើឲ្យខ្ញុំស្រឡាញ់អ្នកដទៃទៀត
ធ្វើឲ្យខ្ញុំស្រឡាញ់អ្នកដទៃទៀត
ធ្វើឲ្យខ្ញុំស្រឡាញ់អ្នកដទៃទៀត
វាពិតជាល្អណាស់ដល់ខ្ញុំ
អូ!!! នេះជាសាសនាបុរាណ
នេះជាសាសនាបុរាណ
នេះជាសាសនាបុរាណ
វាពិតជាល្អណាស់ដល់ខ្ញុំ